1 Pita 5:9 - Ka Lamana'a Monoꞌi Lu Mu Tifiꞌehina Ka Yabe

⁹ Satau le'mo sibina hilina'mu ya huto nohinagihe. Lenali ya'ma keheli ule'ale hiletetini amuya melete minete ai'i le'mo fitu fo he'milo. Ya nehite ya'ma lite kehelilo. Lenigibo lenagabo Hu'mamofihi kagu nehana noto noto nehanamagi enali eniginaga nofigo ana hite kehelite minelata nehabe.

1 Pita 5:9 ပူးပေါင်းရင်းမြစ်များ

Luku 22:32

Ya hu'ehina nani afo'nifihi loka hoto kaitoga kehe'malibe luto ahu'ohube to kai nanitoga komopaka moloto nominatana mehe'mibo. To alihi komopaka i gelehe huto olotomo yalo kaikago'i kai to kogonakamagihi enele'mo amuya molobo.

Yoni 16:33

Nani fuluna'niuba lenalitoga minalibe luto kaga ya'ma lu nolepube. Lenali ya'ma metoga kalana'i nemele lepelenogo lenipagu sibina mehino. Nani'ni yamofihi ma metoga nasanamofihi abe ligi su holoto nohube.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

1 Koliti 10:13

Lenalitoga lenimi'i mololata nasanauba huto huto o henetilina ya'ma noto noto bona'i asagatoga ana suko huto hulata nohibe. Ya hu'ehinaya Hu'mau keheligo ule'ale hulata bo nohinago fi betaga hube nohina nasana moneuba huto huloto lenali amuya be ligito enele'mo felu halina'a lolo nehinogomo Hu'mau ai'a lenele'mo bati huto amuya lepito bihu komogetalo lenelepilenogo bite fa'mene mineba mineba minalana'mu yabe.

Efeso 4:27

Satahi ya'ma kapo hekini lo etalo.

Efeso 6:16

Yalo'i Hu'mamofihi keheli amuya emi'ahananauba helegutini lolo hinogo asaga yupahi so kite nehinogo Satahi gimiguti mage'mofihi logo'a bu nebe liginogo yanamofihi li sabalina'mu yabe.

Kolose 2:5

Nani lenali hiti moneka nohuto Kilisitohi keheli ule'ale hite komopatini molo emite amuya melete nehana nokehelube. Nani fotoga nohunaya aku komopa'ni lenalitoga nomoloto nokehelube.

1 Tesalonika 3:3

to ya'ma kalana'i melenogo lenali Yesuhi kapo'amofihi he'mi lalabe luto ya'mu ho lifi'ohube. Lenali ya'ma ya lite kehelilo. Luba hose'nauba lugupisalo tilube'mu higo Hu'mau ya'ma lu laga mehuse nohuto ananamotu lele'mo amuya hilina'mu yabe. Ya'ma lenali akeheli'ahanamo ni'ibe.

1 Timoti 6:12

Ya nohutoka kemehi emise'namofi kumu keheli ule'ale huto minoto, to mino kosaba'namofihi kapogu hololu luto bilata yamofihi mina'a lilane. Lelito buto amuya mololata yamofihi li pili koto lilane. To kaika ya hilube luto silaga bona'magihi enogobisalo mono ka ya suhi nohube luto lu molo'ehitogo Hu'mau ana huto kemehi emise'na ya suhi huto minalane luto elesa molo kimi'ehinamo ni'ibe.

2 Timoti 3:12

To bona'i Yesu Kilisito aitoga bite i hepite mono kapolo bilana ya'ma enali asagatoga kalana'i melelata nasana enali enugupisalo tilube'mu hibe.

2 Timoti 4:7

Nani ya'ma foya lamana'a lelito bu'ohube. Yokolo'na hololu lite ibe ligi abe ligi nehana ya suhi huto nani hololu luto foya limo buto maki'nilo nehetube. Ka lamana'amu kaba hu'ohunamofihi nasana mehe'mise huto li pili koto minomo buto nominobe.

Hibulu 11:33

Enali keheli ule'ale nehana bona'i asaga'i nehabe lite luga'amagi melugu bona'i asaga'naloga enele'mete limite enebe ligi'ahana ya'ma enegekesa lise foya lite enele'mo fotoga hite Hu'mau mina'a epilube luto lu epolo'ehina yanamofihi legeya'a li'ahana. To luga'amagi lopi kalamagi heni letalabe lite ana kalamagihi enabagalo fi hekini le'ahana ya nehago,

Hibulu 12:8

To Hu'mau ai ana suhi huto yagapana'a silaga'i enele'mo bati hulata nohinabe, lenali'i ya'ma ya mehu lepelenogo minalana ya'ma panala'a pana'a lolo hite meminalana'mu yagi ya'ma kapolo a'mofihi pana'i yabe luto lu lepalalina'mu yabe.

Yemesi 4:7

Yana'mu lenali Hu'mamofitoga i hepilete agoya hu emilo. To Satahi le'mo he'mite ule'ale minenogo ai koli huto bufa hilina'mu yabe.

1 Pita 1:6

Lenali ya'mu lite lenegelo bite minelata hilo. To Hu'mau keheli'ehinogo kana'a tupa hilina yupahi keke'i luse'na'a fato fato'na guna malalina'mu yabe. Guna malalinamofihi gupisa'alo tite keke'i lite minete fa'mene lenegelo bite minalabe.

1 Pita 2:21

Lenali ya suhi hilabe luto elesa molo lepi'ehinamo ni'ibe. Kilisitou ai'a ana suhi huto lenali kumu yabe luto keke'i luse'namofihi gupisalo tito minoto lenele'mo kohe to'ehinamo ni'ibe. Lenali ya hu'ehina'mu lite mege'i melete bilo.

1 Pita 3:14

To lenali bati hite neminete to ginaga fise'namofihi gupisa'alo tilana'mu lenegelo bilo. Yamofihi Sipi Bouba keheli'ehinogo lenegelo bilana kehelilina'mu yabe. To luba li huto hu lepilinaya lenali nekehelite lenelesa nelinogo afoya foya meilo. To ana hite lenuluhaya metino.

1 Pita 4:13

Koyapa'i Kilisito sipi keke'i luse'namofihi gupisalo ti'ehina ya'ma lenali ana hite Kilisito kumu leniginaga fi'ehina yamofihi komopa'agu mine melete minete komopatini bati hinogo minalo. Ya hite nehinogo lenegelo bise'na'a hiti fana tose'na'a li huto hu lepinogo ana suhi huto komopatinigu ana'ina kosaba nohinogo lenegelo bite minalabe.

Huto Hilina Ka 1:9

Lenalalutinifita Yonita nani hiti to lenali hiti Yesu kumu luto keke bake to Hu'mamofihi kapo'agu to keta'a hiti nasana kofito minolata nohuta yamofihi lenali hiti moneka liloto nominonamofita nani fayahi ya'ma koyoto nolepube. Nani Hu'mamofihi kaga'a to Yesuhi gi'a lu huto huto luna'mu luto Patamosi metoga hege nagamilugu ti'ehinalo noho lifigo he'mito nohuna.

Huto Hilina Ka 6:11

Ya lite lilago koholi gukete hapa'a gu'i enemeto enemeto epi su holoto ma luto lu epi'ehina: Agoya yagapana'i lenalalutinigi luga'a ana hite enoho fililana enali Hu'mau lu keheli'ehilina'a li eto hilina'mu geba hite nesi'asi minalo.

Huto Hilina Ka 7:14

Ya luto noloka hago nona'a ma luto lu emi'ohuna: Kibina bo'nimaka ya'ma kaika keheli'ahatigi lu menonimine. Ya luto lugo ai lu'ehina: Enali kalana'i mele ketelata nehanamofihi komopa'aguti enabaga hiti e'ahanamo ni'ibe. Enali gukete'ani ya'ma sipisipi nala'amofihi golaha'atu okala hite lite hapa'a li lolo hite li'ahabe.