1 Timoti 5:3 - Ka Lamana'a Monoꞌi Lu Mu Tifiꞌehina Ka Yabe

³ To keto ana'i enali'anigo minete megusa hite nehinogo enele'mo lamana huto fi hetofa hu epalalane.

1 Timoti 5:3 ပူးပေါင်းရင်းမြစ်များ

Matiu 15:6

Ya luloto ai ito'afinogo afo'afinogo etele'mo bati mehulata nohibe. Lenali ya'mana suhi li huto nehitemo Hu'mamofihi keya ka'a li gofa nehete lenali hapatinimofinogo li saga hilata nehabe.

Matiu 23:13

Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boana'magihi enubulo kokulumamofihi kasiha'a li hekini lelata nehabe. Lenalitini ana kapo'alo metise nehite boana'magi tilune'mu nehana ana kapo lenali li hokolo mehi epelelata nehabe.

Luku 2:37

Alihi baha'a fililago ai fa'mene mino'ehina. To yatai kufu'a 84 nominabe ya nohuto'a sipi mono nohi hepato menohe'mina litana'i yabe. To ai nose'namofihi mo sito to nunumu huto minoto Hu'mamofihi yege fito to mono lili'na'a fuliga hiti folugu'i hiti lito minolata hu'ehina.

Luku 7:12

Ya hite ana hepa'mofihi sipi gegisa he mele'ahanalo buho netigo bo mone fili'ehina yafa bite neete kene mala mala hepalugu bilune'mu nehabe. To ana fili'ehina pana'i ya keto a'i mone baha'a koyapa'i afililago mone'isi nohina pana'a fili'ehigo yafa bite neago babu boana'i ana hepaluguti yibi nama hite enemege'i e'ahana yabe.

Yoni 1:47

Natanieliu Yesu nohinalo nobigo bu goloto ai kumu ma luto lu'ehina: Bu galo. Ma bo lusi Isilaeli meto bo faga faga menina bo nohinagihe.

Aposolo 6:1

Ya'mana kana'alo ka lamana'a mege'i malana bona'i luga'a babu lite ete ikele'ahana. To luga'a ka lamana'a mege'i malana bona'magi Giliki nogo nehanamagi enali luga'a Hibulu nogo nehanamagi ka epeki'ahana. Ma lite li'ahana: Lenali asaga yupahi nose'na'ani meni'ina boana'i enehe'melata nehanaya to keto ana'i enemegesa hu epite menehe'melata nehabe.

Aposolo 9:39

Ya lite lana kaga keheliloto Pitau ho tiloto enemege'i moneka bi'ahana. Ai ana hepatoga henetilago nohi ifo hasagu le'mete ti'ahana. Ya hago asaga keto ana'magi yibi hilete Pitahi ete le'mo bego hilete Tokasiu nohuto lolo huto epi'ehina gukete li lepi'ahana.

Aposolo 9:41

Ya nohigo Pitau buto he'moto yato lito le'mo saga hu'ehina. Ya huloto keto ana'i nehanalo le'moto buto enelepi'ehina.

1 Tesalonika 2:6

Lenalifi to noto noto bona'ifi lali kumu kehelinogo tinogo lenikibina bo lolo hilabe luto melune.

1 Timoti 5:2

Litana'i enali kumu ito'nigitabe luto ya'ma kaba hu epoloto ya suhi ma suhi hu epolo lito buto minalane. To yafana'i neta bona'nimagita yabe luto ya suhi holito nobuto yamofihi kaika kegekesa komopaka kaba hu bati hubo.

Yemesi 1:27

Megusa yagapana'i to keto ana'i ete keta noepesinogo enele'mo bati hiluta to metoga bona'magihi enipakafa hose'nauba lele'mo sibina hu laligi luto kaba huto minaluta ya'ma Hu'mamofihi amuya'amu kehelito lusi mono kagalugu minaluta nasana hiti Hu'mamofihi bulo mino fe luto lama'naka, minalube'mu nohibe.

1 Pita 2:17

Lenali silaga bona kumu keheli bati hite keheli epilo. To Hu'mamofihi ka keheli nehanamagitoga komopatini epilo. To Hu'mamofi kumu koli hite aitoga agoya hi emilo. To ma metoga gihiti bo'mu keheli bati hite minalo.

1 Pita 3:7

To bona'magita, lenali ana suhi hite lihatini hiti hepite mine lite bite minete lihatinimagihi kaba hu bati hite minete ana'ina'ya fulunaguti li epite minalo. Ana'magihi enugufa'ani amuya memolo'ehina ni'inaya aku'i enali hiti lenali bomagita hiti mino kosaba huse'na ana hite lilana'mu yabe. Ya'mu lenali lihatini kumu keheli bati hite minalo. Lenali hiti lihatini hiti ya'ma koguna ite bati hite moneko komopatini lolo hinogo Hu'mamofitoga lilete nunumu hinogo yauba fa'mene lolo hu lalibe lite ya hite minalo.