1 Pita 3:4 - Ka Lamana'a Monoꞌi Lu Mu Tifiꞌehina Ka Yabe

⁴ Ya nehinogo ketipa ito fuluna'amofihi sekele mamu'a yauba amuya moloto minolatanamofihi yanauba komopatinigu kikipa hoto minolatana ni'ibe. To tafana meli'ohuta yauba ya'ma Hu'mau hapatini kehelito gelo binogo ya'ma mina'a tito minalibe lite lilabe.

1 Pita 3:4 ပူးပေါင်းရင်းမြစ်များ

Matiu 11:29

Ya'ma yafa nani nigi'nagu nina lenali lite lenali lenigi'nagu malalo. Lenali nani hapa'ni lilo. Hena'mugope nani fulu fulu kaga bona'i lu noepuna bo nohube. To koyone huto legeso huto nominona bo nohube. To lenali komopatinimofihi nanitoga ete le'mo basu bilo.

Matiu 21:5

Lenali Yelusale hepatoga neminana bona'i ma lite lu epilo: Bu galo, lenalitoga kibina botini noabe. Ai koyone bo, ai toki yaga gupisalo minoto noabe. Ai toki yaga ikele'amofihi gupisalo minoto noabe.

Matiu 23:26

Felosi bo lenali lenubutini pisi lu'ehina. Yata'a kohi komopa'a luga okala huto li gulu gulu luletogo alihi gupisa'aga hiti ana huto gulu gulu lilibe.

Matiu 5:5

Agoya bona'i enali enegelo bilo. Enali kaga molo epolo'ehinalo asaga me'i lilana'mu yabe.

Luku 11:40

Lenali negi nagi bo yabe. Hu'mau ai fegu'aga lolo hu'ehina bouba ai ana huto komopa'aluga lolo mehilina ni'ifihe?

Luku 16:15

Yesu ma luto ana Felosi bona'i lu epi'ehina: Asaga bomagihi enubulo lenali bati hu'ohuta bo nohune lite lilata nehanaya Hu'mau komopatinigu bu go fulu tuto abu go'ehibe. Bona'magi enali hetofa fe'nohati yabe lite li pili kete minelata nehananaya Hu'mamofihi bulo kisilito tuguma bito bati mehinana ni'ibe.

Romu 1:23

Enali ya'ma minoba minoba nohina bo, Hu'ma, ai'a gi'a liyafa mehite to fokehi melilata nehabe. To mone enali'ani lolo hi'ahananamofihi ya'ma liyafa hite kanipo nefibe. Ana'ina meha'a lolo hite yege nefibe. Bomofihi meha'a yagi namamofihi meha'a yagi kafa'namamofihi meha'a yagi osifa meha'a yagi efapotufi yafatufi lolo hilete lipite yege filata nehabe.

Romu 2:29

Gufalo laga hu'ehina ni'ifi meni'ifi nohina bo komopa'a emagu Hu'mau le'mo bebe sose bo, ai lusi Yuta bo nohibe. Keya kauba ya'ma bomofihi komopa'agu le'mo bati mehu'ehinogo Hu'mamofihi Sikalafu'uba aisigo ana bomofihi le'mo bati hu'ehina. Ya hulata nohina bomofihi melugu bona'magi gi'a liyafa helata menehanaya, Hu'mau ai'asigo ana bomofihi fokehi hoto gi'a liyafa holata nohibe.

Romu 6:6

Koyapa'i hapati Kilisito hiti malipu yafalo fili'ehina ya'ma lali akeheli'ohune. Hena'mugope foipanauba lugufagu foya nolinamofihi amuya'a su ho letalibe. Ya hulenogo lali foipanamofihi kele kele yagapana'a aku'i meminaluta'mu yabe.

Romu 7:22

Nani Hu'mamofihi keya ka'amu komopa'nigu laga hina ni'ibe luto negelo nobube.

2 Koliti 10:1

Poluita nani ya'ma Kilisitohi fuluna'a hiti lehe'mose nasana'a hiti kumu luto lenegekesa lito lu lepilugi kehelilo. Kehelite nani kumu ya'ma lite lilata nehabe. Lalitoga oto minoto ai'a amuya'a hiti bo menohinaya kaga'a nagami'a hiti lu lepilata hu'ehina. Ya huloto buto minoto golagaguti kaga lu lepilata nohibe. Lenali ya nelabe.

2 Koliti 4:16

Lali ya hu'ehina'mu yabe luto kosele'i kasele'i mehone. Lugufati lagabu'i gilata nohinaya kana'amu kana'amu komopatigu lele'mo amuya hulata to kosaba'i asaga yupahi limilata nohibe.

Galesia 5:23

legeso huto limito minolatana lenugufamofihi laga lepesise'na kaba hilata nasana yanamo ni'ibe.

Efeso 4:2

Ya nehite komopatini lelite limite fulunagu minete agoya hite minete mineme bite kosele'i melepehenogo komopatini epite ai he'mago ai he'mago hite minalo.

Kolose 3:12

Lenali Hu'mamofihi bona'a nehabe. Ai keke'i nolu lepoloto lenele'mo'ehibe. Ya hu'ehinagi lenali fato bona kumu leniginaga fi epelete fulu hite enehe'mete agoya hite minalo.

Kolose 3:3

Lenali fili'ahana bona tegi hite nehite ma melugu ni'ina nasana'a he'mitetini Kilisito hiti Hu'mamofitoga lenemehatini mele'ahana yabe.

1 Tesalonika 4:11

To kaga mone ma luto lu lepi'ohuta yatai aku'i nolune. Hololu luto bila ela mehise fulu hite minete ka sipi boe bae melise legeso hite lamana hite minete fato bomofihi foya'amu mekehelise lenalitini foyatinimu kehelite minete lenalitini lenayahatinitu foya lite nalana'mu kehelite minalo.

2 Tesalonika 3:12

Bona'i ya hana'amagihi enali'i Sipi Bo Yesu Kilisitohi kagagu enegekesa lito ma luto lipoti nolu epolone. Enali laga hina hite eto eto hite minenogo foya'ani linogo legeya'a huto hinogo enali'anigati nalabe.

1 Timoti 2:2

To enali legeso hite fulu hite mono kagu bati hite minelenogo bona'magi kehelinogo bati hilibe lite enikibina bona'i to silaga'i kaba bona'ani kumu Hu'mau fi hetofa hu epalalibe lite aitoga bite nunumu lilabe. Ya luto lu epibo.

2 Timoti 2:25

Enali mono kamu'i kenasabo bi'ahana'amagihi ya'ma fulu huto enele'mo bebe salabe. Hu'mau ai'a enele'mo lito limilenogo komopa'ani li gelehe hite ka lamana'a keheli bebe salafihe lite ya hi epalalune'mu habe.

Taitasi 3:2

To bonakamagi fato bona'i mone'mofihi kaga li sibina mehise to luba sabo mehise minalabe luto lu epibo. Enali legeso hite minete asaga bona'magitoga komopa'anigu keheli bati hite enele'mo babahi hilabe.

Yemesi 1:21

Komopati filise'na to foipa nasana lilata'na yamofihi asaga'i he'mite Hu'mamofihi kaga'a komopatinigu molo'ehinamofihi li pili kete lilo. Hu'mamofihi kaga'auba lenubuto bilina nasana ni'ibe. Aimo agoya hi emilo.

1 Pita 1:23

Hu'mamofihi ka'a minoba minoba hu su mehalina kagauba lenali lenele'mo kosaba'i huto nohibe. Tatatigi filise'namofihi biha'a ya suhi huto ni'igopa Hu'mamofihi minoba minoba nohina bomofihi naga'a lolo hite neminabe.

1 Pita 3:15

Komopatini nokala hite le'mo bati hilenogo Kilisitou ai pa solata sipi bo lolo hu lepeleno. Ya hilenogo ai kaga'amu komopatinitu fifa ilata nehana yana'mu loka nehi lepelenogo keta mehuse hite hapa'a lu hokolo hu lepilune lite nelite le'mo bati hite minalo.