1 Pita 2:6 - Ka Lamana'a Monoꞌi Lu Mu Tifiꞌehina Ka Yabe

⁶ Yamofihi mono bukugu kaga lite fayahi keye'ahana ma luto ni'inamo ni'ibe: Nani amuya kefahi mone mina'a tito ni'ina li gehe lito ale'mo'ohube. Yamofihi le'mo eto huloto Yiona melugu efaha'a lapusa nofugi bu galo. Ai kumu keheli amuya malalanamagi enubuya mehilina'mu yabe.

1 Pita 2:6 ပူးပေါင်းရင်းမြစ်များ

Matiu 12:18

Ya'ma lili'nalo bo'ni nohibe luto Hu'ma lu'ehina, ai nani'ni le'mo ho notube. Ai nebesina bo nohigo ai kumu'i nipagu bati hulata nohina pana'ni yabe. Nani Sikalafu'ni aitoga malaluna'mu yabe, to ai fato naga'magitoga hetofanaguti minosemofihi kagu lu epimofa'na hilina'mu yabe.

Maki 12:10

To ai ma luto ka mone hiti lu epi'ehina: Lenali mono bukugu ya'ma leka meso'ahafiye? Ma luto koyo'ehina ni'ibe: Lili'nalo bomagi ya'ma efapo bati mehina efahi yabe, lite he'mi'ahana.

Luku 20:17

Yalo Yesu enubu goloto ma luto lu epi'ehina: Kehelilo, hena kagauba ya'maguti mono ka fayahi ge'ahana ninagu hapa'a legeya'a huto hilibe? Ya'ma efapo lapusa'a lili'nalo bomagi bati mehina yabe lite li he'mi'ahana aku'i yatai yuhufa noto folaganugu lapusa finogo amuyana hetofana minalina'mu yabe.

Luku 23:35

Bona'i luga'a analo ho tite minete gili gili nehago Yuta kaba bomagi Yesuhi kiya hi etete yokolo ka lu etete ma lite li'ahana: Ai fato bona'i enehe'mo'ehina yabe. To ai lusiga luto kokulumaguti o'ehina bo, Mesiau, Hu'mamofihi pana'a nohutomo ai ai'a he'malibe. Enali ya lite bai'i emite mine'ahabe.

Yoni 7:38

Mono kagu Hu'mau ma luto fayahi go'ehina yabe: Mone kene'uba nani'i keheli pili kalina ai komopa'aguti mino kosaba huse nagami ipi opohi lagalina'mu yabe.

Aposolo 1:16

Nogonamu tamu'nimagita lenali kehelilo. Koyapa'i monolugu fayahi mone nina Sikalafu'uba Tebitihi bagalo lu huto hu'ehina yabe. Ai Yutasi kumu lu'ehina, ya'ma bouba ai Yesuhi halana bona'magihi kapo'ani li hokolo hilina'mu yabe. Ya lite fayahi ge'ahana ana suhi ahu'ehibe.

Romu 10:11

Yanamofi kumu enali mono bukugu fayahi keye'ahana: Bona'i moneuba Hu'mamofitoga keheli ule'ale huto komopa'a emiloto lesa meluse hetofana huto minalibe.

Efeso 1:4

Ai ya'ma koyapa kana me'mofihi ana'ina huto mehu'ehigo nani naga'i lolo hilabe luto lele'mo'ehibe. To lali kumu yabe luto Kilisitou ho lifinogo lele'mo eto hinogo foipanati meminenogo to sibina mone laliti meni'igo gobisalo minalabe luto lele'mo'ehina yabe.

Efeso 2:20

Ya huto ni'igo lali Hu'mamofihi bona'i asaga'i nopo tegi huto nominone. Enali aposolo bo to Hu'mamofihi ka lu yege hose bona'i enali lukesa'a lolo hite nehago yamagihi enugupisalo lele'mo malago minomo buto nohune. To Yesu Kilisito ai nohi ya'ma lapusa'a lolo huto nohibe.

2 Timoti 3:16

Mono'i lataha'a buku silaga'i ya'ma Hu'mau enele'mo bati huto komopa'ani enele'mo babahi higo li huto hi'ahanamo ni'ibe. Yanaguti leka soto nokehelugo mono kamofihi hapa'a lelepi bebe solata nohibe. Ya nohuto legekesa lito minoba minoba huto nohibe. To faga nolutogo lele'mo kapo lamana'alo mololata nohibe. To sibina nohutogo ai ka lemekilata nohibe. To legekesa lito lele'mo bebe solata nohibe. To bebe soto minoto lito hilutamofihi kapo nolelepito lele'mo bebe senogo,

1 Pita 2:4

Lenali Sipi Boti mino lito buto minolata nohina efahi legi huto nohibe. Bona'magi bu ge he'migo Hu'mau keheligo mina'a hiti tigo yauba le'mo'ehibe. Ya higo lenali aitoga bite hepilo.

1 Pita 2:8

To mono bukugu fayahi mone ma luto ni'ibe: Ana efatoti i kusulu bite limilana'mu yabe. To ana efapolo ho kete enahalina'mu yabe. Ana kaga keye'ahanamofihi hapa'a ya'ma ni'ibe. Bona'i enali Hu'mamofihi ka'a keheli he'milata nehana enali kusulu bite limilana'mu yabe luto lu'ehinamo ni'ibe. Ya hite bite, ya suhi hilata nehabe luto Hu'mau ya'ma lu molo'ehina yabe.

2 Pita 1:20

To kana'a mone ya lite kehelite keheliya ilo. Lu huto hu'ehina ka mone mono bukugu fayahi keye mele'ahana yamofihi hapa'aya bona'i luga'amagihi enali komopa'aniguti kehelilete nelanamofihi meni'ibe.

2 Pita 3:16

Ai fayahi koyoto koyo'ehina kana'alo kana'alo ana huto ya'mu lu lepito mino'ehinamo ni'ibe. To ai fayahi koyo'ehina'agu kaga luga'a yamofihi hapa'agu keta'a hiti ni'ibe. Kaga yamofihi bona'i negi'amagi to mono kagu lapa mebi'ahanamagi legitaga ka nelana lu hokolo lepalalune lite faga lilata nehago ai fayahi koyo'ehina'asigo meminabe. Mono bukugu ka luga'a ana hite enali li sibi saba hite enali'ani haya kelelata hi'ahana kapogu nebite ya suhi hilata nehite fenene hilabe.