1 Tesalonika 3:4 - Ka Lamana'a Monoꞌi Lu Mu Tifiꞌehina Ka Yabe

⁴ Ya huto ni'igo lali lenali hiti nominoto kalana'i molo letalune'mu nehabe luto kohe toto lu lepi'ohuta ni'ibe. To yatai anana ahuto hu'ehinaya lenali akeheli'ahabe.

1 Tesalonika 3:4 ပူးပေါင်းရင်းမြစ်များ

Matiu 24:25

Lenali kehelilo. Ya'ma ka'mu luto kohe toto yata'a kaga alu lepi'ohube.

Aposolo 17:1

Etali kapo melete bite Afipolisi kegi'a henetilete yaloti he'mite bite Apolonia kegi'a henetilete ana hite ya'ma hepa'i be ligite bite Tesalonika hepato heneti'aha'ina. Ya'mana hepato Yuta bona'magi mono noha'ani mone ni'igo bu ge'aha'ina.

Aposolo 17:13

Ya hago alihi Tesalonika Yuta bona'magi Polu ya huto Hu'mamofihi ka'a Belia bona'i lu noepibe lana'a keheli'ahana. Ya hilete enali ana hepatoga bite boana'i faga faga lube epibe hite enegekesagu lu pisili bite enele'mo negi nagi ne'ahana.

Aposolo 20:24

Ya luto nolimigo to nani minalufi fililufi luto ya'ma negekesa kehelito nemeha'ni su holenogo bati huto ni'inagi ya'ma Sipi Bo Yesuhi foya'a nimi'ehina Hu'ma lehe'mose'namofihi ka'a hiti ka lamana'a hiti lu yege hoto ya'ma lili'na'nimofihi su holenogo bati hilunagihe.

1 Tesalonika 2:14

Lalalutigita, Hu'mamofihi yagapana'a Yuta melugu Yesu Kilisitotoga bite i ke'me'ahana enali hiti lenali hiti moneko'i lolo hite nehabe. Enalitoga huto hu'ehina suhi ana huto lenalitoga huto hu'ehina yabe. Enali bona'animagi enele'mo sibina hi'ahana ni'igo to ana hite lenali bonatini luga'amagi kalana'i mele lepelete ya hi'ahana yabe.

1 Tesalonika 2:2

To Filipai hepatoga lele'mo sibina to huli ka lu limite hilata hi'ahago yalo lenali Tesalonika bona'magita bu'ohuta akeheli'ahabe. Ya hi'ahanaya to bona'i luga'amagihi luba limilune'mu nehago Hu'mau lukesa fi hetofa hu leto'ehigo babahi huto nohuto lenalitoga Hu'mamofihi ka lamana'a lu huto huto lu lepi'ohuta.

2 Tesalonika 2:5

To ya'ma hilina'a ananamomu'i nani'ni lenalitoga minoto ka'a lu lepi lepi hu'ohuna keheli'ahana ni'ifiye?

2 Tesalonika 3:10

Lenalitoga nohuto ya'ma luto lu lepilata hu'ohuta ni'ibe. Mone foya melise kegeiyo hilina bouba nose'na mo sito minalina ni'ibe.