1 Tesalonika 3:3 - Ka Lamana'a Monoꞌi Lu Mu Tifiꞌehina Ka Yabe

³ to ya'ma kalana'i melenogo lenali Yesuhi kapo'amofihi he'mi lalabe luto ya'mu ho lifi'ohube. Lenali ya'ma ya lite kehelilo. Luba hose'nauba lugupisalo tilube'mu higo Hu'mau ya'ma lu laga mehuse nohuto ananamotu lele'mo amuya hilina'mu yabe. Ya'ma lenali akeheli'ahanamo ni'ibe.

1 Tesalonika 3:3 ပူးပေါင်းရင်းမြစ်များ

Luku 21:12

Ya hu'ehina ya'mana asaga'na huto mehu'ehinogo yata'a lenegene mane hite lenele'mo sibina hilana'mu yabe. Enali mono nonugu lenele'mo melete naga'i lepilana'mu yabe. Enali nani nigi'ni li melugu malalune lite lenele'mo gihiti bo enubulo hiti gamani bona enubulo hiti bite ka foya lilana'mu yabe.

Yoni 16:2

Enali ya hite mono nohi fi hekini lo lepalalana'mu. To kana mone hupamone hilube'mu lenoho fililabe lite nehinogo Hu'mamofihi lemehi noemupihe lite lenahalana'mu yabe.

Yoni 16:33

Nani fuluna'niuba lenalitoga minalibe luto kaga ya'ma lu nolepube. Lenali ya'ma metoga kalana'i nemele lepelenogo lenipagu sibina mehino. Nani'ni yamofihi ma metoga nasanamofihi abe ligi su holoto nohube.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Aposolo 2:25

Ya'ma luto Tebitiu ai kumu'i kaga mone ma luto lu'ehina: Sipi Bouba asaga yupahi nubulo higo bu go'ohube. Ai nayahi lamaga'aga nohinago nani'i ana'ina moneuba nele'mo felu mehalina'mu yabe.

Aposolo 21:11

Ai lalitoga oto Poluhi leti'a liloto ai'a yaha gigusa'asi ana letitu sa nogito ma noluto lu'ehina: Hetofa Sikalafu'uba ma nolibe, Yelusale hepatoga neminana Yuta bona'magi ya'ma letimofihi afo'afumo ya'ma hiti sa gi ule'ale hilete naga'i ite fegutoga bonatoga le'mete bilabe.

Aposolo 21:13

To Polu ma luto lu limi'ehina: Lenali henabe lite yibi gofa nehite nipa'nigu nagabu'i gito le'mo sibina nehabe? Nani Sipi Bomo Yesu kumu Yelusale hepatoga naga'i nimilafi noho fililafi nani ya'mana bati huto yabe luto nokehelube.

Aposolo 9:16

To nani kumu luto asaga gabu gise'na li gufalo molomo bilinamofihi nani'ni lepiluna'mu yabe luto Hu'mau lu'ehina.

Romu 5:3

To keta nohinauba lali'i huto hu letolenogo ana huto legelo bito minolata nohune. Hena'mube? Ya'ma keta nolebesinanauba lele'mo amuya melenogo mino lito bilune.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

1 Koliti 4:9

Nani nekesa kehelito ma luto lu nolepube. Hu'mau aposolo hiti lali fa'mene bona'magihi komopa'anigu lele'momo limito molo leto'ehina'a lolo nohibe. Ya hulago lahalana bo nohuta suhi lolo nohibe. Asagatoga agelo bona'i nehana to metoga bona'i nehana enali gili gili hite lali'i lubugo sibina hilago nohune.

Efeso 3:13

Ya'mu ya'ma luto lepilugi kehelilo. Nani lenali kumu yabe luto kaso'a hiti yanamofihi gupisalo nohutogo kehelilete komopatinigu lenagabu'i megino. Lenali kumu yabe luto lenele'mo fana talube luto ya nohunagi lenofokehi lilo.

Filipai 1:28

Fatehe bona kumu lenelesa melise amuya melete ka lamana'a lu yege hilo. Ya hite minete, Hu'mau fatehe bona'magihi enele'mo laba hilibe luto to ana huto lenubuto bito lenelepilibe luto lenali mukima'i nolatanamofihi hapa'a li huto hilune'mu habe. To Hu'mau ai lenubuto bilinamofihi hapa'a li huto hilune'mu habe.

Kolose 1:23

To lenali yatai amuya melete Yesutoga minete komopatini emite minete ka lamana'amofihi yata'a keheli ule'ale hi'ahana kamu'i li pili kete ya'ma legeya'a huto hilinamofihi geba hite kehelise'natini mopo mopo mehilata nohigo ya hite minalo. Ya'ma nani Poluita, ka lamana'a nasanamofihi kele kele bo nohuna, asaga bona'i melugu neminanamofihi ya'ma nani ka lu yege holata nohunamofihi, ya'ma kehelilo.

1 Tesalonika 5:9

Yamofihi hapa'a ya huto ni'ibe. Hu'mau siko hu letoto osahi limilibe luto lele'mo'ehina meni'ibe. Ai Sipi Boti Yesu Kilisitou lubuto bilata hinogo li bati hilabe luto lele'mo eto hu'ehinamo ni'ibe.

2 Tesalonika 1:4

To bona'magi kalana'i mele lepelete kaso'a hiti'nagu he'mi lepelete te'ahago lenali lenaginaga fise'na lite mine'ahana Hu'mamofitoga keheli amuya melete ule'ale hite fa'mene nehabe. Yamofihi kehelilototi Hu'mamofihi yagapana'a mine lite bi'ahana enalitoga lenugufa lelito tilata nohune.

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

1 Pita 2:21

Lenali ya suhi hilabe luto elesa molo lepi'ehinamo ni'ibe. Kilisitou ai'a ana suhi huto lenali kumu yabe luto keke'i luse'namofihi gupisalo tito minoto lenele'mo kohe to'ehinamo ni'ibe. Lenali ya hu'ehina'mu lite mege'i melete bilo.

Huto Hilina Ka 2:10

Lenalitoga keta'a huse'na aku'i huto hu lepilube'mu higo lenelesa melino. Keheli'ahafiye? Satau ai enimi'i mololata nasana huto hu lepilibe luto lenalitogati luga'a ya'ma naga nonugu lenele'mo malalina'mu yabe. Ya hulenogo keke'i luse'na keta huse'namofihi kana'a 10 yupapogu huto hu epilina'mu yabe. Lenali ya'ma mono ka li pili kete lite fililafi fa'mene minalafi lite minete kehelilenogo sekele mamu'a hiti kakili tegi huto ule'ale huto minolata nohinamofihi lito bi lepalalube'mu hube.

Huto Hilina Ka 2:13

Lenali hepa'i neminanamofihi hapa'a keheli'ohube. Yalo'i Satau kaba hu epalalina hepato nehabe. Lenali kaga'ni to nigi'ni li pili kete lite neminabe. To kaga'ni fala mekite nehago lu aku toto lu lepilata hu'ehina bo Atipasiu ai hepatini ya'ma Satau minoto lito nohina yalo ya'ma fili hoto lenali kana ya yupahi nani kumu keheli ule'ale ya'ma kete bi'ahanamo ni'ibe.