1 Pita 3:8 - Ka Lamana'a Monoꞌi Lu Mu Tifiꞌehina Ka Yabe

⁸ To kaga lu su hoto lu lepilube. Lenali silaga'i lenalalutinigi hiti mino moneko hite komopatini ketipa inogo ai mehi eminogo ai mehi eminogo ya nehite lenalalutinigihi leniginaga finogo minete lenugufatinimofihi lime limite minalabe.

1 Pita 3:8 ပူးပေါင်းရင်းမြစ်များ

Matiu 18:33

Nani yata'a kiginaga fi kimito he'mi keto'ohuna yabe. To hena hu'ehigo kai moneka lili'na neli'ina bo kiginaga fi meemi'ahane?

Luku 10:33

To aku'i fateha bo moneuba Samalia kegi'a nohina bouba ai kapo nomoloto anaga oloto bu gopa mele'isi keke'i nolu etabe.

Aposolo 2:1

Sikalafu'i limise kana'a olago enali moneko nonuga ete li nupa hite mine'ahana.

Aposolo 27:3

Ya huloto eteka'a Sitoni hepato neheti'ohuta. Ya'ma gimi bona'i kaba'ani Yuliasiu Poluhi le'mo laga huto'a ai lalu'agita ete be tigite ana'ina'amu muhi nobilina emilo luto lu epi'ehina.

Aposolo 28:7

Ya'mana nagamilugu ti'ehina me'i kibina bo mone'mofihi gi'a Pubiliasi yabe luto mino'ehina bomofihi ai me'alo yabe. Ya'mana bouba ai noha'aluga lele'moto buto hetofana huto kaba hu letago ai nonugu nohi loegi monegi ko'ohuta yabe.

Aposolo 4:32

Hu'mamofitoga komopa'ani emite minana bona'i enali moneko kaga liyafa hite mine'ahana. To bo moneuba ai fe'noha'alo bu goloto nani'ni nasana'ni ni'ibe luto melu'ehina. Asaga fe'noha'a enali asaga'i nehanamagi enali'na hiti li baga i'ehina.

Romu 12:10

Lenali ai ginaga fi eminogo ai ginaga fi eminogo hite koguna ite minalo. Ya hite minete lenigitini liyafa mehise bonatinimo le'mo hofa tete minalo.

Romu 15:5

To Hu'mau lenele'mo bati hilata to lenele'mo amuya mololata bouba lenele'mo agoya hinogo lenali Yesu Kilisitohi hapa'a babeyafalo mege'i melete koguna ite moneko bona'i hite minalabe.

1 Koliti 1:10

Nalalu'nigitabe. Nani Sipi Boti Yesu Kilisitohi gi'alo yabe luto lu hokolo hu lepito ya'ma lilugi, kehelilo. Lenali kaga fato fato'i nelite loko mehilo mono ka'mu nekehelite lenegekesa hiti komopatini le'mo moneko hite minalo.

1 Koliti 12:26

Ya hu'ehina'mu lugufa nekisa'a mone'mofihi kota'i helenogo keke'i lilinamofihi luga'amagi enali hiti keke'i lu baga ilana'mu yabe. To lugufa nekisa'a mone'auba bati huto minenogomo luga'a silaga'magi enegelo bi su hete enegelo bilana'mu yabe.

Efeso 4:2

Ya nehite komopatini lelite limite fulunagu minete agoya hite minete mineme bite kosele'i melepehenogo komopatini epite ai he'mago ai he'mago hite minalo.

Efeso 4:31

Lenali enipakafa hose'na hiti to kenasabo bise'na hiti to enemegeka lite ya'ma asaga'i keheli he'milo. To luba lenegekesa mehino.

Efeso 4:32

Lenali komopatini fulu hinogo ai ginaga fi emigo ai ginaga fi emigo hite minalo. Hu'mau ai'a Kilisito kumu yabe luto foipanatini li he'mi lepolo'ehinamo ni'igo lenali ana suhi hite foipanatini ai li he'mi etenogo ai li he'mi etenogo ihe'ma ahe'ma hite minalo.

Filipai 2:3

Lenalitinimu kehelite lenugufa lelitetiti nehanamofihi melilo. To lenigi le'mo saga mehilo. To lenegekesa yigite ligiti enebe ligilune lite ya melilo. Lenali komopatini lelite limite melelete lenigibo lenagabo enali kumu kehelinogo tilibe.

Filipai 3:16

Ya hu'ehinaya bu'ohuta Hu'mau lelepi'ehina kapo moloko bilune.

Kolose 3:12

Lenali Hu'mamofihi bona'a nehabe. Ai keke'i nolu lepoloto lenele'mo'ehibe. Ya hu'ehinagi lenali fato bona kumu leniginaga fi epelete fulu hite enehe'mete agoya hite minalo.

Hibulu 13:1

Mono kagu gona'a go'afihi komopatini ai eminogo ai eminogo hilata nehanamofihi ya'ma lenalitoga su meheno.

Yemesi 2:13

Bo mone'maka kai kiginaga mefinogo bona'i enele'mo bati mehilata ya'ma Hu'mau ana huto ginaga mefinogo enele'mo bati mehinogo ana bomofihi ka foya li etalune'mu nehabe. Kiginaga finogo keke'i luto enele'mo bati hilata bona'i ya'ma Hu'mau ana suhi huto ginaga finogo enele'mo bati hilube'mu nohibe. To ginaga fise nasanauba ka foya lilatanamofihi be ligilina'mu yabe.

Yemesi 3:17

Kokulumaluguti keheliya ise'na limilina yauba hapi fito komopati gulu gulu linogo minoto agoya bonako minototi fulunamofihi hapa'a lilata nohune. To fato bona'i bu enogoloto ginaga fise'na epiloto enele'mo lamana huto yamofihi legeya'a babu luto li huto hu leto'ehina ya huloto ligitagahi huto kenetufati loe lae hinogo faga faga luto meliluta'mu yabe.

Yemesi 5:11

Keheli'ahafihe? Enali ule'ale hite lite mine'ahana bomu'i ya'ma Hu'mau lusa gi epolo'ehina bo yabe, luto lulata nohune. Koyapa bouba Yopu ai keke'i luto minoto kosele'i mehago mino'ehina'a akeheli'ahabe. Aliha'a ya'ma Sipi Bouba ana'ina lamana'a molo eto'ehina ya'ma akeheli'ahabe. Yana'mu Sipi Bouba lalitoga ginaga fito bu goloto komopa'a limito lele'mo hetofa hu letalinamo ni'ibe, luto kehelilune.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

1 Pita 2:17

Lenali silaga bona kumu keheli bati hite keheli epilo. To Hu'mamofihi ka keheli nehanamagitoga komopatini epilo. To Hu'mamofi kumu koli hite aitoga agoya hi emilo. To ma metoga gihiti bo'mu keheli bati hite minalo.

1 Pita 5:5

To neheya kola bo lenali ana hite olopa bomagihi agoya hu epite limite minalabe luto lu nolepube. Ya nehite lenali asaga'i lili'namofihi kibi bite ai agoya hu eminogo ai agoya hu eminogo hite minalana nasana lite kele kele pana'a suhi hite minalabe. Yamofihi mono bukugu kaga mone fayahi keye'ahanamo ma huto ni'ibe: Hu'mamofihi ai enugufa'ani lelite tilata nehana bona'i enali lukesa'ani sigilata nohibe. To bona'i limite minana'amagihi ya'ma enele'mo hetofa huto enehe'molata nohibe.

2 Pita 1:7

Hu'mamofi kumu keta mehise agoya hu emilata hite neminana enali hepite koguna ite minolata nehana yamofito molo emilabe. Hepito koguna ite minolatanamofihi yalo'i komopatini hiti epite keke'i luse'na'alo molo emilabe.

1 Yoni 3:14

Lali komopati ya'ma lalalutigihi epilata nohutamo ni'inagihe. Ya'mu lali filise'na kapo'aguti he'mito oto mino kosaba'nagu mino'ohutamo ni'ina keheli'ohune. To luga'amagi enali komopa'ani ai eminogo ai eminogo menehanamagi enali ya'ma filise kapogu nebana yabe.