1 Pita 4:2 - Ka Lamana'a Monoꞌi Lu Mu Tifiꞌehina Ka Yabe

² To yatai kanagu lenugufamofihi enumu fililatana yamofihi melise Hu'mamofihi bagaguti kaga'a kehelite ma melugu mineme bite minalabe.

1 Pita 4:2 ပူးပေါင်းရင်းမြစ်များ

Matiu 12:50

Kokulumalugu Afo'nifu nohinamofihi agoya hu emise bona'iya nani nogona'ni netali'nigi to nani ito'nigi nehabe. Ya luto Yesu lu epi'ehina yabe.

Matiu 20:4

Ya huloto ai lu epi'ehina: Lenali bite foya'nigu lili'na lilenogo nani mina eto huto lepilube.

Matiu 21:31

Yalo lenali lu nimilo luto Yesu lu'ehina: Ya'ma loe pana'male'i kuyu'afu afo'atitifu lu etimina kagalo mege'i molo'ehibe? Ya ligo enali Yesuhi lu emi'ahana: Yege pana'auba yabe lite, ya lago Yesu ma luto lu epi'ehina: Nani lusiga luto lu nolepube, takisi efahi nelina bo hiti to mokolo ana'i hiti enali kohe tete Hu'mamofihi kapo'agu nebabe.

Matiu 7:21

Asaga bona'i nani kumu'i: Kibina bo'nio, Kibina bo'nio, lilata nehana enali kokulumamofihi kapo'alo mebilana'mu yabe. To bona'i luga'amagi nani Afo'nifu kokulumalugu nohinamofihi bita hina suhi hilata nehana bona'isi enele'malina'mu yabe.

Maki 3:35

Ya'ma Hu'mamofihi ka'a kehelite agoya hi emilata nehanamagi enali nogo'nigi netali'nigi ito'nigi nehana yabe, luto Yesu ya lu epi'ehina yabe.

Maki 7:21

Bomofihi komopa'aguti ekesa noyiginana asaga'i notina yabe. Moko lise'na, bauna ise'na, bona'i ho filise'na, a'i gumina folose'na, to komopaka hosopa ito ana'ina'mu nani'ni babu luto lilube lulata ya'ma, to foipana fato fato'i huse'na ya'ma yabe. To, bahane hose'na, kolota kolota hapa'a huse'na, siko huse'na, megeka luse'na, kugufaka limo titi huse'na, to keheli sibina huse'na,

Yoni 1:13

Enali Hu'mamofihi yagapana'a lolo hi'ahana ito'anigihi afo'anigihi enugufa enemeto meni'ibe. Hu'mau ai'a yagapana'ni yabe luloto afo'anifu nohibe.

Yoni 7:17

To bo moneuba Hu'mamofihi baga'a liyafa huto mege'i malalube'mu nani lu yege nohona kagamofihi hapa'a keheli bebe salina'mu yabe. Hu'mamofihi kaga'a nolufi to nani'ni komopa'niguti tina kaga nolufi ai'a keheli sepa ilina'mu yabe.

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

Romu 14:7

To lali ma melugu nohuto fililupi minalupi ya'ma kaba huse'na laliti meni'ibe. Fililenogo minolenogo yamofihi nasana'mu lalitisigo meni'inagi Sipi Botiuba ai'a kaba huse'na'a ni'inagihe. Lali lubu hiti minoto nohuta ya'ma Sipi Bomofihi agoya hu emilata nohune.

Romu 6:11

Ya'mana suhi lite lenalitini afili'ohune lite lilanauba foipanamofihi kele kele hu meminalana'mu yabe. Lenali Yesu Kilisito hiti hepite minete Hu'mamofihi mino kosaba huse'na limi'ehinalo minaluna'mu yabe.

Romu 6:2

O'e, ya huto meni'ibe. Lali foipana'mu fililata suhi huto foipana lisemofihi ahe'mi su ho'ohune. Henabe luto aku foipana liba liba huto minalune?

Romu 7:4

Nalalu'nigitabe, lenali yana suhi hite nehabe. Lenali yatai Kilisito bomofihi gufa'a hepite nehana bona'magita keya kaloga fili'ahabe. Ya'mu keya kauba kaba hu meepololata nohibe. To ya'ma ai fili'ehinagati ho ti'ehina bo, Yesu, ai'a bona'a lolo hilete ai kumu Hu'mamofihi foya hetofa'a lilata hilabe.

2 Koliti 5:15

To bona'i asaga kumu yabe luto fili'ehinamofihi ya hu'ehina'mu lubu hiti nohuto yamofihi lalitisigo minoto lito mehuse ai kumu luto minoto lito hilune.

Efeso 2:3

Lali asaga'i koyapa'i enali tegi huto minoto komopatimofihi ka laga'a mege'i moloto mega lugufamofihi to kehelise'natimofihi kaga'a keheliya iloto mino'ohuta. Ya huto komopatigu foipa hiti nohutoti enali tegi huto Hu'mau foipana'mu ipakafa osahi limilina suhi huto mino'ohuta ni'ibe.

Efeso 4:17

Yamofihi nani Sipi Bomofihi bulo lenegekesa lito lu nolepube. Hu'mamofihi ka'a mekehelilata boana'i enali enegekesa kehelilata nehana bati mehina fa'menena kehelilata nehabe. Enali tegi lolo hite meminalo.

Efeso 5:17

Ka mekehelise bona'i lolo hite meminese Sipi Bouba foyaka lu lepolo'ehinamo yamofihi bu go bebe sete bu gete minalo.

Efeso 6:6

Lenaliya enikibina bo lenugufa lenemehi epite agoya nehi epelenogo yamofihi lenubu genogo bati hilibe luto ni'igopa lali Kilisitohi ya suhi kele kele'i hu etoto minalune lilete Hu'mamofihi fokehi lu lepalalina suhi hite minalo.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

Kolose 3:3

Lenali fili'ahana bona tegi hite nehite ma melugu ni'ina nasana'a he'mitetini Kilisito hiti Hu'mamofitoga lenemehatini mele'ahana yabe.

Kolose 4:12

To lenali bonatini mone gi'a Epafalasi ai Yesu Kilisitohi lili'na bo'a lolo hu'ehina bouba ana huto lenali kumu nehafiye luto nolibe. Ai asaga kanagu lenali Hu'mamofitoga loe lae mehise ule'ale hite minete agoya hi emite minalabe luto nunumu huto amuya moloto Hu'mamofihi loka hoto nominabe.

1 Tesalonika 5:18

Ana'ina asaga'i ni'ina yana'mu Hu'mamofihi fokehi lilo. Ya'ma Yesu Kilisitohi naga'i lolo hana'mu yabe luto Hu'mau ya'ma luto nolu lepalabe.

Hibulu 13:21

ai'a ya'ma nasana lamana'a fato fato'mofihi li huto hu lepito lenele'mo babahi hulenogo ai lilina'a malalina'a keheliya ilabe luto nolube. Ya nehinogo ai'a kehelinogo bu go laga huse nasana Yesu Kilisitohi amuya'auba komopatinigu mineno. To ai fana mehena'a huto hilenogo foke ka lelite binogo mino lito buto minalinamo ni'ibe. Lama'naka.

Yemesi 1:18

Lali Hu'mamofihi yagapana'amagita yata'a hapi fito lolo hilune luto Hu'mau ekesa keheli'ehinalo ai kaga'alo keheli amuya melenogo lemehati kosaba'i limi'ehibe.

1 Pita 1:14

Hu'mamofihi keheli emite minalo. Lenali koyapa'i nehite negi nete nehago lenugufa li sibina hise kapolo melete bi'ahana. Yatai ya'ma kanagu ya suhi hite meminalo.

1 Pita 2:1

To ya huto ni'igo lenali foipanatini asaga'i li he'milo. To faga lilatana, kenetufatini loemo minolatana, to komopatinigu siko hilatana, huli ka ai lu emigo ai lu emigo hilatana yamofihi he'mi su halo.

1 Yoni 2:17

To me'mofihi gupisa'alo ana'ina to enipa hina nasana hiti asaga'na su hoto mone yupahi fenene hilibe. To enali Hu'mamofihi bagaguti ka'a kehelite mege'i nemalana'a enali mineme bite mino hetofa hite minalana'mu yabe.