1 Pita 3:14 - Ka Lamana'a Monoꞌi Lu Mu Tifiꞌehina Ka Yabe

¹⁴ To lenali bati hite neminete to ginaga fise'namofihi gupisa'alo tilana'mu lenegelo bilo. Yamofihi Sipi Bouba keheli'ehinogo lenegelo bilana kehelilina'mu yabe. To luba li huto hu lepilinaya lenali nekehelite lenelesa nelinogo afoya foya meilo. To ana hite lenuluhaya metino.

1 Pita 3:14 ပူးပေါင်းရင်းမြစ်များ

Matiu 10:28

Ma melugu lenugufa'a lenoho fililafa to lenemehatini hiti lenoho mefililana bona kumu'i koli mehilo. Lenali Hu'mau ai lenugufatini hiti to lenemehatini hiti loe sana sana sipi logo kapogu lenoho fililina bomofihi ai kumuko'i koli hi etete minalo.

Matiu 10:31

Ya hu'ehinagi lenali koli mehilo. Lenaliya lagaso nama babu lite nehanamagihi mina'ani enebe ligite nehabe, luto Yesu lu epi'ehina yabe.

Matiu 10:39

Bo moneuba gufa'a le'mo bati huto minalina ai meha'a he'mi mana hilina'mu yabe. To mone bouba nani kumu luto gufa'a he'mi yakalesa hilinauba ai meha'a li buto bilina'mu yabe, luto Yesu lu'ehina yabe.

Matiu 16:25

To bo moneuba ai'a gufa'a li buto bito koli koli huto minalina ai gufa'amofihi mino kosaba huse'na'a minigilina'mu yabe. To bo moneuba nani kumu luto gufa'a he'milina alihi ai gufa'amofihi mino kosaba huse'na'a aku'i lilina'mu yabe.

Matiu 19:29

To enali bona'i luga'amagi nani kumu lite enekesa yigilete noha'anifi enogona'anifi enetali'anigifi ito'anigi afo'anigihifi yagapana'anifi to foya'anifi he'milete nanitoga alanamagi enali anana'anilo babu lite lilana'mu yabe. To enali bati huto minoba minoba hepa'i lilana'mu yabe.

Maki 10:29

O'yo, to lusiga lu nolepunagi kehelilo. Bo moneubafi moneuba nani kumu luto to ka lamana'amofi kumu luto nasana'a he'milina bouba fa'mene minalifihe? O'e. Nani kumu to ka'nimu luto hepa'agati to me'agati he'mito, to gonamu tamu'amagi etali'agi afo'agi ito'agi he'mi epalalina bouba ai yatai ma melugu nohuto'a, to bona'magi kalana'i nehi etago nohuto'a ai asaga'na lilibe. Hepa'a hiti, me'a hiti, gonamu tamu'a hiti etali'agi hiti ito'agi hiti yagapana'a hiti yege yege'na lilibe. Yatai ma melugu nohuto lilina'mu yabe. To alihi yupahi, kokulumagu mino kosaba huse'na liloto to minoba minoba hilina'mu yabe.

Maki 8:35

To bo moneuba meha'a li pili koto minalina bomofi ai meha'a fenene hilibe. To bo moneuba nani kumu luto to ka lamana'a kumu luto meha'a nimilina bomofi, ai meha'a minoba minoba hilina'mu yabe.

Yoni 14:1

To Yesu pana'alobo'a ka lu epi'ehina: Komopatinigu koli mehilo. Lenali Hu'mamofitoga keheli ule'ale hite to nani'nitoga ana hite keheli ule'ale hilo.

Yoni 14:27

To nani he'mi lepoloto fuluna mone lepinogo'ni ya'ma fuluna'niuba lenalitoga minolata nohibe. Noto noto bona'magi fuluna'a epise'na ya'ma nani melepilube'mu, fato'na lepilube'mu nohube. Lenegekesa yigi yigi mehise to komopatinigu lenelesa linogo koli mehilo.

Aposolo 9:16

To nani kumu luto asaga gabu gise'na li gufalo molomo bilinamofihi nani'ni lepiluna'mu yabe luto Hu'mau lu'ehina.

2 Koliti 12:10

To Kilisito kumu yabe luto amuya memalaluna ni'ifihe? To nele'mobe hokobe hi netalana ni'ifihe? Keke'i luse'namofihi gupisalo minaluna ni'ifihe? To bauna fise'na to kalana'i melese'namofihi gupisalo minalunamo ni'ifihe? O'yo. Fa'mene yana'mu komopa'nigu keheli sibina mehu'ohube. Nani lapa mebi'ohunalo ya'ma ai'a amuya'a nimilago amuya mololata nohunagihe.

Filipai 1:29

Lenali ai kumu foya'a lilata nehanaya, Yesu Kilisitou lenele'mo'ehina hapa'a henana ni'ibe? Lenali Kilisitohi agoya hi etalabe luto to lenemehi emilabe lutofiye? O'yo. To moneko'i ai kumu yabe lite keke boke nasanamofihi gupisalo minalabe luto yabe.

Yemesi 1:12

Kalana'i nemele lepelenogomo fili tegi hite meminalana'a yamagi enegelo bite minalana'mu yabe. Fi taga hi epelenogomo su nehenogo yamofihi Hu'mamofitoga komopa'ani emite minalana bona'i epilube luto lu molo'ehina nasana yamofihi babeyafa'a minoba minoba huse'na liluta'mu yabe.

Yemesi 5:11

Keheli'ahafihe? Enali ule'ale hite lite mine'ahana bomu'i ya'ma Hu'mau lusa gi epolo'ehina bo yabe, luto lulata nohune. Koyapa bouba Yopu ai keke'i luto minoto kosele'i mehago mino'ehina'a akeheli'ahabe. Aliha'a ya'ma Sipi Bouba ana'ina lamana'a molo eto'ehina ya'ma akeheli'ahabe. Yana'mu Sipi Bouba lalitoga ginaga fito bu goloto komopa'a limito lele'mo hetofa hu letalinamo ni'ibe, luto kehelilune.

1 Pita 3:6

Koyapa a'uba Selau aiya ana suhi huto baha'a Abalahahi kaga'a keheli emito ai kumu kibina bo'ni yabe luto lu emito mino'ehina. To lenali ana'ina bati hite lolo hite anana'mu lenelesa melinogo minalana, ya hite ai'a yagapana'a lolo hite nehabe luto lu lepalalina'mu yabe.