1 Pita 3:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Ya nehite kele'na ka lu meepise agoya hite lu enelepilabe. To enali kumu keheli sibina mehise, keheli bati hite lu enelepilabe. Ya nehinogo lenali kumu lu sibina sabana nehinogo Kilisito hiti mine melete hilana bati huto yauba bo ya'amagi enali faga fagalo bona'i enali hapa'ani huto hulenogo enubuya'ani'mu fililabe.

1 Pita 3:16 ပူးပေါင်းရင်းမြစ်များ

Matiu 5:11

To lenali nani'i nemege'i melete neminenogo luga'a bona'magi bu lenegelete enitaluga logo binogo foipa faipa ka li lepelete lenegene mane ite ka fato fato'mofihi lenalitoga lu nemelenogomo lenali lenegelo bilo.

Aposolo 24:16

Ya'mu luto asaga yupahi Hu'mamofihi bulofi to boana'magi enubulofi foipana mone li huto hu lalugi luto komopa'ni bati suhi huto minalube'mu keheli amuya moloto minolata nohuna.

Aposolo 28:22

Ya hu'ehina kai kabagakaguti lu hokolo huto lu limilata kaga lali kehelilune. Hena'mugope asaga boana'magi enabagaguti kehelutamo ya hite ya'ma naga'magi loko hite fato nehabe lite kaga foipa'a lana'asigo nokeheluta yabe.

Romu 9:1

Nani lusiga nolube. Nani Kilisitohi bona'a nohuto'ni faga menolube. To Hu'mamofihi Sikalafu'uba komopa'nigu nomina'auba lusiga nolane luto ai nelepi'ehina.

2 Koliti 1:12

Laliti'mu kehelutogo nesi'a tilata nohina. Ya'ma ya hu'ohuto'mu komopati lusiga noluto to lama'nakagu ya'ma metoga nohutogo komopatiuba nasana mone kumu li fitu falina'a meni'ibe. Lali Hu'mamofihi ka mekeheli'ahana bona'i enali enubulo ya suhi huto minoto mono ka kehelilata nehana bona'i lenali lenubulo bati huto minolata nohune. To lali metoga bona'magi kehelilata nehanalo amuya moloto bati huto mino'ohuta meni'ibe. Hu'mau lele'mago ai amuya'alo bati huto minolata nohune.

2 Koliti 4:2

Ya nohutoti foipana amuya'a hiti huto hu lalibe luto suguna huto sibi hapa'a lilata nasana lemegesa hu emiloto mone fagamofihi gupisalo minoto Hu'mamofihi ka'a li sibina hulata ya'ma ya suhi menohune. Lali Hu'mamofihi bulo ai'a ka'a lu aku toto ma'naka luto lu huto huto lu noleputogo bona'i asaga'magi lali hapati keheligo fu luto ni'ibe.

1 Timoti 1:19

Ya huloto keheli amuya moloto minoto komopakagu ya suhi ma supofihi ka'a foipa'a meminenogo mono foya lilane. Bona'i luga'a enali komopa'ani besa lenogo minalanamofihi ka'a ya'ma keheli he'mite to keheli amuya mololatana he'milete fenene hilune'mu hanaguti,

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

2 Timoti 1:3

Nigiko nagako bona'magi komopa'ani bati hu'ehigo i emi a emi hite Hu'mamofihi mege'i melete mine'ahana. To nani enali yagapana'ani nohuna bo ana suko huto Hu'mamofihi kele kele'i hu noetoto komopa'ni keta mehuse nohuna ya'ma kana'amu utehi etehi kai kumu kehelito minoto Hu'mamofitoga lulata nohube.

Taitasi 2:8

To mono ka ya'ma le'mo bebe soto lu epitogo yamofihi keheli mehe'mise mono kumu luba ka li limilata nehana enali lali kumu ka sibina'a li limilune'mu sa hilete enubuya'ani hinogo he'milabe.

Hibulu 13:18

Lenali lali kumu yabe lite Hu'mamofitoga kaga lite minalo. Lali eto huloto legekesa kehelise komopatigu bati higo keta huse'na meni'igo keheliya ito asaga yupahi eto huloto lito moloto hilune luto amuya mololata nohune.

Hibulu 9:14

Ya hu'ehinaya Kilisitou ai ya'ma minoba minoba Meha'auba fi hele hu etago ai komopa'a hiti gufa'a hiti bati huto mino'ehina yamofihi Hu'mamofitoga hetofa mamufa gi emi'ehina. Ya hu'ehina'mu Kilisitohi golaha'auba komopatilo i kolo'ehinamofihi okala huto foipa foya he'mi letoto lele'mo bebe solenogo mino kosaba huse bo, Hu'ma aitoga agoya hu emito foya'a lilata nohune.

1 Pita 2:12

Ya nehite Hu'mamofihi mekeheli'ahana bona'magihi komopa'ani legi mehinogo mino eto hite minalo. Ya hite nehinogo Hu'mamofihi mekeheli'ahana bona'magi kohe tete lenali kumu foipana lilata nehana bona'i nehabe lite lenifisa ite aku alihi to lenali bite folagaha'anigu minenogo to hapatini bati hinogo enali bu negenogo yata'a kehelise'na'ani he'mite lenali kumu Hu'mamofihi fokeha'a lilabe. Yesu Kilisitou nehetilina kanagu ya hilana'mu yabe.

1 Pita 2:15

Lenali ya hilata nehana lamana'a lolo hilana yauba enabagalo hekini nolago lenali kumu negi nagi ka lilata nehana enabaga enele'mo fu li epalalabe luto ligo Hu'mau keheli molo'ehina.

1 Pita 2:19

To kaba botini lenele'mo sibina hilenogo lenali Hu'mamofi kumu lite kehelite komopatini emilete fa'mene neminenogo Hu'mau ai keke'i luse'namofihi lenugupisalo ni'igo bu goto keheliloto lusa gi lepoloto lenele'mo bati hilina'mu yabe.

1 Pita 3:21

Ya suhi hago luga'a ya'ma mono nagamilugu lenele'mo bati hulata bo nohibe. Mono nagami'uba mega lugufa'a kolo tanana nokala hilina meni'ibe. Lali mono nagami'i nofoloto komopati Hu'mamofitoga nomoloto ai komopatigu nokala hinogo gulu gulu lilibe luto nagami'i fololata nohune. To ya huto lubuto bilibe luto Yesu Kilisitou fili'ehinaguti aku'i ho ti'ehina yabe.

1 Pita 4:4

To yatai ya'ma Hu'mamofihi mekeheli'ahana bona'i enali foipanamofihi komopa'agu sibi hapa'a fato fato'i napa hite lilete nehago to lenali enalitoga mehepise fa'mene neminago enali bu gete topa hete lenali kumu libe pigi bibe hite minelata nehabe.