1 Tesalonika 4:9 - Ka Lamana'a Monoꞌi Lu Mu Tifiꞌehina Ka Yabe

⁹ To lenali Yesuhi bona'a luga'amagi komopatini epilabe luto hena'mu fayahana lepiba lepiba hilune? Hu'mau komopatinigu ai lenemehi eminogo ai lenemehi eminogo hite minalabe luto'a hapa'a lu epi'ehinamo ni'ibe.

1 Tesalonika 4:9 ပူးပေါင်းရင်းမြစ်များ

Matiu 22:39

To ana megesalo keya kaya yata'a keya kamofihi suhi huto mone'ago huto nesi'a ni'ibe. Ai ma luto ni'ibe: Kaika kugufaka le'mo bati huto kaba nohata suhi luto kigi bonaka koyone hu epito enele'mo bati hu epolobo.

Yoni 14:26

Afo'nifu nigi'nilo lenehe'malina ya'ma Sikalafu'i lenalitoga ho lifilina'mu yabe. Ai nehetito asaga nasana'mu lenelepiloto to asaga kaga'ni lu lepi'ohuna'a beto hu lepilina'mu yabe.

Aposolo 4:32

Hu'mamofitoga komopa'ani emite minana bona'i enali moneko kaga liyafa hite mine'ahana. To bo moneuba ai fe'noha'alo bu goloto nani'ni nasana'ni ni'ibe luto melu'ehina. Asaga fe'noha'a enali asaga'i nehanamagi enali'na hiti li baga i'ehina.

Romu 12:10

Lenali ai ginaga fi eminogo ai ginaga fi eminogo hite koguna ite minalo. Ya hite minete lenigitini liyafa mehise bonatinimo le'mo hofa tete minalo.

2 Koliti 9:1

Yutia kapogu Hu'mamofihi bona'a enehe'mete efahi epilanamofihi ka'a akeheli'ahabe. Yamofihi henabe luto aku'i koyo lepilube?

Filipai 3:15

To lali asaga'i, Hu'mamofitoga mino ule'ale hulata nohuta bona'magita ana suhi luto minomo buto minalune. Kaga nolunamofihi kehelinogo kapo'a fato suhi nohinogomo Hu'mau ai li fana telenogo yamofihi keheli bebe salune'mu habe.

1 Tesalonika 5:1

Lalalutigita Sipi Boti alina kana'a yamofi hiti to alihi huto hilina asaga'namofi hiti fayahi koyoto lepiba lepiba mehilune.

Hibulu 10:16

Alihi kanalo lu mu tifise ka'a li huto hu lepalalube luto Sipi Bouba ma luto nolibe: Nani lu laga huto noluna ka ya'ma komopatinigu molo lepelenogo'ni liminogo komopatini lenegekesagu fayahi keyenogo'ni minalinamo ni'ibe.

Hibulu 13:1

Mono kagu gona'a go'afihi komopatini ai eminogo ai eminogo hilata nehanamofihi ya'ma lenalitoga su meheno.

1 Pita 3:8

To kaga lu su hoto lu lepilube. Lenali silaga'i lenalalutinigi hiti mino moneko hite komopatini ketipa inogo ai mehi eminogo ai mehi eminogo ya nehite lenalalutinigihi leniginaga finogo minete lenugufatinimofihi lime limite minalabe.

1 Pita 4:8

Ya nehite lenemehi ai eminogo ai eminogo hite minalo. Ya'ma hilana'auba silaga'na be ligi'ehina nasana ni'ibe. Komopa'ani epilatana yanauba foipana li'ahana asaga'i enebe ligilata nohibe.

2 Pita 1:7

Hu'mamofi kumu keta mehise agoya hu emilata hite neminana enali hepite koguna ite minolata nehana yamofito molo emilabe. Hepito koguna ite minolatanamofihi yalo'i komopatini hiti epite keke'i luse'na'alo molo emilabe.

1 Yoni 2:10

To luga'amagi enali enalalu'anigihi komopa'ani epite minalana'amagi enali ya'ma Hu'mamofihi fana meha'agu bati hite neminabe. Ya hite neminana bona'magi foipa nasana'mu enohoka hilina bo enalitoga mone huto mehilina'mu yabe.

1 Yoni 3:11

Ya'ma ka yata'a kanaguti lenali kehelite biba biba hi'ahana ya'ma huto ni'ibe. Komopati ai eminogo ai eminogo huto ya suhi huto minalune.

1 Yoni 3:23

Ka'a lu molo'ehina ka ma luto ni'ibe. Pana'a Yesu Kilisitohi ai gi'alo kehelito mino ule'ale huloto ai lu leto'ehinamofihi suhi huto komopati ai eminogo ai eminogo huto minaluta ni'ibe.

1 Yoni 4:21

Kilisitou lu molo'ehina ka'a ma luto kehelilata nohune. Lenali Hu'mamofihi komopatini emite nehanamagita lenalalutinigihi ya'ma komopatini ana hite epilo.