1 Pita 3:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Kilisitou ai ana huto bo lamana'a mino'ehina bouba bo foipa'a lali kumu yabe luto fili'ehina. Ai Kilisitou asaga bona'magihi foipana'ani su halibe luto silaga bona'i foipana'ani'mu yabe luto kana'a moneko'i filigo su ho'ehina yabe. Yamofihi Hu'mamofitoga lenele'mo malalube luto lolo hu'ehina. Enali he'ahana'mu ai mega gufa'auba fili'ehinaya meha'a hetofa Sikalafu'uba le'mo mopo higo mino lito buto mino'ehina.

1 Pita 3:18 ပူးပေါင်းရင်းမြစ်များ

Matiu 27:19

Ya luto luloto Pailatiu ka foya nonugu kaba huto nominago liha'auba koko pana'aloga ma luto kaga malago ete lu emi'ahana: Kai foipana'a menina bomofihi gufalo ana'ina mone li huto mehubo. Nani yatai folugu'i ana hetofa bomofihi bamu'i bati mehina'a bu goloto'ni ai kumu nugufa'nigu sipi keta nebesi'ehibe.

Matiu 27:24

Pailatihi kaga'a asaga bona'magi ho fi telete luba li huto hilana suhi hago Pailatiu bu enogo'ehina. Ya hago ai silaga boana'i enubulo nagami'i liloto yaha'a sese nohuto ma luto lu epi'ehina: Ma bomofihi ho filise foipana kumu nani nugufalo metilibe. Ya asaga'na lenalitinilogagoko minalibe.

Yoni 16:10

Lamananamofihi hapa'amu lilenogo ma lite kehelilana'mu yabe, nani Afo'nifitoga i behe huto netinogo aliha'a mone'a hiti be menagalana'mu yabe.

Aposolo 22:14

To ai ma lu nimi'ehina: Hu'mau, tatatigihi kibinauba kaikamo kele'mo ho tibe. Kai ka'a kehelito mege'i malalane luto to ai'a hetofa agoya hu emi'ehina bo Yesuhi bu goloto to ai baga'aluguti nogo'a kehelilane luto kele'mo ho ti'ehina yabe.

Aposolo 3:14

Ai hetofa bo foipana'a meni'ina bomofihi lenali lenemegesa hu emi'ahana yabe. Ya hilete lenali fato bo moneuba bo mone ho fili'ehina ya'ma bo limibo lite Pailatihi kehe igo ai le'mo lepi'ehina yabe.

Romu 1:4

Ai fili'ehinogo aku Hu'mau fili'ehinaguti le'mo ho ti'ehina to sipi amuya'a hiti mino'ehina. Yana'mu ai Hu'mamofihi lusi pana'a nohibe luto hapa'a hetofana ni'igo lali bu goloto keheli'ohuta yabe.

Romu 4:25

To Yesu lali foipanati li he'mi letalibe luto Hu'mau ho lifigo oto fili'ehina. Ya hulago aku'i Hu'mau fili'ehinagati le'mo kosaba holoto lali kumu bebe sana bona'i lele'mo lolo hu'ehina yabe.

Romu 5:2

Yatai ya'ma fulunagu minoto keheli ule'ale huse'namofihi ai'a kapo li hokolo hu letago Hu'mamofihi lehe'mose'nagu ti'ohune. Ya'mu luto Hu'mamofihi fana mehenagu bilune luto bu mego'ohutana geba hu'ohuta legelo bito nohuto lilune.

Romu 8:11

To Hu'mamofihi Sikalafu'i Yesu fili'ehinaguti le'mo ho ti'ehinauba lenali komopatinigu nominenogomo ya'ma Kilisito le'mo ho ti'ehinauba komopatinigu minoto lenugufatini fililinalo kosaba'i le'mo huto hilina'mu yabe.

Romu 8:3

Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.

2 Koliti 1:24

To lenali keheliya ise'natinimofihi amuya melete nehabe, ya'ma keheli'ohutamo ni'inaya lenalitoga buto nani kibina bo lolo hilube luto mone melu'ohube. Fa'mene lenalitoga komopatinigu enegelo bilibe luto lenele'mo bati huto foya'a lilata nohube.

2 Koliti 13:4

Koyapa'i lama'naka luto ai legeso huto nohigo malipu yafalo he'ahanamo ni'ibe. Yatai ya'ma afo'afihi Hu'mamofihi amuya'a lito ho tito minomo buto nohibe. Lali ana huto ai hu'ehina suhi huto legeso huto nohutaya aitoga i hepiloto Hu'mamofihi amuyalo buto lifita ito minolata nohuta yamofihi hapa'a lenalitoga li huto hu lepiluna'mu yabe.

2 Koliti 5:21

Kilisito ai foipana'a meni'ina bo ya'ma Hu'mau lali kumu luto lali foipanati ai gupisa'alo molo eto'ehina. Hena'mube? Ya'ma lali Kilisito hiti i hepiloto Hu'mamofihi bulo fotogo huto minalune luto yamofihi lolo hu'ehina.

Galesia 1:4

Yesu ai afotifu Hu'ma ai kaga'alo ya'ma ho tilina kana'alo foipanauba lele'mo sibina nohinogo gulu ho letalina'mu yabe luto lali foipanati'mu yabe luto ya'ma ai'a gufa'a h'emi'ehina yabe.

Galesia 3:13

Ya huto ni'inaya keya kamomu'i lalitoga gumi'i ho'ehina'a kilisitou ai gupisa'alo li'ehina yabe. Ya huto keya kamofihi gumi'mofihi nagaluguti gulu ho leto'ehina yabe. Ananamomu'i mono bukugu ma luto ni'ina: Yafalo halana bomofitoga gumi'i tilibe. To Kilisitou ai lali kumu luto malipu yafalo fililoto ya'ma gumi'iloti lubuto bi'ehinagihe.

Efeso 3:12

Ai kumu luto keheli amuya moloto minototi aitoga hepito minenogoti kapo hokolo hu letenogo ya'mu keheli amuya moloto minoto lelesa melinogo nohuto Hu'mamofihi bulo bu nehetilune.

Taitasi 2:14

Ai ya'ma lali kumu yabe luto keke'i lu letoto foipana lito mino'ohuta yanaguti li he'mi letalibe luto minoto lito gulu gulu nehana bona'i lolo hilune luto ai'a yagapana'ago lele'mo eto hulenogo minoto hetofa hatofa nasanaloga mege'i amuya moloto minalune, luto keke'i lu letoto gufa'a he'mito fili'ehina yabe.

Hibulu 10:10

Ya hu'ehina'mu Hu'mamofihi ka'alo Yesu Kilisito kehelito gufa'auba kana'a moneko kanasigo mamufa gigo lali asaga'i foipanati li he'mi letoto komopati le'mo eto higo nohuta'a ya'ma aku'i mamufa ai'a gilina'mu yabe.

Hibulu 9:14

Ya hu'ehinaya Kilisitou ai ya'ma minoba minoba Meha'auba fi hele hu etago ai komopa'a hiti gufa'a hiti bati huto mino'ehina yamofihi Hu'mamofitoga hetofa mamufa gi emi'ehina. Ya hu'ehina'mu Kilisitohi golaha'auba komopatilo i kolo'ehinamofihi okala huto foipa foya he'mi letoto lele'mo bebe solenogo mino kosaba huse bo, Hu'ma aitoga agoya hu emito foya'a lilata nohune.

Hibulu 9:26

Yana'mu Kilisitou ai gufa'a komopa'a kana'amu kana'amu he'mi leto'ehina ni'itita ai me'mofihi lolo hu'ehina kana'a huto hu'ehinaloti ema'aga keke'i luse'i lito filito buba buba huto nesi'a meminotita'mu yabe. Ai'a ya'ma ya suhi hu emito Hu'mau molo'ehina kana'a su halube'mu nohinogo kana'a moneko'i ai'a gufa'a komopa'a nehe'mito foipanati su halibe luto huto hu'ehinamo ya'ma su ho lamana hibe.

Hibulu 9:28

Kilisitou ai ana huto kana moneko'i silaga bona'magihi foipana'ani ai gupisalo tigo he'mu kito Hu'mamofihi kuguhi koyo emiloto fili'ehina. Aku'i foipa nasana li su halibe luto ni'igopa aimofihi geba hite fifa ite minelata nehana bona'i Kilisitou enubuto bise foya aliha'a li su haluna'mu yabe luto aku'i kokulumaluguti limito huto hilube'mu hibe.

Yemesi 5:6

Lenali bati hite nehana bona'i enifisa ite ka foya epilete neenahago enali nona'a lenahalana'a hiti lenifitu falana'a hiti meni'ibe. Lenali yogo fe'noho bona'magi ya'ma ka kehelilo.

1 Pita 3:19

To meha'a hiti minoto filite bi'ahana'amagi naga gegisagu nehana enalitoga Sikalafu'uba ho lifigo buto limito ka lamana'a lu epi'ehina yabe.

1 Pita 4:1

Kilisito ai gufa'amo keke'i luse'namofihi gupisalo ti'ehina ni'inagi lenali ana suhi lolo hite lusa lite amuya lilo. Ya nehite ya'ma kehelilo. Moneubafi moneubafi ai gufa'amo keke'i luse'namofihi gupisalo tinogo nohilinauba foipa nasana li lalibe luto ekesa moloto minalibe luto lilune.

1 Pita 4:6

Yana'mu Kilisitou buto fili'ahana'amagihi ka lamana'a lu huto huto lu epi'ehinamo ni'ibe. Henabe lutobe? Enali'ya filise bona'magi asaga'i koyapa melugu minete enubu hiti mine'ehite ya hi'ahanamofihi hapa'animu Hu'mau kehelito guna moloto kaga'animu loko hu epolo'ehina yanamagi to enemeha'ani Hu'mamofihi kapolo nebite minoba minoba minolatana nasana mone lilabe luto lu epi'ehinamo ni'ibe.

1 Yoni 1:9

Ya hu'ehinaya to foipanati Hu'mamofitoga lu huto nohunogomo ai eto'ehina bo to faga melulata nohina bouba ai ka'a beto huto'a foipanati nokala huto asaga foipanati li he'mi leto su halina'mu yabe.