1 Pita 3:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Lenali bati suhi hite neminenogo kalana'i mele lepelenogo Hu'mau kehelinogo bati hinogo yauba tilina'mu yabe. To lenali foipana nelinogo kalana'i mele lepelenogomo yauba limilina'mu yabe.

1 Pita 3:17 ပူးပေါင်းရင်းမြစ်များ

Matiu 26:39

Ya luto luloto ai nesi'asi i gofa hoto buloto okabagati melugu koloto ma luto nunumu hu'ehina: Oho, Afo'niga, kai kekesa yigilata bati hinogomo, ma ekesa nagami'i nalunamofihi kohi li he'mi netobo. Ya hu'ehina kai nani'i nemege'i moloto ka'ni liyafa mehuto, kaika kemehuba hilina suhi hubo.

Matiu 26:42

Ya luloto Yesu i behe huto buto loe yupahi ma luto hu'ehina: Afo'niga. Ma kohi nanitogati i nebe silito mebinogomo nani nalube, ya hinogo'ni kaika kipagu ni'ilina suhi pa salibe.

Aposolo 18:21

Ya luto ka'ani pelesa iloto ma luto lu epi'ehina: Ai Hu'ma linogomo nani aku'i lenalitoga oto bu lenagalube. Ya luloto botigu tiloto Efeso hepa'i he'mito bu'ehina.

Aposolo 21:14

Ya luto ligo lali kaga lu emuta ya huto amuya nomalago o'e luto mekeheligo lali he'mito: Ana Sipi Boti molo'ehina'a huto huto hino, luto lu emi'ohuta yabe.

1 Pita 1:6

Lenali ya'mu lite lenegelo bite minelata hilo. To Hu'mau keheli'ehinogo kana'a tupa hilina yupahi keke'i luse'na'a fato fato'na guna malalina'mu yabe. Guna malalinamofihi gupisa'alo tite keke'i lite minete fa'mene lenegelo bite minalabe.

1 Pita 2:15

Lenali ya hilata nehana lamana'a lolo hilana yauba enabagalo hekini nolago lenali kumu negi nagi ka lilata nehana enabaga enele'mo fu li epalalabe luto ligo Hu'mau keheli molo'ehina.

1 Pita 2:20

To lenali kegeiyo hite minenogo osahi lepinogomo lenagabu gise'namofihi lite enipakafa mehese minenogo moneuba kiyi'afu keke'i lu lepalalibe? Ya mehilina'mu yabe. To lenali bati hite minenogo lenebe ligilina lenagabu gise nasana li lepinogo enipakafa mehese to kosele'i melenehenogo minalo. Ya hinogo Hu'mau kehelito hetofana hu lepalalina'mu yabe.

1 Pita 3:14

To lenali bati hite neminete to ginaga fise'namofihi gupisa'alo tilana'mu lenegelo bilo. Yamofihi Sipi Bouba keheli'ehinogo lenegelo bilana kehelilina'mu yabe. To luba li huto hu lepilinaya lenali nekehelite lenelesa nelinogo afoya foya meilo. To ana hite lenuluhaya metino.

1 Pita 4:15

Lenalitogati bo moneubafi moneuba ho filise'nafi to gumina huse'nafi to kegeiyo huse'nafi to hipa hipa huse'nafi to bona'magihi nasana'mu lubu gilipe ape nohutana'mufi ka foya li epelenogo naga nonugu keke'i lu laligihe.

1 Pita 4:19

To ya hu'ehina Hu'mau lu kehelinogo bati hulenogomo keke'i luse'na'animofihi gupisalo tilana bona'i enali komopa'ani'ya le'mo huto hulata bo Hu'mau ai'a ligo amuya mololata bomofihi kaga'amu fifa ite kaba huse'nagu mine lite tite lamana hite minalabe.