1 Pita 5:12 - Ka Lamana'a Monoꞌi Lu Mu Tifiꞌehina Ka Yabe

¹² Nani kaga ya'ma Silibanuhi'ya ka lu emi emi nohugo fayahi ya'ma koyoto nolepibe. Nani ai kumu ya'ma nokehelugo nalalu'nifu lamana'a lolo nohibe. Naniya Hu'mamofihi lehe'mose'na'a kehelugo legeya'a lolo nohina ya'mu lusi kaga amuya'a hiti lu huto huto lu nolepuna'mu luto lenogo'na bito lu nolepube. Ana lehe'mose'namofihi komopa'agu ule'ale hite minalo.

1 Pita 5:12 ပူးပေါင်းရင်းမြစ်များ

Yoni 21:21

Ya'ma loka ho'ehina bomofihi nohigo Pitau bu goto Yesuhi lu emi'ehina: Sipi Bo, mana bomofihi henana hu etalibe?

Aposolo 11:23

Banabasiu ana hepato buto henetiloto Hu'mamofihi boana'a bati hite nehago bu enogoloto gelo sipi biloto bati hite nehanagi ana suhi lite fulunaguti koguna ite asaga komopatini Sipi Bomofitoga emite mino mana hilo luto enogo'na bi'ehina yabe.

Aposolo 15:22

To aposolo bona'i hiti to olopa bona'i hiti asaga mono bona'i hiti kaga lu monetoga melelete enali bo luga'a folagaha'aniguti enele'mo ho tinogo Atioki hepato Polunogo Banabasinogo hiti enoho lifinogo bilabe lite keheli'ahana. Ya hilete enali Yutasihi fato gi'a Basabasiu yabe lite gi helata nehana bo hiti to Silasi hiti etele'mo ho ti'ahana. Ya'mana bole asaga bona'magi bati bo neha'ibe lite lilata nehana bole yabe.

Aposolo 20:24

Ya luto nolimigo to nani minalufi fililufi luto ya'ma negekesa kehelito nemeha'ni su holenogo bati huto ni'inagi ya'ma Sipi Bo Yesuhi foya'a nimi'ehina Hu'ma lehe'mose'namofihi ka'a hiti ka lamana'a hiti lu yege hoto ya'ma lili'na'nimofihi su holenogo bati hilunagihe.

Romu 5:2

Yatai ya'ma fulunagu minoto keheli ule'ale huse'namofihi ai'a kapo li hokolo hu letago Hu'mamofihi lehe'mose'nagu ti'ohune. Ya'mu luto Hu'mamofihi fana mehenagu bilune luto bu mego'ohutana geba hu'ohuta legelo bito nohuto lilune.

1 Koliti 15:1

Nalalu'nigita ka lamana'a alu lepugo keheli'ahabe. Ana kagamo aku'i lu lepilube. Giyaka giyaka fito lu lepugo lite lufusatini alolo hu'ehinamo ni'ibe.

2 Koliti 1:19

Hu'mamofihi pana'a Yesu Kilisito ai hapa'a ya'ma nani hiti to Silasi to Timoti lali lu lepi'ohuta bo ai ya'ma kaga lu'ehina luga'a o'yo luto nohigo luga'a futu'a lolo huto o'e luto faga lilata menohibe. Asaga'i ya'ma lama'naka'a lu'ehinaloti legeya'ago ho baga ilata nohibe.

2 Koliti 1:24

To lenali keheliya ise'natinimofihi amuya melete nehabe, ya'ma keheli'ohutamo ni'inaya lenalitoga buto nani kibina bo lolo hilube luto mone melu'ohube. Fa'mene lenalitoga komopatinigu enegelo bilibe luto lenele'mo bati huto foya'a lilata nohube.

Efeso 3:3

Hu'mau ai suguna kamofihi hapa'a lu huto huto lu nimi'ehinamo ni'ibe lite akeheli'ahanamo ni'ibe. Anana'mu luto ya'ma kohe toto hupa mone'isi fayahi koyoto lepi'ohunamo ni'ibe.

Efeso 6:21

Minoto lito nohuna yamofihi hapa'a to foya'a lilata nohuna yamofihi kehelilabe luto Tikiku ai'ya buto ka lu lepilube'mu nohibe. Ai lalalutifu lamana'a Sipi Bomofihi agoya pana'a foyagu amuya moloto mino'ehina bo yabe.

Kolose 1:7

Lalalutifu gi'a Epafalasiu le'ali hiti Yesuhi lili'na hetofa huto nolina bo to Hu'mamofihi kagamo yata'a lu lepi'ehina bouba yatai lalitoga nehetito Hu'mamofihi Sikalafu'auba enele'mo fulu hu'ehigo enali koguna ite minete ai kaba hinogo ai kaba hinogo hilata hite neminana yabe luto lenali kumu ya lu le'emi'ehina.

Kolose 4:7

Lalalutifu mone gi'a Tikiku nani lenalitoga ho lifilube. Ai ana huto Sipi Botimofihi lili'na bo nohuto kosele'i mehose nehe'molata nohina yabe. Ai lenalitoga buto lali kumu lu lepilenogo kehelilete komopatini keta holatana'mu babahi huto higo lenali lenegelo bilabe.

Kolose 4:9

To lenali bonatini mone gi'a Onesimasi loe hiti bila'ibe. Onesimasiu ana huto lalalutifu nohuto kosele'i mehose Hu'mamofihi lili'na bo'a lagati lebesina bo nohibe. Ana loe bole lenalitoga bilete ma hepatoga huto nohinana'a asaga'i lu lepila'ibe.

1 Tesalonika 1:1

Lenali Tesalonika metoga bona'ise. Lenali afotifu Hu'ma to Sipi Boti Yesu Kilisitohi bona'ise. Nani Poluita to Silasiugo, Timotiugo lali nohuto lenali ya'ma fayapo koyo nolepune. Hu'mamofihi lenehe'mose'na'a to fuluna'a lenalitoga minomo tito mineno.

2 Tesalonika 1:1

Oho, Tesalonika metoga mono naga'ise. Lenali afotifu Hu'mamofihi to Sipi Boti Yesu Kilisitohi naga'ise. Nani Poluita hiti Silasi hiti to Timotiu hiti ma fayapo koyoto nolepune.

Hibulu 13:22

Nigibo nalalu'nigita, nani kaga mone lu lepi'ohuna'a yatama meni'ibe. Lenali lenegekesa lito lufusatini li hetofa hilina ka'a ya'ma lu nolepugi lenekesa li hokolo hite kehelite minalo.

1 Pita 1:13

Ya'mu komopatini li hokolo hite lenegekesa kehelilo. Kaba hu bati hite minete Yesu Kilisitou alihi huto hinogo ya'ma lusa gi lepalalina'a yalo'i geba hilete asaga'i keheli ule'ale hite fifa ilete minalo.

1 Pita 4:10

Lenali Hu'mamofihi ka'amofihi kehelite lenele'mo bati huse'namofihi amuya fato fato'mofihi guna molo lepolo'ehinamo yanatu foya'a lelite nebinogo bona'i luga'amagihi enele'mo bati hilana yanauba Hu'mamofitogati amuya'a lepilenogo yanatu'i ana hi epalalabe.

2 Pita 1:12

Ananamofi kumu lenali ana'ina silaga'i alu lepi su ho'ehinamo ni'inagi lenegekesu mehenogo beto hilo. To ka lamana'a yamofihi komopa'agu amuya melete mine'ahana ya'ma kehelite mine'ahanalo bo lenali ana kagagu mino bati hite minete kosaba'i minoto ana ka'ya lu lepiba lu lepiba huto minalube'mu nohube.

2 Pita 2:15

Enali kapo fotogo hina'alo ya'ma enemegesa hi emite leke he melete ya'ma Bosolohi pana'a Balamu ai koyapa bu'ehina kapogu mege'i melete nehabe. Ai foipanamofihi mina'a lilube'mu topa ho'ehinamo Hu'mau ana foipana'mu ka emeki'ehina. Yamofihi toki yaga'auba kaga menolinauba bona'magihi nogo huto luloto ya'ma Balamu kaga leli'ali bo faga faganamofihi negi nasana hilube'mu nohina kapo'a hekini lo eto'ehina yabe.

3 Yoni 1:12

To Temetelihi hapa'a ya'ma bona'i silaga'i bati huto yabe lite lago kehelune. To mono kapogu mololago ai hapa'a huto hu'ehina'a hetofana ni'ibe. Nani ana huto hapa'a bati hulata nohina abu go'ohube. To ka'a ya'ma lamana'a lulata nohina'a akeheli'ahane.

Yute 1:3

Keke'i nolu lepolona bona'ise. Nani Hu'mau lenubuto bilata nasana silaga bona'magi hiti lilata nohuta yana'mu fayahi koyoto lepilube luto amuya molo'ohunaya, to bona'magi keheli ule'ale huse'namofihi kapo'a mino hetofa huto minalibe luto Hu'mau lu limi'ehina kaga ya'ma sibi hu lalibe luto asaga'naloga amuya melete foya'a ule'ale hite li etalana lenogo'na bito fayahi koyo lepilube luto kana'ni tupa nohibe.