1 Pita 3:13 - Ka Lamana'a Monoꞌi Lu Mu Tifiꞌehina Ka Yabe

¹³ To ya huto ni'igo lenali ana'ina lamanana bite li'ehinogo moneuba ana'ina foipa'a henabe luto lepilibe?

1 Pita 3:13 ပူးပေါင်းရင်းမြစ်များ

Romu 13:3

To bebe sete nehana bona'magi ana gamani bona'i kaba huse'na'amofihi koli mehilata nehabe. Kegeiyo huse bona'magi ana gamani kumu koli hilata nehabe. To lenali eto eto hite lamana hiti ana kaba bona kumu koli mehilabe. Ya bati hite minelenogo ana kaba bouba lenali kumu fokehi lilibe.

Romu 8:28

To lali mana akeheli'ohune, Hu'mau lu kehelise'namofihi bona'a enali kumu kehe igo bite aitoga komopa'ani emi'ahanamagihi ai asaga huto hilina kanagu hetofana hu epololata nohinagihe.

1 Koliti 14:1

Ya hu'ehina'mu lenali bona'i leniginaga fi epelete enehe'malune lite nelitemo amuya malalo. To analo'i Hu'mamofihi Sikalafu'a nolepina amuya luga'a lilune lite nelitemo amuya malalo. Ya hite nehite Hu'mamofihi bagaguti ka'a lu huto hilata nasana'muko kehelinogo tino.

Efeso 5:1

Lenali Hu'mamofihi yagapana'a laga besi'ehinana'a lolo hite nehanagi ai babeyafalo minalo.

1 Tesalonika 5:15

To foipanamofihi nona'amu yabe lite ai henogo ai henogo li muyalo li malo mehilo. Ya hu lalune lite lenalitogati to bona'i asagatoga ana'ina li lamana hu epalalune lite amuya melete minalo.

1 Timoti 5:10

Ai ya suhi huto lito moloto hu'ehina nasana bona'magi enali keheli'ahanamo ni'ifihe? Yagapana'a ketoto bati huto kaba hu epoloto komopa'a epi'ehinamo ni'ifihe? To aitoga bonoho bona'i e'ahago kaba hu bati hu epolo'ehinafihe? To ai'a limito minoto Hu'mamofihi yagapana'a luga'a enele'mo bati hu'ehinamo ni'ifihe? Ai bona'i ketanauba sibina hu epolo'ehina'amagihi enele'mo bati hu'ehinamo ni'ifihe? To bona'i mehi epito ya suhi ma suhi hu epolo'ehinamo hapa'a loka mika hu etetogo ana suko huto ni'inogomo gi'a fayahi pepagu kayalane.

Taitasi 2:14

Ai ya'ma lali kumu yabe luto keke'i lu letoto foipana lito mino'ohuta yanaguti li he'mi letalibe luto minoto lito gulu gulu nehana bona'i lolo hilune luto ai'a yagapana'ago lele'mo eto hulenogo minoto hetofa hatofa nasanaloga mege'i amuya moloto minalune, luto keke'i lu letoto gufa'a he'mito fili'ehina yabe.

3 Yoni 1:11

Nalalu'niga, nemehi nokumuna bose, kai bona'magi enali foipana lolo nehinogomo analo enemege'i memolobo. Ana'ina lamana'a lolo nehinogomo enemege'i malalane. Luga'amagi enali nasana lamana'a lelite nebinogomo enali kumu Hu'mamofitogati huto hi'ahana yabe luto kehelilune. Luga'amagi enali foipa nasana lelite nebinogomo Hu'mamofihi hapa'a bu go fe lite bu mege'ahabe luto ya'ma kehelilune.