1 Pita 3:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To meha'a hiti minoto filite bi'ahana'amagi naga gegisagu nehana enalitoga Sikalafu'uba ho lifigo buto limito ka lamana'a lu epi'ehina yabe.

1 Pita 3:19 ပူးပေါင်းရင်းမြစ်များ

1 Pita 4:6

Yana'mu Kilisitou buto fili'ahana'amagihi ka lamana'a lu huto huto lu epi'ehinamo ni'ibe. Henabe lutobe? Enali'ya filise bona'magi asaga'i koyapa melugu minete enubu hiti mine'ehite ya hi'ahanamofihi hapa'animu Hu'mau kehelito guna moloto kaga'animu loko hu epolo'ehina yanamagi to enemeha'ani Hu'mamofihi kapolo nebite minoba minoba minolatana nasana mone lilabe luto lu epi'ehinamo ni'ibe.

Huto Hilina Ka 20:7

To kufu moneko tauseni su nehenogo Satahi ya'ma yatama keliguti gulu he etenogo aku'i ya'ma henetilube'mu hibe.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.

1 Pita 3:18

Kilisitou ai ana huto bo lamana'a mino'ehina bouba bo foipa'a lali kumu yabe luto fili'ehina. Ai Kilisitou asaga bona'magihi foipana'ani su halibe luto silaga bona'i foipana'ani'mu yabe luto kana'a moneko'i filigo su ho'ehina yabe. Yamofihi Hu'mamofitoga lenele'mo malalube luto lolo hu'ehina. Enali he'ahana'mu ai mega gufa'auba fili'ehinaya meha'a hetofa Sikalafu'uba le'mo mopo higo mino lito buto mino'ehina.

1 Pita 3:20

Ya'ma kene'magi enali koyapa'i Noau ai nagamilugu boti lolo huto nohigo ana kanagu Hu'mau komopa'agu fulu hilibe luto komopa'ani i gelehe hilabe luto geba huto minomo tigo kaga'a keheli he'mite pelesa ite mineme ti'ahana. Ya nehago boana'i 8, loe'asi nagamilugu nagu tite sifite mine'ahana. To Hu'mau enubuto bi'ehina'amagi enaligo mine'ahana.