1 Timoti 1:2 - Ka Lamana'a Monoꞌi Lu Mu Tifiꞌehina Ka Yabe

² Timotio mono kapogu kele'mo'ohuna pana'ni nohane luto nolube. Kai fayahi ya'ma koyoto nokumube, Hu'ma afotifu to Sipi Boti Yesu Kilisito lehe'mose'na hiti ginaga fi limise'na hiti to fuluna'a lele'mo huse'na yamofihi huto hu keteno.

1 Timoti 1:2 ပူးပေါင်းရင်းမြစ်များ

Romu 1:7

Ya'mu luto nani fayahi lenalitoga asaga Lomu bona'i Hu'mau komopa'a lepito to nani yagapana'i nehabe lu'ehinalo nogobe. Ai Hu'mau afotifu to Sipi Boti Yesu Kilisitohi fuluna'a hiti lenehe'mose'na'a hiti lenalitoga mineno.

Galesia 1:3

Afotifu, Hu'mau to Sipi Boti Yesu Kilisito aitogati lehe'mose'na hiti fuluna'a hiti lenalitoga minomo tito mineno.

1 Tesalonika 3:2

To Hu'mamofihi koko pana'a lalalutifu, Timotihi ho lufugo he'mi netoto lenalitoga bilibe luto lu'ohuna. Kilisitohi ka lamana'a lulata nohina bouba monolugu lenele'mo babahi hilibe luto to lenele'mo amuya hilibe luto,

1 Timoti 1:12

Sipi Boti Yesu Kilisitou nele'mo amuya moloto lufusa'ni molo netoto nele'mo hetofa hu'ehina ya'mu negelo bilata nohube. Ai nani kumu keheli nimigo bati nohigo kele kele'i hu netalane luto nele'mo eto hu'ehibe.

1 Timoti 1:18

Oho pana'ni, Timotio, koyapa'i kohe toto kaga lu huto huto bomofihi ka'a kai kumu huto hu'ehina yamofihi keheliloto ma luto lu molo neketobe. Ana kaga keheliloto nohutoka luba hilata nehana ya suhi huto foya amuya moloto lilatagihe.

1 Timoti 6:20

Oho, Timotio. Ya'ma amuya nasana Hu'mau ya'ma kimi'ehina'a kaba hu bati huto lito minobo. To fa'mene kaga futu'a ya'ma bona'i luga'amagi lite nehite lali mono ka pelesa ilete ma lite lilata nehabe. Ananamofihi hapa'a akeheli su ho'ohune lite faga hiti enegekesa keheli sibina hilata nehabe. Ya'ma enali kagamofihi li he'mi'ohubo.

2 Timoti 1:2

Timotio, nemehi nokumuna pana'nimaka, nani ma fayahi koyoto nokumube. Afotifu Hu'mau to Sipi Boti Yesu Kilisito ai lehe'mose'na to ginaga fi limise'na to fuluna'a hiti li huto hu keteno.

2 Timoti 2:1

Pana'nimaka. Kai Yesu Kilisitotoga buto i hepi'ohuta'mu yabe luto lehe'mose'na limito lele'mo hetofa hulata nohina yamofihi komopa'agu minoto amuya moloto minobo.

Taitasi 1:4

Taitasio, lusi pana'ni kai hiti nani hiti moneko mono'i keheli emito mino'ohu'inamo ni'ibe. Kai ya'ma fayahiya koyoto nokumuna kehelibo. Afotifu, Hu'mau to Yesu Kilisitou lubuto bilata bomofitogati lehe'mose'na fuluna'a hiti kaitoga mineno.

Taitasi 2:2

Ya huto lu epiletogo bona'i olopa napa'amagi eto hite legeso fulu hite komopa'anitu keheliya ite minete komopa'ani enugufa kaba hite nehinogo mono ka keheli ule'ale nehana'a to enemehi epilana'a to baga'a hiti'namofihi komopa'agu minalana'amofihi koli'a finogo bati hite minalune'mu habe.

Taitasi 3:15

Nani hiti nehana bona'i enali asaga'i nohapihe lite keke'i neli ketabe. To enali mono kamu'i kehelite enemehi limilata nehana bona'i nehafihe luto ka lu epito keke'i nolu epolone. Hu'mamofihi lehe'mose'nauba lenalitoga mino moloto mineno.

1 Pita 1:2

Lenaliya afotifu, Hu'ma ai'a Sikalafu'uba lenele'mo etalibe luto to Yesu Kilisitohi kaga'a kehelite agoya hu emilabe luto lenele'mo'ehina. Ai golaha'a folo lepolo'ehina yauba komopatini okala hu lepololenogo minalabe luto Hu'mau afotinifu lu molo'ehinalo mine'ahanaguti lenele'mo eto hu'ehina yabe. Hu'mamofihi lehe'mose'na'a to bati hu'ehinalo fuluna'a hiti lenalitoga minomo tito hofa talibe.

2 Yoni 1:3

Afotifu, Hu'mau to ai pana'a Yesu Kilisitou ai lehe'moto ginaga fi letoto to fuluna'a li huto hu letoto nohinogo ka'a lamana'amofihi to komopati emilutamofihi ya'ma komopa'agu mino lito buto minalune.

3 Yoni 1:4

Yagapana'nimagi ka lamana'amofihi kapo'alo bati hite bilata nehana kaga'a ya'ma keheliloto komopa'nigu bati huto kehelilata nohunaya ya'ma komopa'nigu keheli bati hilata mone'mofihi yanauba mone be meligilina'mu yabe.

Yute 1:2

Hu'mau komopa'a lepilata nohina to fuluna'a to keke'i lu lepololata'na ya'ma li futili hu lepelenogo minomo buto mineno.