1 Timoti 4:1 - Ka Lamana'a Monoꞌi Lu Mu Tifiꞌehina Ka Yabe

¹ Hu'mamofihi Sikalafu'uba ya nasana ka'a lu hokolo huto ma luto lulata nohibe. Kana minomo tito aliha'a bona'i lug'a enali mono kamofihi li pili ke'ahanamo ya'ma he'milete keheli negi nagi nete laga mehina felemagihi enali kaga'ani mege'i malalabe. To ana foipa felemagihi faga faga kagagu bite i hepite kehelilana'mu yabe.

1 Timoti 4:1 ပူးပေါင်းရင်းမြစ်များ

Matiu 18:7

To ma melugu bomagi bona'i luga'a foipanagu enelepite bilata nehana boya sipi keta epesilina'mu yabe. Ma'naka luto ya'manana huto hilina'mu yabe. To anana li huto hilina boya sipi keta besilina'mu yabe.

Luku 17:1

Yesu koko panana'a lu epi'ehina: Asaga'na fato fato ninauba huto hulenogo asaga boana'i foipanagu enele'mo malalina huto hu'ehina yabe. Ya hu'ehina enali'ani anana li huto hilata nehana bona'moya ke luto nolu epolobe.

Yoni 16:13

Mono ka lamana'amofihi afo'afu fana meha'a hiti Sikalafu'uba ai'a limiloto lamana kaga komopa'agu lenele'moto bilube'mu hibe. Yamofihi ai'a ekesa kehelito lu melepilina'a huto ni'inaya, Hu'mau lu'ehina'a huto lu lepilina'mu yabe. Ya huloto minoto ana'ina huto hilina'mu lu lepilina'mu yabe.

Aposolo 13:2

Ya hite, enali komopa'ani Sipi Bomofitoga emite nunumu nama lite nose'na mo site nehago Sikalafu'uba oto ma luto lu epi'ehina: Lenali Banabasinogo Solinogo etele'mo ho tinogo nani lu etoto'ohuna lili'nalo bila'ibe.

Aposolo 17:18

To luga'a Epikuli bona'i to Sitoiki bona'i kaga enelepilata bo'animagi Polu hiti kenasabo bilete luga'amagi ma lite li'ahana: Ya'ma hagulu hagulu ka nolina bo ai henamofihi kaga lu epilube'mu nohibe? To luga'a bona'magi li'ahana: Ai fato melugu meha'agi kaga'ani lu yege nohabe. Polu Yesu kumu ai fili'ehinagati aku'i ho ti'ehibe luto ka lamana'a lu yege ho epina'mu ya lite li'ahana yabe.

Aposolo 20:23

To ya'ma Sikalafu'uba asaga hepatoga nonehetugo kalabusi naga'i kimilabe luto gabu gilina suhi huto hi ketalabe luto lu nimigo keheli'ohube.

Aposolo 21:11

Ai lalitoga oto Poluhi leti'a liloto ai'a yaha gigusa'asi ana letitu sa nogito ma noluto lu'ehina: Hetofa Sikalafu'uba ma nolibe, Yelusale hepatoga neminana Yuta bona'magi ya'ma letimofihi afo'afumo ya'ma hiti sa gi ule'ale hilete naga'i ite fegutoga bonatoga le'mete bilabe.

Aposolo 28:25

Enali'ani fato fato enegekesa yigilete bula ola hilune'mu nehago Polu kaga mone ma luto lu epi'ehina: Tatatifihi Aisaiyahi kaga lu yege holata bomofihi bagalo Sikalafu'uba ma'naka luto ma luto lu emi'ehina yabe:

1 Koliti 10:20

Hu'mamofihi mekeheli'ahana bona'magi enali seba'a nelata nehana ya'ma Hu'mamofi kumu meni'ibe. Sibi felemagihi seba'a nelata nehabe. Ya hu'ehina'mu nani'ni ya'ma lenali hiti sibi fele hiti i hepilana bati mehibe luto keheli'ohube.

1 Koliti 11:19

To loko hi'ahanauba hiya bona'magi Hu'mamofihi bulo mono ka'mu amuya melelata nehana le'mo huto hulata nohibe?

1 Koliti 12:11

Ya nasanamofihi amuya silaga'i Sikalafu'i moneko'uba ai'a ekesa kehelito le'mo eto eto huto guna moloto limi su holata nohinamo ni'ibe.

1 Koliti 2:10

Ya nasana'amu Hu'mau ai Sikalafu'a ho lifigo oto lu huto hu limilata nohibe. Ana Sikalafu'uba silaga bona'magihi komopa'anigu to Hu'mamofihi komopa'agu fala kito ni'ina'a hiti kehelilata nohinagi ya'ma lu hokolo hu leto'ehibe.

2 Koliti 11:3

Yamofihi ya'ma osifa'uba mi'i mololata nohinamofihi hapa'a keheli fe lite minete Ebahi ya'ma faga kagaloti mi'i molo eto'ehina, ana kagaloti lenalitoga bona'i luga'amagi enimi'i molo lepalalana'mu kehelilata nehana golo golo gilenogo babahi Kilisito kumuko kehelilata nehanamofihi he'mi lalabe luto nekehelugo keta nohigo nolube.

Kolose 2:18

To bona'i mone'amagi enali'ani enegekesa yigi yigi nehanana to bamu'i bu neganana lusi mono ka ni'ibe lite, lali lenebe ligi'ohuta nohune lite liyafa hite neminabe. Faga nelina bona'i nehabe. Enali enugufa'ani le'mo sibina nehite'ani to agelomagihi Hu'ma tegi hite nehabe lite enali'ani enegekesa yigise'na'ani liyafa nehana yabe. Ya bati mehina yabe. Enalimoya lenalitoga ete ana suhi hite minalo lite ka lepekinogomo enemege'i memalalo. Enali komopatiniguti sabiyanatini lu he'mi lepalalana'mu yabe.

2 Timoti 3:13

Ya hu'ehinaya bona'i foipa'a enali enimi'i melenogo lelite nebite fala kite bite ai mi'i malago ai mi'i malago ya'ma foya'a lelite nebinogo napa ho lito buto hofa talube'mu hibe.

2 Timoti 4:4

Enali i behe hite, lusi mono kamofihi legeya'a ya'ma enemegesa hu emilete gusunupa'a meni'ina kilihe'i kagalo bite i hepilabe.

Yemesi 3:15

Ana kehelise nasana kokulumaluguti melimi'ehibe. Noto noto bona'magitogati huto nohigo mega lugufatu lilata nohune. Foipa feleuba ya'ma ana huto hite ana'ina lilo luto lohoka nohigo tafa lemehatitu lilata nohune.

1 Pita 1:20

To koyapa'i kokuluma'i me'i huto mehina kanagu Hu'mau le'mo ho tito ho lifigo limito bona'magihi foipana'ani'mu fili'ehina. Yanauba aliha'a kanagu su halube'mu nohinogo lenali kumu yabe luto ligo huto hu'ehina yabe.

2 Pita 2:1

Koyapa'i Isilaeli bona'i enalitoga kaga leli'ali fagalo bona'i mono ka lu sibina huse bona'i kosaba'i babu lite huto hite mine'ahana. To ana huto lenalitoga Yesuhi kaga lu sibina hilana ya'ma leli'ali bo huto hilune'mu nehabe. Enali faga mono ka li huto hite minenogo lenalitoga loko huse nasana'a lenele'mo sibina huse nasana'ya huto hu lepilube'mu nohibe. To ya'asigo meni'ibe. Sipi Bouba foipana'ani he'mi epoloto enubuto bi'ehina bona'i enali Sipi Bomofihi enemegesa hi emilata hilana'a to Sipi Bomofihi gi'a li sibina hulata yamofihi lilabe. Enali'ani ya hite melete, hana'mu yabe luto foipanamofihi nona'a huto hulatanamofihi ya'ma mele'isi kali nali huto hu epiluna'mu yabe.

2 Pita 3:3

Ya nehite keheliya ite lenemehi emite kehelilo. Aliha kana'a tupa nohinogo bona'i sibina'a huto hilete foipanamofihi foya'aniguti lite minete nehite libe pigi bibe nehi lepelete ma lite lilana'mu yabe. Sipi Bo aku i behe huto alube luto lu'ehina yamofihi legeya'a hiya'a ni'ibe? Koyapa'i tatatigi keheli mebite minete fili'ahana yabe. Ya hulago ana'ina silaga'i melugu huto hu'ehina kanagu ema'aloti ana'ina'ya minomo buto tito mino'ehinamo ni'ibe. To ana supo huto mino'ehibe, lite lilanagihe.

1 Yoni 2:18

Palala'ni pana'nimagitabe, kana'a ya'ma hupamone'i asu halina'mu yabe. Ya'mu lenali Kilisitohi fateha'a huto hilibe lite keheli'ahabe. To yatai fatehe bona'a babu lite huto hilete mine baga i'ahabe. Yana'mu ya'ma kana'a su ho lamana hu'ehibe luto akeheli'ohune.

1 Yoni 4:6

Lali ya'ma Hu'mamofitogati huto hu'ohutamo ni'inaya enali Hu'mamofihi bona'a nehana'amagi ya'ma lali kaga kehelilata nehabe. Hu'mamofitogati huto mehi'ahana ya'amagi lali kaga menekehelibe. Yamu'i lali ka lamana'amofihi hapa'a to le'mo sibi hulata'na ka legeya'amofihi hapa'a yaguya bu go bati huto hulata nohune.

Yute 1:18

Enali ma lite lu lepilata hi'ahanamo ni'ibe: Kana'a sipi tupa higo komopa'anigu foipanamofihi nasanalo ya'ma laga epesise'namo amuya melelata nehana bona'i huto hilete kalana'i mele lepelete mono katini lite mumusopa ilana'mu yabe.

Yute 1:4

Hena'mube? Bona'i luga'a Hu'mamofihi keheli'ahana'a enali folagahatigu fenene hite ti'ahana. To enali moko foya lilata nehanalo Hu'mau ka melemekilina'mu yabe lite ai hetofa bo nohinagihe lite nelana enali ya lite Hu'mamofihi lehe'mose kaga'a li sibi hite to lali moneko kaba boti, Yesu Kilisitohi enemegesa hu emite ibe fitebe hi etelata nehabe. Enali ya'ma bite li he'mila ete li he'mila nehanamofihi hapa'anilo Hu'mau osahi epilina ka koyapa'i mono bukugu fayahi keye'ahanamo ni'ibe.

Huto Hilina Ka 13:14

Hu'mau lu laga mehu'ehigo topa hose nasana amuya ya suhi huto lolo hilibe luto keheli emigo kohe toto akafu yagakafa ti'ehina ai'a bulo ya'ma topa hose nasana lolo huto melugu bona'i komopa'ani fibe taga hube huto mino'ehina. Ya nohuto metoga bona'i lu epigo akafu yagakafamofihi afeha'aga ema emitatu laga hago fili'ehina ya suhi lolo huloto ho ti'ehinamofihi fayaha'a legita lolo hilo ligo ya lolo hite anatoga enalapusa fi emilabe.

Huto Hilina Ka 16:14

Enali ya'ma Satahi pana'alobomagihi ya'ma felemagi topa hose foya nasana lilata yamofihi amuya lite minete ya'ma noto noto bona'magihi kibina bo'animofihi go'na bilago Hu'mau sipi amuya bomofihi ai malalina kana'a sipilo li nupa nehite luba filune'mu habe.

Huto Hilina Ka 18:2

Ai ka sipi luto ma luto lu'ehina: Bebiloni hepa'mo tele tulu bito bibe. Ai ho limito nobibe. Buloto foipa fele fato fato'mofihi nohi hepa'a li lolo huto nohibe. To nama kolotana laga mehana'a fato fato'magi enali nohi hepa'i lolo huto nominabe.

Huto Hilina Ka 18:23

To hupamone su halube'mu hibe. Libi'mofihi fana mehena'a enalitoga mone besa besa melalina'mu yabe. To le'mo nemelenogo boana'i enali ana'i kata hilana nasanamofihi nama enonogo ana huto enali hepato mone huto mehilube'mu hibe. To bisinisi foya lilata nehana bona'a noto noto bona'i enigihiti bo lolo hite minelata hi'ahanamo ni'ibe. Enali faga faga lise nasana to nalisana'anitu noto noto bona'i komopa'ani li sibina hulata hu'ehinamo ni'ibe.

Huto Hilina Ka 19:20

To akafu yagakafa ai hiti to faga faga mono ka loli'ali bo ai ya'ma akafu yagakafamofihi bulo topa hose nasana suhi huto li'ehina bo hiti naga'i etimi'ahana yabe. Ya'ma faga faga mono ka loli'ali bo ai koyapa'i akafu yagakafamofihi meha'a enalapusa fi emi'ahana bona'i to akafu yagakafamofihi omiha'a enogobisalo fayahi ge'ahanamagi hiti topa hose foya'atu enali'i komopa'ani le'mo sibi sibi hu'ehina. Yana bo hiti to akafu yagakafa hiti enele'moto logo'a hiti nagami hefunugu kala efahi logo loto nohinagu ya'ma he'mi etatogo mefilise hite limi'aha'ina.

Huto Hilina Ka 2:11

Sikalafu'uba Hu'mamofihi yagapana'a li gehesa hi'ahana ka'amofihi lu noepina ya'ma enegekesagu hokolo hilina'amagi ya'ma keheliya ite kehelilabe. Luga'amagi enali helebole hite bite Satahi luba'a be ligilana'amagi ya'ma alihi fililata nasanauba aku mone enele'mo sibina mehilibe luto nolube.

Huto Hilina Ka 2:17

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe. Luga'amagi mono kagu ule'ale hite bite Satahi luba'a be ligilana'a ya'ma fala kito nose'na legeya'a mana yabe luto kokulumaguti limi'ehina nose'na epilube'mu hube. To kala efahi hapa'a ya'ma eto eto huto epilenogo yalo'i gi'a fayahi kosaba'i minenogo efapofihi afo'afu ai'asigo kehelilube'mu hibe luto nolibe.

Huto Hilina Ka 2:29

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 2:7

Sikalafu'uba Hu'mamofihi yagapana'a li gehesa hi'ahana ka'a lu epito lu noepina ya'ma enegekesa hokolo hinogo keheliya ite kehelilabe. Luga'a enali mono ka amuya melete bite Satahi luba'a be ligilana'amagi ya'ma mefilise minoba minoba hilatanamofihi legeya'a Hu'mamofihi foya'agu biha'a ni'ina ya'ma nalabe luto keheli epilube luto nolube.

Huto Hilina Ka 20:10

Ya nehinogo Satahi ya'ma afetoga bona'i enimi'i molo'ehina bo ai hiti fela logomofihi hefuha'agu kala efahi logogu loto ni'inagu fi felu ho he'minogo limi'ehina yabe. Koyapa'i akafu yagakafa ai hiti to faga faga mono ka leli'ali bo ai hiti anagu fi felu ho he'minogo limi'aha'inagu ya'ma Sata hiti limi'ehina. Enali ya'ma ufeha'a hiti nasana kofi epelelenogo kana'amu kana'amu utehi etehi enagabu kumu kalafa hite minalune'mu habe.

Huto Hilina Ka 20:8

Henetiloto noto noto bona'i melugu nekisa bokisa'aga ya'ma Gogo metogati to Magogo metogati bona'i komopa'ani le'mo sibina hu epoloto enele'mo negi nagi noloto bona'i enogo'na henogo luba li huto hilabe'mu enele'mo nupa hilube'mu hibe. Enali napa'ani ya'ma kehe'i ya suhi hite leka soto leka soto su mehose suhi huto nehabe.

Huto Hilina Ka 3:13

Sikalafu'uba Hu'mamofihi yagapana'a li gehesa hi'ahanamagihi ka'a ya'ma luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 3:22

Sikalafu'i yauba Hu'mamofihi yagapana'a li gehesa hi'ahanamagihi ka'a ya'ma luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 3:6

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 9:20

To ana kufe kafe nasanauba bona'i luga'a meenoho'ehinamagi enali komopa'ani li gelehe mehise enali fa'mene nasana lolo hite lilete lila lila hi'ahana ya'ma li mehe'mi'ahana yabe. To foipa felemofihi to faga lugefa nasana golitu to silibatu to aeonitu to efatu to yafatu lolo hi'ahana'a be gete kehelise'na meni'ina'a to kapo moloto mebuse'namofihi ya'ma lipite enalapusa fi epite mine'ahana.