1 Timoti 3:2 - Ka Lamana'a Monoꞌi Lu Mu Tifiꞌehina Ka Yabe

² To babafi lolo hilina foipa meminenogo minoto a'i moneko'i li'ehilina bouba minalina'mu yabe. Ya suhi ma suhi hilutaya sibina hu lalube luto gufa'a kaba huto minalibe. Legeso huto besana kapogu minalina'mu yabe. Ana bouba bonoho bona'i elenogomo mehi epito enebe tigito enele'mo malalibe. Mono bukugu kaga lilata foya yamofihi fato bona'i lu enelepilina keheli bebe soto le'mo fotogo huto lilibe.

1 Timoti 3:2 ပူးပေါင်းရင်းမြစ်များ

Luku 1:6

Etali Hu'mamofihi bulo bati hite mine'aha'ina. Etali asaga keya kafi to Sipi Bomofihi kagafi liyafa hite pelesa meise hite fulu li'aha'ina.

Luku 2:36

To Hu'mamofihi ka'a leli'ali a'i mone mino'ehina, gi'a Ana. Ai afo'afihi gi'a Fanueli, ya'ma bo Ase nagaluguti o'ehina. To Ana aiya litana'i koyapa'i bo lito baha'a hiti nayahi mone kegi'a su hago mone kegi'ati loemo heleko malago kufu mine'aha'ina.

Romu 12:13

Lenali Hu'mamofihi bona'a enumuhi meni'ina'amagihi fe'nohatini fuku lite li epilo. To bonoho bona'i elenogomo nohatinigu enele'mo melenogo tilenogo nose'na epite malo kalo lite, ya lu epilo.

Filipai 2:15

Ya nehite foipanatini meminose komopatini gulu gulu linogo minalabe. Ya nehite bona'i li nupa hilata lisipa bise bo to li sibina sabana hilata nehana bona'i enali metepu komopa'agu ya'ma lenali Hu'mamofihi panala'a pana'a komopatini bati hulenogo lolo hite minete sonofi'i lolo hite fi fana talabe.

1 Timoti 3:12

Mono lili'nalo bona'i enali ana'i moneko li'ehilana bo minalabe. To enali liha'ani hiti yagapana'ani hiti bati hite kaba hi epelelata hinogo minalabe.

1 Timoti 3:8

Mono lili'nalo bomagi enali ana suko hite fulunagu minete hetofa foya lilata nehabe. Enali enabagaguti ka foipa'amofihi ibe laga hibe hite le'mo sibi sibi mehise ka lamana'a lite minalabe. Bai nagami'i neba neba mehise nehana. To efaha fe'no lilatana'mu komopa'ani emite enegekesa yigi yigi mehilana'mu yabe.

1 Timoti 4:3

Ana'i melise gofuta minalo lite lu epilata nehabe. To nose'na mone'a menese mo silo lite lu epilana'mu yabe. Ana faga faga nelana yabe. Hu'mamofi kumu kehelite amuya melete minalana bona'magi ai ka'a lamana'a keheliya ilana bona'magi enali nose'namofihi foke ka lite nalabe luto Hu'mau li huto hu'ehinamo ni'ibe.

1 Timoti 5:10

Ai ya suhi huto lito moloto hu'ehina nasana bona'magi enali keheli'ahanamo ni'ifihe? Yagapana'a ketoto bati huto kaba hu epoloto komopa'a epi'ehinamo ni'ifihe? To aitoga bonoho bona'i e'ahago kaba hu bati hu epolo'ehinafihe? To ai'a limito minoto Hu'mamofihi yagapana'a luga'a enele'mo bati hu'ehinamo ni'ifihe? Ai bona'i ketanauba sibina hu epolo'ehina'amagihi enele'mo bati hu'ehinamo ni'ifihe? To bona'i mehi epito ya suhi ma suhi hu epolo'ehinamo hapa'a loka mika hu etetogo ana suko huto ni'inogomo gi'a fayahi pepagu kayalane.

1 Timoti 5:22

Bona'i luga'a enali kumu mono foya lilabe luto li aku metose lataha'anilo kayahi moloto lusa gi epalane. Enali foipanauba kai kugupisalo ti laligi kaika komopaka kegekesa kaba hitogo komopaka gulu gulu linogo minalane.

1 Timoti 5:9

To bona'a menehana keto ana'i kumu ma lilatagihe. Keto ana'i moneubafi moneuba bo moneko'i hiti mino'ehina a'i mino lito buto foya kana 60 yabe li he'mi'ehilinauba mono foya liloto lenalitoga minalube luto lilube'mu nohinogo gi'a fayahi pepagu keye mele'ehinogo Hu'mamofihi naga'magi kaba hi etalabe.

2 Timoti 2:24

To Sipi Bomofihi foya'alo bo enali hapa'ani hetofana ni'igo leli'ali hite luba kenasabo mebise asaga bonatoga amuya ka lite melise fulu kaguti mono ka enele'mo bebe sete enelepilata nehabe.

Taitasi 2:2

Ya huto lu epiletogo bona'i olopa napa'amagi eto hite legeso fulu hite komopa'anitu keheliya ite minete komopa'ani enugufa kaba hite nehinogo mono ka keheli ule'ale nehana'a to enemehi epilana'a to baga'a hiti'namofihi komopa'agu minalana'amofihi koli'a finogo bati hite minalune'mu habe.

Hibulu 13:2

To ka'i logo lili bona'i enebe tigite nohatiniluga enele'mo malalune lite kosele'i meleneheno. Luga'amagi enali bonoho bona'i atilo lite enele'me mele'ehite agelo nehana'muya enali mekeheli'ahana.

Hibulu 3:14

Lali asaga'i hapi fito keheliya ise'na ya'ma to fifa ilata nohuta li gehesalo nehetilutamofihi ya'ma Kilisitohi agoyana'a guna moloto li pili koto nominota bona'i lolo huto nohilune.

1 Pita 4:7

Ana'ina silaga'na su halina kana'a anasi tupa nohibe. Ya'mu lenali komopatini to lenugufa kaba hite keheli bati hite Hu'mamofitoga kaga luto loka halune lite babahi hite minalo.

1 Pita 4:9

Lenali kosele'i melepehenogo bonoho bona'i ya suhi hite kehelite enebe tigite nohatinigu enele'mo melenogo tite minalabe.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe