1 Pita 4:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Yana'mu mono bukugu kaga mone fayahi keye'ahanamo ma luto ni'ibe: Bo lamana'a enali foipana lilata nehana kanagu enele'mo bati hite enubuto binogo minalana'a keta higo ni'inaya, ya hu'ehina mono ka keheli he'mite minete foipana lolo hilata nehana enali hena hilana ni'ibe?

1 Pita 4:18 ပူးပေါင်းရင်းမြစ်များ

Luku 15:1

Mone yupahi takisi nelina bona'i hiti to ka'i leli nehana bona'i hiti Yesu nohinalo ete ai kaga'a linalo kehelite mine'ahana yabe.

Luku 23:31

Yatai ya'mana suhi yafa nogoya'a hiti ninalo nehabe ya nehana enali yafa hosopa i'ehinalo hena suhi hilana ni'ibe? ya'ma luto Yesu lu epi'ehina.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Aposolo 27:24

Poluo, kai kelesa melinogo koli mehuse. Ya'ma sipi bo, Sisahi bulo buto ho tilana'mu yabe. To kai kehelibo. Asaga bona'i ma sipi botigu nehana enali'i Hu'mau kai'i akimi'ehibe.

Aposolo 27:31

Ya nehago Polu bu enogoloto gimi kaba bomofihi to bona'a hiti ma luto lu epi'ehina: Enali botigu kaba hite humofa'na hilata nehana bomagi ma sipi botigu meminalana lenali lenugufatini li lenubuto mebilana'mu yabe.

Romu 1:18

To bona'magi enali foipa faipana'ani babu lite liba liba nehite to hetofa kaga'a fala kite to hetofa kapo hekini lalibe. Hu'mau ya'ma foipana nasanamofihi bu goto sipi enipakafa halinamofihi ya'ma kokulumaluguti limi'ehina abu go'ohune.

Romu 5:6

To lali amuya memolo'ohutaya Hu'mau mone kanagu lu kehelito Kilisito melugu ho lifito foipa boana'magihi fili epalalibe luto molo'ehina yupahi melugu limi'ehina.

Romu 5:8

Lali foipana lito nominonogo Kilisitou lali kumu fili'ehina. Yana'mu Hu'mau sipi keke'i lu letoto lelepigo bu go'ohune.

1 Koliti 10:12

Ya hu'ehina'mu ya'ma moneuba ai'amu kehelito Hu'mamofihi kagu amuya moloto nohilina bouba buto sibina hu laligi, yamofihi legeso huto kaba huto minalibe.

1 Timoti 1:9

Le'ali ya'ma keheli'ohu'ibe. Keheli'ohu'ibe luto lu'ohunaya to ya'ma keya ka foipana mehise bebe sete neminana bona kumu huto hu'ehina meni'ibe luto nolune. Ka keheli he'mite nehana bona'i, to kegeiyo hilata nehana, to Hu'mamofitoga agoya hu meemise nehana, foipana hilata nehana, mono kamofihi kapo'a mebilata nehana, mono'i laga mehina bona'i, ito'anigihi afo'anigihi to fato bona'i enoho fililata nehana bona'i,

Hibulu 4:1

To ya'ma minoba minoba hepato bu nehetilabe luto Hu'mau lu leto'ehinamo ni'ibe. Yamofihi kaga'a lu molo'ehinana su mehalube'mu hibe. Ya'mu lenalitogati kegi'a moneubafi moneuba ana kapogu buto tele bi haya kolo lalibe luto lelesati linagi kaba hu bati hilo luto nolune.

Yemesi 5:6

Lenali bati hite nehana bona'i enifisa ite ka foya epilete neenahago enali nona'a lenahalana'a hiti lenifitu falana'a hiti meni'ibe. Lenali yogo fe'noho bona'magi ya'ma ka kehelilo.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe

2 Pita 3:7

To ai yatai ana huto Hu'mamofihi kaga'auba kokuluma hiti me'i hiti kaba nohuto'a to alihi ai molo'ehina kanagu logo lo su halibe luto kaba nohibe. Bo foipana'ani'mu kaga guna molo epalalina kana'a huto nohinogo enali nona'a guna melete ya hilana'mu me'i hiti kokuluma hiti geba hite neha'inabe.

Yute 1:15

Ya huloto asaga bonatoga hapa'ani lu huto nohuto kegeiyo bona'i Hu'mamofitoga meneminana'a enali kegeiyo'na'animofihi hapa'a nona'a foipana epilina'mu yabe. To kegeiyo bona'magihi Hu'mamofitoga meneminana'amagi enali Hu'mamofihi kaga li sibina sabana hite ka laga mehina'a lilana ananamofihi nona'a epilina'mu yabe.