1 Pita 4:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Nekehelifiye? Hu'mau ai'a bona'magihi hapa hapa'animu loko huto guna molo epalalina kana'a tupa nohibe. To bona'a lalitoga hapi fito lilube'mu hibe. Ya hu'ehina lalitoga kohe toto napa huto lilina hena hilibe? Hena huto oto ka lamana'a keheli he'mi'ahanamagihi hena hena hu epalalina ni'ibe?

1 Pita 4:17 ပူးပေါင်းရင်းမြစ်များ

Luku 23:31

Yatai ya'mana suhi yafa nogoya'a hiti ninalo nehabe ya nehana enali yafa hosopa i'ehinalo hena suhi hilana ni'ibe? ya'ma luto Yesu lu epi'ehina.

Romu 1:1

Nani Poluita, Yesu Kilisitohi koko pana'a nohuto ma fayahi nogobe. Koyapa'i Hu'mau nani kumu kehe ito nele'mo ho tito ka lamana'a lu yege hobo luto lu nimi'ehina yabe.

Romu 2:9

Ya hilina kanagu foipana lise bona'magi asaga'na sipi ketana lite enagabu'i giloto ya'ma Yuta bonatoga kohe toto huto huloto yalo fegutoga bonatoga hiti huto anana hu epalalibe.

Galesia 3:1

Oho, Galesia bona'ise. Negi nagi'a lenali ya'ma ki'afu lenele'mo gopa napa hu'ehigo Kilisitohi ka lamana'alo ahe'mi'ahabe? Nani Yesu Kilisitohi malipu yafalo hago fili'ehinamofihi babeyafa'a lolo huto lu lepi'ohugo lenubutu bu go akutete bu ge'ahanamo ni'ina. Henabe luto aitogati he'mi'ahabe?

Galesia 5:7

Lenali mono'mofihi kapo'a bati hite lelite nebinogo moneuba hena huto kapo fi hekini lo lepalago ka lamana'amu henabe lite lenemegesa hi emi'ahanamo ni'ibe?

Galesia 6:10

Ya nohuto kana'ati ni'igo bona'i asaga'magihi lemehi epito hetofa hu epalalune. Ya nehinogoti mono kagu ligibo enali'ani lalalutigihi nasana ya'ma lelito tito enele'mo bati hilune.

2 Tesalonika 1:8

logo guluya meha'a sipi'a hiti limiloto Hu'mamofihi mekeheli'ahana bona'i to Sipi Bomo Yesuhi ka lamana'a keheli meemi'ahana bona'i nona'a foya epilina'mu yabe.

Hibulu 11:8

Abalahau keheli ule'ale huse bo mino'ehina Hu'mau kehe ito ai me'i mone enali felisa fe'nohi minalibe luto kele'mo bati hilugi kai mekagati he'miloto mone kegi'a buto minalane luto kaga lu moloto lu emigo keheli emito me'i magafi hiya'agafi lu'ehina ya'ma mekehelise fa'mene agoya hu emito bu'ehina yabe.

Hibulu 2:2

Agelomagihi enabagaguti kaga keya ka keye'ahana yanauba legeya'a lolo higo lusi kaga huto hu'ehina'mu bona'i moneuba ana agelomagihi kaga'ani hauta holatana ya'ma to keheli he'mito hega holatanamofihi hapa'a huto nohigo ya'ma foipana'a hiti ni'inaya yamofihi mone kegi'a foipana nona'a ali'ehinamo ni'ibe.

Hibulu 2:4

Ya nohigo ana kanagu Hu'mau ya'ma lubuto bilatanamofihi kaga'a lusiga lu'ehinamoya ai'a fato fato suhi to amuya'amofihi nasana to topa hose'namofihi ana'ina kosaba'i to babeyafa'alo fato fato'i li huto huto molo'ehina yabe. To Hu'mau ai lu kehelito ya'ma Sikalafu'mofihi nasana amuya'a ai'a lu'ehinalo moloto guna ito limi'ehina yabe.

Hibulu 3:6

Ya huto mino'ehinaya Kilisitou ai ya'ma pana'auba Hu'mamofihi noha'alo lolo hi tegi hite mine'ahana bona'magihi kaba nohu epoloto Hu'mau lu'ehinalo foya amuya moloto lilata nohibe. Noha'aya lali ya'ma nohune. To yamofihi fa'mene'mu meni'ibe. Ana'ina le'mo babahi hu leto'ehina yana'mu luto ka'a li pili koto agoya hu emito minoto komopatigu bati nohinogo keheli emito mino lito nobinogo kanati su nehenogomo ya'ma Hu'mamofihi noha'a lolo huto nohune luto lilune.

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.

1 Pita 2:5

Ya lite nehite lenali ana suhi hite mino lito minolata nohina efahi lolo hi su helete aitoga molo emite mine lite bite tilo. Tite Hu'mamofihi Sikalafu'amofihi mono noha'amofihi gise efapo lolo hilabe. Ya hilete ana nonugu mamufa gi emilata bona'i eto eto hite lolo hilabe. Hu'mamofihi Sikalafu'mofihi nasana kuguhi koyo emilenogo Yesu Kilisitotoga nebinogo keheli laga hilibe.

1 Pita 2:8

To mono bukugu fayahi mone ma luto ni'ibe: Ana efatoti i kusulu bite limilana'mu yabe. To ana efapolo ho kete enahalina'mu yabe. Ana kaga keye'ahanamofihi hapa'a ya'ma ni'ibe. Bona'i enali Hu'mamofihi ka'a keheli he'milata nehana enali kusulu bite limilana'mu yabe luto lu'ehinamo ni'ibe. Ya hite bite, ya suhi hilata nehabe luto Hu'mau ya'ma lu molo'ehina yabe.