1 Pita 3:9 - Ka Lamana'a Monoꞌi Lu Mu Tifiꞌehina Ka Yabe

⁹ Ana'ina foipana lelite tinogomo lenalitinigo fililata nasana foipana lelite metilo. Lenali lube laga hibe nehinogo lenaliya nona'a meepise bebe sose ka lu epilo. To lenali ana hite lusa gise ka lilabe luto Hu'mamofihi elesa molo'ehinamo ni'ibe.

1 Pita 3:9 ပူးပေါင်းရင်းမြစ်များ

Matiu 19:29

To enali bona'i luga'amagi nani kumu lite enekesa yigilete noha'anifi enogona'anifi enetali'anigifi ito'anigi afo'anigihifi yagapana'anifi to foya'anifi he'milete nanitoga alanamagi enali anana'anilo babu lite lilana'mu yabe. To enali bati huto minoba minoba hepa'i lilana'mu yabe.

Matiu 25:34

Ya hinogo'ni kibina bouba ai oloto nayahi lamaga'niga nehana bona'i ma luto lu epilina'mu yabe: Lenali alo. Afo'nifu lenele'mo bati hilibe. Koyapa'i ai kokuluma hiti me'i hiti lolo hu'ehina kana'alo Afo'nifu kapo'a li hokolo hu lepolo'ehina kapo lenali ete tilo.

Matiu 5:39

Ya hu'ehina nani aku'i yatai lu nolepube. Lenali bo moneuba osahi lenehenogomo lenali ana bo nona'a mehalo. Lenabaga hapa'alo lamagatiniga inogomo mone kegi'a i gelehe hu emitogo ino.

Matiu 5:44

Ya hu'ehina nani yatai aku'i lu nolepube. Fatehatini enele'mo bati nehite to lenali'i lenele'mo bati mehilana bonatoga nunumu Hu'mamofitoga hu epelenogo ai enehe'malibe.

Maki 10:17

To alihi Yesu kapo malalube'mu nohigo, bo moneuba hololu luto oto aitoga lahupa nohi fito ma luto loka ho'ehina: Oho afo'nigabe. Bati bo nohane. Nani hena'ni hulenogo'ni nemehuba minoba minoba hilibe? Lu nimibo.

Luku 10:25

Keya ka keheli bati huse bo moneuba Yesuhi mi'i malalube luto Yesu nohinalo tiloto ma lu'ehina: Tisao, nani hena huloto'ni mino kosaba hepa'i lilube? luto loka ho'ehina.

Luku 18:18

Yuta bo moneuba ma luto Yesuhi loka ho'ehina: Tisao, hetofa bo yale, nani hena huloto'ni minoba minoba hepato bilube?

Romu 12:14

To bona'i mone'amagi lenegene mane neinogo Hu'mamofihi loka hete ana bona kumu gumi'i enohobo melise li hetofa hu epolobo lite ya'ma loka halo.

Romu 12:17

To bona'i moneuba lenele'mo sibina nohinogomo lenali foipana nona'a meemilo. Aku'i bona'magi bebe sose hapa'amu nelanamofihi ya'ma lenali mege'i melete minalo.

Romu 8:28

To lali mana akeheli'ohune, Hu'mau lu kehelise'namofihi bona'a enali kumu kehe igo bite aitoga komopa'ani emi'ahanamagihi ai asaga huto hilina kanagu hetofana hu epololata nohinagihe.

Romu 8:30

To Hu'mau ekesa kehelito enele'mo molo'ehina bona'magihi aitoga kehe igo e'ahabe. To ai kehe igo e'ahanamofihi foipana'ani he'mito bebe sose bona'i enele'mo lolo hu'ehina. To ya huto bebe sose bona'i enele'mo lolo huto ai hetofa fana meha'agu enele'mo molo'ehina.

Galesia 3:14

To ai henabe luto ya huto fili'ehibe? Hu'mau Abalahahi lusa gi emito ka molo'ehina'a ya'ma fegutoga bonatoga hiti li huto hilibe luto yabe. To lali Yesu Kilisitohi keheli ule'ale huto aitoga agoya hu emiluta bona'i nohune luto Hu'mau ai Sikalafu'i epilube luto lu molo'ehina'mu yam'a keheliloto lilune'mu hune.

Efeso 4:32

Lenali komopatini fulu hinogo ai ginaga fi emigo ai ginaga fi emigo hite minalo. Hu'mau ai'a Kilisito kumu yabe luto foipanatini li he'mi lepolo'ehinamo ni'igo lenali ana suhi hite foipanatini ai li he'mi etenogo ai li he'mi etenogo ihe'ma ahe'ma hite minalo.

1 Tesalonika 5:15

To foipanamofihi nona'amu yabe lite ai henogo ai henogo li muyalo li malo mehilo. Ya hu lalune lite lenalitogati to bona'i asagatoga ana'ina li lamana hu epalalune lite amuya melete minalo.

Hibulu 12:17

Lenali ai hapa'a akeheli'ahabe. Ai alihi afo'afitogati lusa gise'na lilube luto noligo afo'afu o'e lu etago ana'ina lolo hu'ehinamofihi hena huto su halibe luto kehelito ya'ma sibina hu'ehinamofi kumu komopa'a i behe huto ana lusa kapolo sa sa huloto aku meni'igo yibi hafili huto mino'ehinamo ni'ibe.

Hibulu 6:14

Lu moloto lu etoto ma luto lu'ehina: Nani'ni ya'ma lusa aku'i gi ketalube'mu nohube. Ya huloto kai yagapanaka babu luto li futili huto li huto hu kimiluna'mu yabe.

1 Pita 5:10

To asaga lehe'malina afo'afihi, Hu'ma ai'i sekele mamu'a hiti Sikalafu'uba amuya moloto minolata nohinamofihi aitoga Kilisito kumu yabe luto aitoga bu henetilabe luto elesa molo lepi'ehina bo ai leniginaga fise kana'a hupamone'isi nokehelito lenele'mo bebe soto tito amuya'auba limito lenele'mo hetofa huto amuya lapusa fi lepalalina'mu yabe.