1 Timoti 2:8 - Ka Lamana'a Monoꞌi Lu Mu Tifiꞌehina Ka Yabe

⁸ Ya higo noto noto bona'i enali enita bigo luba sabo mehise minete bona'i komopa'ani gulu gulu linogo minete enayahi li saga hite Hu'mamofitoga lite fokehi lilabe luto nolube.

1 Timoti 2:8 ပူးပေါင်းရင်းမြစ်များ

Matiu 21:21

Ya lago Yesu ka'anilo nona'a ma luto lu epi'ehina: Lenali lenekesu meheno. Lenali komopatini nanitoga melelete lenali loe lae komopatini meminalina nani ma nemuya yafamofihi hu'ohuna suhi hilana'mu yabe. To lenali ya'ma sunogo mehilana'mu yabe. Ma kosamofihi ma lite lu emilana'mu yabe. Ma kosa ho tito hege nagamilugu limibo lilana lenabaga liyafa huto limilina'mu yabe.

Matiu 5:44

Ya hu'ehina nani yatai aku'i lu nolepube. Fatehatini enele'mo bati nehite to lenali'i lenele'mo bati mehilana bonatoga nunumu Hu'mamofitoga hu epelenogo ai enehe'malibe.

Matiu 6:12

To kai foipanati li he'mi letobo, to lali ana huto bona'magi foipana nehiletana li he'mi epalalune.

Luku 23:34

Ya hite neenahago Yesu ma luto lu'ehina: Foipana'ani li he'mi epolobo, Afo'niga. Enali ya'mana li huto nehananamofihi hapa'a ya suhi nohutagihe lite keheli bati mehi'ehite nehabe. Ya noligo enali gukete'alo enali'ani kati yokolo'na hilete li futili katili hi'ahana yabe.

Luku 24:50

Ya huto lu epiloto ai enele'mo bululu huto hepaluguti fegutoga limilete Betani enele'moto bu'ehina yabe. Ya huloto ai yahi li saga huloto lusa gi epolo'ehina yabe.

Yoni 4:21

Ya ligo Yesu lu emi'ehina: Ma a'i yale, nani lusiga luto lu nokumube. Alihi mone kana'alo ma kosalokofi to Yelusale hepatokofi bona'magi Hu'mamofihi enegelo bi meemilana'mu yabe.

Aposolo 10:2

Ai mono ka mege'i nomalana bo yabe. Ai hiti lalameha'a hiti asaga'i Hu'mamofitoga enemehi emite mine'ahana. Yuta bona'i luga'a enumuhi meni'ina bona'i Koniliasiu enehe'molata nohuto Hu'mamofitoga amuya moloto nunumu hulata hu'ehina.

Aposolo 10:31

Ya huloto ma luto lu'ehina: Koniliasio. Asaga bona'i enumuhi meni'inamagi enehe'moto enele'mo bati hulata nohatamolo Hu'mau nunumu ka akeheli'ehibe.

Aposolo 10:4

Ya ligo Koniliasiu bu goloto koli huto loka ho'ehina: Sipi Bo, hena hibe? Ya ligo agelouba Koniliasihi lu emi'ehina: Asaga hetofa foya suhi nohatana'mu luto Hu'ma ekesu mehago nunumuka keheligo bati hu'ehibe.

Aposolo 21:5

To ya'ma li nupa hu'ohunamofihi kana'a su hago anagati he'mito buna yupahi enali asaga'i liha'ani hiti yagapana'ani hiti lele'mete bite to hepa'i he'mite lele'mete nebago lali asaga'i moneko'na nagami beletoga kehetoga lahupa nohi fito nunumu hu'ohune.

Aposolo 7:60

Ya noluto ai lapusa noto minoloto mone'a hiti kehe sipi iloto ma luto lu'ehina: Sipi Bo, enali ya'ma li huto nehana foipana'ani'mu luto kekesa mekehelibe. Sitifeniu ya luto luloto ana'asilo fili'ehina yabe. Ya hite, Sitifenihi hanana'mu Soliu keheligo gufaluga bati hu'ehina yabe.

1 Koliti 7:7

Nani komopa'niuba ma luto nolibe: Nani nohuna suhi hite kofuta minalanamoya. Ya hu'ehina'mu Hu'mamofihi amuya'auba fato fato suhi huto lele'mo huto hu'ehina yamofihi kapo'a fato fato suhi huto ya suhi ma suhi huto ni'ibe.

2 Koliti 2:14

Akae. Hu'mamofihi legelo bi emilune. Hu'mau ai'a Kilisitotoga lele'mo hepilago ai foipana he'mi leto'ehina'mu fokehi hoto kanipo filata nohuto'a megesa'alo lele'mo leli'ali nohina yabe. Ya higo lali noto notoga buto ka'a lu noepinogo ana kagauba hetofa tu'a tili tele huto nobina suhi huto noto noto i futili huto nobibe. Ya'mu lali Hu'mamofihi keke'i lu etoto legelo bi emilune.

Filipai 1:12

Nalalu'nigita, nani kumu keheli'ahana ka lu hokolo hu nolepube. Nanitoga nasana keta'a hiti huto hu'ehina yanauba ka lamana'a fi hetofa hiligopa ka lamana'auba bu baga ito buto lilibe luto huto hu'ehina.

1 Tesalonika 1:8

Lenalitogati ya'ma Sipi Bomofihi hetofa kagauba sipi huto buto Masetonia metoga to Akaiya metoga bu'ehina. Ya hu'ehina ya'asigo meni'ibe. Lenali Hu'mamofi kumu keheli amuya mele'ahanamofihi kaga'a noto noto hepatoga bulago yamofihi lu lepiluta'a mone mehibe.

1 Timoti 5:14

Ya nehana'mu nani ma luto nolube. Keto ana'i kosaba'i enali baha'anilo bite minete yagapana'ani eneketete enali'ani noha'ani foya'ani bati hite kaba hite le'mo bati hite minalabe. Ya hite nehinogo lali fatehatimagi enabagalo ilenogo lali kumu ka sibina'a mone melilabe.

Taitasi 3:8

Kaga ya'ma lamana'a lusiga luto ni'ibe. Ka'a ya'ma le'mo hofa toloto lu epilane luto nolube. Ya huletogo Hu'mamofi kumu keheli amuya nemalana bona'magi enali nasana lamana'a lilune lite nelinogo foya babu lite nelite lilabe. Nasana lamana'a ni'ibe lite ye hilenogo bona'i enele'mo bati hilinamo ni'ibe.

Hibulu 10:22

Ya hu'ehina'mu komopati lusiga luto emiloto keheli ule'ale hinogo komopatigu okala huto foipana nasana'mu lekesa yigi yigi mehuse ya'ma ai'a golaha'atu lali'i okala hu su hoto folo letago komopati babahi higo to lugufati ya'ma hetofa nagami'i bu okaba'a suhi huto lolo hu'ehinalo nagamitu ko letelenogo minoto Hu'mamofihi bulu nehetilune.

Yemesi 4:8

To Hu'mamofihi gobisalo lenifita i'ehite bilana yamofihi ai'a ana huto lenogobisalo alina'mu yabe. Foipa nasanatini ya'ma li kele li he'milo. Kenetufatiniuba li gelehe hite loe lae nehana bona'ise, li hetele he'mite komopatini nokala hilo.

1 Pita 3:7

To bona'magita, lenali ana suhi hite lihatini hiti hepite mine lite bite minete lihatinimagihi kaba hu bati hite minete ana'ina'ya fulunaguti li epite minalo. Ana'magihi enugufa'ani amuya memolo'ehina ni'inaya aku'i enali hiti lenali bomagita hiti mino kosaba huse'na ana hite lilana'mu yabe. Ya'mu lenali lihatini kumu keheli bati hite minalo. Lenali hiti lihatini hiti ya'ma koguna ite bati hite moneko komopatini lolo hinogo Hu'mamofitoga lilete nunumu hinogo yauba fa'mene lolo hu lalibe lite ya hite minalo.