1 Tesalonika 5:4 - Ka Lamana'a Monoꞌi Lu Mu Tifiꞌehina Ka Yabe

⁴ Lalalutigita, lenali Kilisitohi naga'a nehanagi ya'ma metepunagu menehabe. Ya higo ya'mu Sipi Bomofihi kana'a mele'isi guminalo bona'magi nehe netilana suhi huto lenalitoga nehetinogo henabe lite katiya'i hite lenelesa lilibe?

1 Tesalonika 5:4 ပူးပေါင်းရင်းမြစ်များ

Matiu 10:15

Nani ma'naka luto lu nolepube. Hu'mau ana boana'i kaga'ani loko hu epalalina yupapogu Hu'mau Sotomu hepa'i hiti to Gomola hepa'i hiti nesi'a enahalibe. To lenele'mo bati mehilana hepa'iya Hu'mau sipi enoho su halina'mu yabe, luto Yesu lu epi'ehina yabe.

Luku 21:34

Ya hu'ehina lenali kaba hu bati hilo. Lenali asaga yupahi amuya nagami'i nelete negi nagi ne lalabe. Lenali lenugufalo'namu'i lenekesa yigiba yigiba mehilo. Ya'mana suhi lenalitoga huto nohinogomo yalo Sipi Bomofihi Kana'a hololu luto analo mele'isi lenalitoga nehetilina'mu yabe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Kolose 1:13

Ai Satahi amuya'amofi hiti metepuhi hu'ehina kapo'aguti lele'mo kefefe huto lubuto bi'ehina. To ai'a pana'a gi moneko pana'amofihi kapogo lele'mo molo'ehina yabe.

1 Tesalonika 5:2

Lenalitini ya'ma Sipi Boti alina kana'amu ma lite kehelilata nehabe. Ya'ma guminalo bona'i folugu'i suguna huto alina suhi huto mele'isi nehetilina keheli'ahabe.

2 Pita 3:10

To Sipi Bomofihi kana'a ya huto hilina luba kala bona'magi kofohi nemalago otopa nehana ya suhi huto ana kana'uba henetilina'mu yabe. Ai huto nohinogo kokuluma'uba ko kililika sipi luto buto hokolo hilina'mu yabe. To kokulumagu ana'ina sonofi'i silaga'i ni'igo bu golata nohuta nasana'ya asaga'i logouba lo su henogo fa'menena lolo hilina'mu yabe. Ya hilenogo melugu to me'mofihi gupisa'alo ana'ina silaga'i logouba ana huto lo su hoto fenene hilina'mu yabe.

1 Yoni 2:8

To ka fayahi nokoyona ya'ma lu molo'ehina ka'a kosaba'i lolo nohibe. To ana kaga Yesutoga to lalitoga lamana'a huto legeya'a lolo hulata nohigo melugu bona'magi bu negana yabe. Ya higo metepuna su halube'mu nohigo fanato lamana huto besa nolana yabe.

Huto Hilina Ka 16:15

Kehelilo. Nani gumina baukalo bona'magi suhi huto topa nehenogo henetiluna'mu yabe. Ya nehinogo luga'amagi enali enugufa yapako minalanamagi ya'ma enubuya hu laligi komopa'ani kosaba hinogo minete gukete ikolo bi etete kaba hite minalana enali enegelo bilune'mu habe.

Huto Hilina Ka 3:3

Lenali ana'ina li nupa hite fi lehe toto lu lepito lenegekesa li'ehinamo le'mo kosaba hite li pili kete lite nehite foipanatini he'mite komopatini li gelehe hilo. Li gelehe hite kaba hite meminalana ya'ma luba li lepilube'mu hube. Kana'a nomolona ya'ma lenali mekeheli'ehinogo gumina baukalo bona mone'mofihi suhi huto mele'isi oto henetilube'mu hube.