1 Tesalonika 5:3 - Ka Lamana'a Monoꞌi Lu Mu Tifiꞌehina Ka Yabe

³ Bona'magi bati huto legeso huto nominone lite legeso hite nehanogo ana kanagu koli'a hiti nasanauba mele'isi o nehetinogo enugupisalo finogo, enali felefa hilana meni'ibe. To a'i moneuba yagapana ma'asi ketalube'mu nohuto mele'isi gabu gigo keke luto topa holata nohibe. To ana suhi huto Sipi Bouba mele'isi nehetinogo hiya huto felefa hilabe? Koli hilana ni'ibe.

1 Tesalonika 5:3 ပူးပေါင်းရင်းမြစ်များ

Matiu 23:33

Lenali osifa'i yabe. Lenali foipa osifa'mofihi yagapana'a yabe. Hu'ma ka foyagu lenele'mo malalinauba logo kapogu lenoho lifilina'mu yabe. Hena hite lenali koli felenogo Hu'mamofihi ka foyauba lenugufalo melilina ni'ibe? Lenali koli mehilana'a huto ni'ibe luto Yesu lu'ehina yabe.

Yoni 16:21

A'i moneuba yagapana'i ketalina nohinogo hupamone kana keke'i lilibe. Minoto keto ha foloto pana'a huto hu'ehina'mu luto gelo bito keke'i lu'ehina'a yamofihi ekesu henogo mekehelilina'mu yabe.

Aposolo 13:41

Lenali enemegeka lilata bona'i lenali topa hete gili gili hilete fililo. Nani lenali kanalo lili'na mone nolube. To bo moneuba ya'mana kaga lu hokolo hilina lenali ai ka'a keheli meemilana'mu yabe.

2 Tesalonika 1:9

Ya nohuto Sipi Bomofihi gobisa'aloti amuya'amofihi fana mehena'a fitu fo he'milenogo logo hepatoga bite minoba minoba hilana'mu yabe. Hu'mau nona'a foya ana huto epilina'mu ni'ibe.

Hibulu 12:23

to ai yagapana'a lamana'a enigi'ani kokulumalugu koyo molo'ehina'a enali enegelo bite li nupa hite minanalo bu neheti'ahabe. Ya nehite asaga bona'i hapa'animu foipana'animu guna molo epalalina bo, Hu'mau nohinalo ime ime neheti'ahana. To lamana hite mine'ahana bona'i buto i segito minolata'nagu enele'mo molo'ehina'a enali suhi hite molo emi'ahanamo ni'ibe.

Hibulu 2:3

Ya hu'ehina'mu laliti hena huto lubuto bilatana tito mino'ehinamofihi he'minogoti buto fa'menena lolo hilina ni'ibe? To yata'a ai'a Sipi Bouba kana'amu kana'amu moloto lubuto bilatanamofihi kaga'a lu yege hoto molo'ehinamo yamofihi enegekesatu yigi hokolo hite keheli'ahana'a enali lu limi limi hago amuya molo'ehinamo ni'ibe.

2 Pita 2:4

Koyapa'i Hu'mamofihi hapa'a akeheli'ohune lite agelo luga'amagi ana'ina foipana lolo hi'ahana enali'i ya'ma enele'mo nupa huto naga ito fi behe higo limite yabalugu metepu ginagu neminabe. Ya hago Hu'mau ka foya li epalalina kana'amu geba hite neminabe.