1 Pita 4:1 - Ka Lamana'a Monoꞌi Lu Mu Tifiꞌehina Ka Yabe

¹ Kilisito ai gufa'amo keke'i luse'namofihi gupisalo ti'ehina ni'inagi lenali ana suhi lolo hite lusa lite amuya lilo. Ya nehite ya'ma kehelilo. Moneubafi moneubafi ai gufa'amo keke'i luse'namofihi gupisalo tinogo nohilinauba foipa nasana li lalibe luto ekesa moloto minalibe luto lilune.

1 Pita 4:1 ပူးပေါင်းရင်းမြစ်များ

Maki 3:3

Ya nehago, Yesu yahi yufu no'ehina bomofihi lu emi'ehina: Ho tito maga obo, luto lu emito'a yalo enali kumu ma luto enoloka habe:

Romu 6:11

Ya'mana suhi lite lenalitini afili'ohune lite lilanauba foipanamofihi kele kele hu meminalana'mu yabe. Lenali Yesu Kilisito hiti hepite minete Hu'mamofihi mino kosaba huse'na limi'ehinalo minaluna'mu yabe.

Romu 6:2

O'e, ya huto meni'ibe. Lali foipana'mu fililata suhi huto foipana lisemofihi ahe'mi su ho'ohune. Henabe luto aku foipana liba liba huto minalune?

Romu 6:7

Bo mone fililenogo foipa hapa'amofihi amuya molo'ehina ya'ma asu halina'mu yabe.

Galesia 2:20

Ya hu'ohunaya yatai ya'ma minoto lito nohuna ya'ma nani'nigo minoto lito mehube. Kilisitou komopa'nigu minoto lito nohigo nugufaloti minoto lito nohuna. Ya'ma Hu'mamofihi pana'amu keheli ule'ale huto minolatana nohuto minoto lito nohube. Ai ya'ma komopa'a nanitoga mololoto minoto lito hina'a nani kumu yabe luto gufa'a he'miloto fili'ehinamo ni'ibe.

Galesia 5:24

To Yesu Kilisitohi naga'i lali tafa komopatimofihi bita hulata nasana to foipana'mu enuluhaya ilatamofihi aho filigo fa'menena lolo hu'ehinamo ni'ibe.

Efeso 6:13

Lenali yana'mu Hu'mamofitogati gimi mage'i luba nasana lilete minete luba laga mehina'a amuya melete nehinogo fatehatini enali ete luba hilube'mu nehinogo lenali analo'i amuya melete minete koli mefelese ule'ale hite minalabe.

Filipai 2:5

Yesu Kilisito ai'a kehelilata hu'ehinamofihi nasana ana suhi huto lenalitoga mineno.

Hibulu 12:3

Foipa nasana lilata bona'i kegeiyo hite ita bi'ahana enali ya suhi hi emigo ai keheli he'mito amuya molo'ehina. Lenali ai kumu keheli emite kosele'i meleneheno. Komopatini hekini lo laligi ai'i li pili kalo.

Hibulu 4:10

Hu'mau foya li su holoto mino basu bi'ehina ana suhi hite bona'i mone'amagi enali lili'na'ani li su hete'ani Hu'mamofihi minoba minoba huse'nalo mine malalana ya'ma Hu'ma hiti enali hiti mine'ahana yabe.

1 Pita 2:21

Lenali ya suhi hilabe luto elesa molo lepi'ehinamo ni'ibe. Kilisitou ai'a ana suhi huto lenali kumu yabe luto keke'i luse'namofihi gupisalo tito minoto lenele'mo kohe to'ehinamo ni'ibe. Lenali ya hu'ehina'mu lite mege'i melete bilo.

1 Pita 3:18

Kilisitou ai ana huto bo lamana'a mino'ehina bouba bo foipa'a lali kumu yabe luto fili'ehina. Ai Kilisitou asaga bona'magihi foipana'ani su halibe luto silaga bona'i foipana'ani'mu yabe luto kana'a moneko'i filigo su ho'ehina yabe. Yamofihi Hu'mamofitoga lenele'mo malalube luto lolo hu'ehina. Enali he'ahana'mu ai mega gufa'auba fili'ehinaya meha'a hetofa Sikalafu'uba le'mo mopo higo mino lito buto mino'ehina.