1 Pita 4:8 - Ka Lamana'a Monoꞌi Lu Mu Tifiꞌehina Ka Yabe

⁸ Ya nehite lenemehi ai eminogo ai eminogo hite minalo. Ya'ma hilana'auba silaga'na be ligi'ehina nasana ni'ibe. Komopa'ani epilatana yanauba foipana li'ahana asaga'i enebe ligilata nohibe.

1 Pita 4:8 ပူးပေါင်းရင်းမြစ်များ

1 Koliti 13:1

Nani niginaga mefise nohuto bona'magihi enonogo'anigutifi to agelo bona'magihi enonogogutifi mono ka lutita nani fa'mene minotine. Ya'ma fa'mene pepe notina nasana belo nogo ya suhi huto fa'menena lolo hutine.

1 Koliti 13:4

Eniginaga fise nehilana bona'magi enipakafa mehese agoya hite minalune'mu habe. Enali siko mehise enali'ani'mu kehelinogo metinogo enali'ani enigi'ani lelite metilana'mu li saga mehilune'mu habe.

Kolose 3:14

To amuya melete asaga bona kumu leniginaga filo. Ya hilete lenali asaga'i bati hite koguna ite moneko'na hite minalabe.

1 Tesalonika 3:12

To Sipi Bouba lenele'mo higo ai komopa'a eminogo ai komopa'a eminogo hite mineno. To lali komopati lenalitoga molo'ohuta suhi hite komopatini silaga bonatoga malalana yauba napa huto hofa tenogo hite minalabe luto Hu'mamofihi loka nohone.

2 Tesalonika 1:3

Lalalutigita, lali asaga yupahi lenali kumu yabe luto Hu'mamofitoga fokehi lito minolata nohune. Lenali Hu'mamofitoga keheli amuya melelata nehanamofihi hofa tana'mu luto komopatini ai eminogo ai eminogo hilana hofa tana'mu luto bati huto fokehi nolune.

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

Hibulu 13:1

Mono kagu gona'a go'afihi komopatini ai eminogo ai eminogo hilata nehanamofihi ya'ma lenalitoga su meheno.

Yemesi 5:12

Nalalu'nigita, kaga amuya'a hiti ka mone lilugi kehelilo. Kokulumagu lenayahi tite lu laga mehilo. To metoga to nasana'mu fato fato'i lenayahi tite kaga melete lu laga mehilo. Hu'mamofito ka foya li lalabe. Lenali ya'ma o'yo luto lilupi to o'e luto lilupi litemo yamofihi ka'a lama'naka lite lilo.

Yemesi 5:20

ai'a ya'ma kaga ma luto kehelilibe. Moneuba foipana'a hiti bona'magihi kapo sibina'aguti le'moto oto hetofa kapolo le'mo malalina bouba ya'ma ana foipana'a hiti bomofihi meha'a hiti fili lalibe luto buto bito foipana'a hiti silaga'i li he'mi eto su halibe.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

3 Yoni 1:2

Nalalu'niga, komopaka ya'ma monolugu bati huto ni'igo kehelito ana suhi huto kugufaka'mu keke'i meluse ya'iya nasanauba kaitoga i ke'moto meenogo bati huto minalane luto Hu'mamofitoga lulata nohube.