1 Tesalonika 4:2 - Ka Lamana'a Monoꞌi Lu Mu Tifiꞌehina Ka Yabe

² Lali lu lepi'ohuta ka lali kati meni'ibe. Sipi Boti Yesuhi bagaguti ka'a lu lenelepi'ohutamo ya'ma akeheli'ahabe.

1 Tesalonika 4:2 ပူးပေါင်းရင်းမြစ်များ

Matiu 28:20

To asaga nani lu lepi'ohuna ka lenali bite lu enelepinogo kehelite liyafa hite mege'i malalabe. To lenali kehelilo. Nani lenali hiti asaga yupahi moneka nohinogoti ma me'i su halina kanagu hiti lenali aku'i minaluta'mu yabe.

1 Koliti 9:21

To fegutoga bona'i enali Moseu keya ka lu'ehina ka mekeheli'ahana bona'i Kilisitotoga enele'mo malalube luto fegutoga bona'magi enalitoga mino moloto keya ka mekehelise bo suhi huto lolo huto mino'ohuna. Ya'ma Hu'mamofihi bulo ya'ma ai'a lu'ehina ka'a mege'i memalalube luto melilube, nani'ni Kilisitou lu'ehina ka'a mege'i moloto keheliya i'ohube.

1 Tesalonika 4:1

Lalalutigita, Sipi Boti Yesuhi ai gi'alo lenegekesa lito ka mone lu lepilugi kehelilo. Lali Hu'ma kehelito lenofokehi lilina hapa'a alenelepi'ohuta yagi ana suko neminana keheli'ohutaya to lepiba lepiba ka mone hiti amuya melete mege'i malalo luto nolune.

1 Tesalonika 4:3

To mone ka hiti ni'ibe. Lenali kumu Hu'mau lu molo'ehina ka'a ma ni'ibe. Sigiminaya li he'mite komopatini lamana hinogo minalo.

2 Tesalonika 3:10

Lenalitoga nohuto ya'ma luto lu lepilata hu'ohuta ni'ibe. Mone foya melise kegeiyo hilina bouba nose'na mo sito minalina ni'ibe.

2 Tesalonika 3:6

Lalalutigita, Sipi Boti Yesu Kilisitou kaga'agu ya'ma lili'na ka'a lu nolepune. Kilisitohi bona'i luga'a lali ka lu lepi'ohutana he'mite neminete to lili'na melise fuli neminete nehanogo, enali hiti humofa'na hite meminalo.