1 Pita 2:24 - Ka Lamana'a Monoꞌi Lu Mu Tifiꞌehina Ka Yabe

²⁴ Lali foipanati yauba ai gupisalo tigo ai'a he'mu kito malipu yafalo fili'ehinamo ni'ibe. Lali foipana lilutana'mu filise bona'i suhi huto mopo mehuse'na minoto bati bati huto minolatanamofihi minete lite hilabe luto fili'ehinamo ni'ibe. To ai fuhe'a li'ehinaloti'i komopatini le'mo kosaba hu'ehinamo ni'ibe.

1 Pita 2:24 ပူးပေါင်းရင်းမြစ်များ

Matiu 27:26

Ya lite lago Balabasihi gulu ho etoto le'mo epi'ehina. Ya huloto Yesuhi naga osatu bi yigiloto ho etalo luto gimi bomagi malipu yafalo halabe'mu enali enayanuga epi'ehina yabe.

Matiu 5:20

Ya hu'ehina nani lenekesa nobube. Lenali Hu'mamofihi laga besina suhi hite hetofanaguti minalanauba Felosi bona'i hiti to keya kaga enelepise bona'magihi hapa'ani enebe liginogoko lenali kokuluma kapolo nehetilana'mu yabe luto Yesu lu epi'ehina yabe.

Matiu 8:17

Ai ana huto hu'ehinagi koyapa'i Aisaiyau bu go'ohuto kaga molo'ehina: Ai lebesise'namo li he'mi leto'ehibe. Ai lugufati sibina hu'ehinanamo aigoko'i kofito bu'ehina.

Maki 15:15

Ya lago, Pailatiu komopa'ani le'mo fulu hilube luto Balabasihi le'mo he'mi eto'ehina yabe. To yalo Yesu kumu kaga ligo, gimi bo'amagi naga osatu heba heba hi'ahabe. To le'mete bite malipu yafalo halo luto lu epilago, gimi bomagi le'mete bi'ahabe.

Luku 4:18

Sipi Bomofihi meha'a nani hiti ni'ibe. Ai ka lamana'a feno'ha'ani menina bonatoga leli'ali hubo luto nele'mo ho ti'ehina yabe. Ai kaga ya'ma luto lubo luto noho lifi'ehina yabe. Lenali naga'i li'ahana bona'i he'mite fa'mene bilo. Lenali lenubu metepu i'ehina bona'i lenubutini i fana talibe. To lenali sipi ketana li'ahana bona'i bati hite minalabe.

Yoni 1:29

Eteka'a Yesu Yoni nohinalo ago bu goloto ma luto lu epi'ehina: Malo Hu'mamofihi sipisipi yaga nala'a nohibe. Ai asaga noto noto bona'magi foipana'ani li he'mi noepololata nohibe.

Yoni 19:1

To lite nehago Pailatiu kehelito Yesuhi le'moto buto gimi bona'i naga osatu biyigiloto ho etalo luto ligo enali ho ete'ahana.

Aposolo 10:35

Ai'i agoya hu emite bebe sana suhi hilata nehana bona'i asaga'i nupa bofi safa bofi Hu'mau keheli bati hu epololata nohibe.

Aposolo 10:39

Asaga'na Yuta kegi'afi to Yelusale hepatogafi Yesu li huto hu'ehinanamofihi kaga lali bu go'ohutamo lu yege nohone. Enali malipu yafalo ho fili'ahana yabe.

Aposolo 13:29

To mono kagu ai kumu lu'ehinamofihi enali asaga'na li huto hi etelago Yesuhi bona'magi malipu yafaloti le'mo lago limite muligu he'mi ete'ahana yabe.

Aposolo 5:30

Lenali Yesuhi malipu yafalo hu so kilete malipu yafalo ho fili'ahana lali tatatigi Hu'ma'anifu ai aku'i le'mo ho ti'ehina yabe.

Romu 6:11

Ya'mana suhi lite lenalitini afili'ohune lite lilanauba foipanamofihi kele kele hu meminalana'mu yabe. Lenali Yesu Kilisito hiti hepite minete Hu'mamofihi mino kosaba huse'na limi'ehinalo minaluna'mu yabe.

Romu 6:13

To lenali lenugufatini mone kegi'a foipana lili'nalo memalalo. Ma'naka, lenali asaga komopatini hiti lenekesa yigise'na Hu'mamofitogago molo emilenogo foipanamofihi fili'ahanagati ho ti kosaba hite minalana suhi huto yabe. Asaga lenugufatini komopatini Hu'mamofitogago eminogo ai lili'na'a hetofanamofihi li huto hilibe.

Romu 6:16

Lenali mekeheli'ahafihe? Bo mone'mofihi lenali lenugufatini emilete baga liyafa hilana lenali koko pana'a lolo hite minalabe. Lenali foipanamofihi koko pana'a minelete ananalo filisemofihi lilana'a huto ni'ibe. To lenali ya mehitemo ka lamana'a mege'i molosemofihi koko pana'a minelete yanaloti mino bebe sosemofihi hapa'a lilana to Hu'mamofihi gobisalo minalabe.

Romu 6:2

O'e, ya huto meni'ibe. Lali foipana'mu fililata suhi huto foipana lisemofihi ahe'mi su ho'ohune. Henabe luto aku foipana liba liba huto minalune?

Romu 6:22

Yatai Hu'mau foipanamofihi naga'i gulu ho lepoloto ai'a koko pana'a lenele'mo lolo hu'ehina. Ya higo legeya'a ya'ma ni'ibe. Lenali lenemehatini aitoga emite minelete alihi mino kosaba huse hepato tito minoba minoba hite minalabe.

Romu 6:7

Bo mone fililenogo foipa hapa'amofihi amuya molo'ehina ya'ma asu halina'mu yabe.

Romu 7:6

To yatai keya ka nagaluguti Hu'mau gulu ho leto'ehina. Lali koyapa hapa'a keya kalugu koyo'ehinamofihi hapa'amu fili'ohuto yuhufa hapati li moloto nohune. Koyapa keya kamofihi foya'amo melise nohuta yuhufasi Sikalafu'i mege'i moloto foya'a nolune.

1 Koliti 15:3

Mono ka tito ni'ina ka'a lu nimi'ehina'asigo lenali'i lu lepito ma luto lu lepi'ohube: Kilisitou lali foipanati'mu fili'ehina ya'ma mono bukugu ai ana hilibe lite koyapa'i emasana keye'ahanamo ni'ibe.

2 Koliti 6:17

Yamu'i Sipi Bo ai ma luto lu'ehinamo ni'ibe: Nanitoga mekehelise neminana'a he'mi epelete foto'i minalo. To nani lu laga hu'ehinamofihi bati mehina nasanalo ya'ma li mekehelilo. Ya hilenogo nani'ni kaba hu lepoloto lenele'mo hetofa hilube'mu hube.

Galesia 3:13

Ya huto ni'inaya keya kamomu'i lalitoga gumi'i ho'ehina'a kilisitou ai gupisa'alo li'ehina yabe. Ya huto keya kamofihi gumi'mofihi nagaluguti gulu ho leto'ehina yabe. Ananamomu'i mono bukugu ma luto ni'ina: Yafalo halana bomofitoga gumi'i tilibe. To Kilisitou ai lali kumu luto malipu yafalo fililoto ya'ma gumi'iloti lubuto bi'ehinagihe.

Efeso 5:9

Fana mehenamofihi legeya lamana'a ya huto hulata nohibe. Komopatini lamana'a hiti minose'na to fotogo huto minolatana to ka lamana'a lulatana yabe.

Filipai 1:11

To ana kanagu Yesu Kilisitou lenehe'menogo komopatini bati bati hite minelenogo bona'magi bu lenegete yege nofune lite Hu'mamofihi fokeha'a lilana'mu yabe.

Kolose 2:14

Ai foipanati li he'mi leto'ohuto'a to lali asaga keya ka mege'i memolose sibina hu'ohutana fayahi go'ehina ya'ma ka foya melilube luto fi sibi huloto Yesuhi hiti malipu yafalo nili ho'ehina ni'inagihe.

Kolose 2:20

To lenalimoya ma melugu bona'magihi hapa'aniguti ali gulufe su he'ahana. Kilisitou hiti ana hapamu'i afili'ahana yabe. Ya hi'ahanaya lenali ya'ma melugu bona'magi hapa'ani henabe lite aku'i mege'i nemalabe?

Kolose 3:3

Lenali fili'ahana bona tegi hite nehite ma melugu ni'ina nasana'a he'mitetini Kilisito hiti Hu'mamofitoga lenemehatini mele'ahana yabe.

Hibulu 10:10

Ya hu'ehina'mu Hu'mamofihi ka'alo Yesu Kilisito kehelito gufa'auba kana'a moneko kanasigo mamufa gigo lali asaga'i foipanati li he'mi letoto komopati le'mo eto higo nohuta'a ya'ma aku'i mamufa ai'a gilina'mu yabe.

Hibulu 10:5

Ya hu'ehina'mu ya'ma Kilisitou melugu ma'asi limilube'mu nohuto afo'afihi lu emi'ehina ka'a ya'ma mono bukugu ma lite fayahi keye'ahanamo ni'ibe: Kuguhi koyo epilata ya'ma fato fato'mofi kumu lagaka mekebesigo ananamofihi kibita mehu'ehina. Ya hu'ahataya, nugufa lolo huto le'mo hetofa hu'ahatamo ni'ibe.

Hibulu 12:13

Mono'mofihi kapogu bilune'mu nehitemo lenigi sibina hu'ehina'a mine'ahana sibina hu su ho laligi aku'i molo emilenogo bati huto ye kolenogo Hu'mamofihi kapogu le'mo fotogo hilete humofa'na hilo.

Hibulu 7:26

Yesu ya'ma lali'i mamufa gi leto'ehina bo sipi'a nohinagi lele'mo bati hulata nohina bo nokehelune. Ai pa sose foipana meni'ina komopa'a fi fana tago lamana bo ai foipana nasana lilata bo enali tegi huto menohibe. Laga huto pa solata nohina bo Hu'mau le'mo saga hu'ehigo kokuluma ifo'alo be ligi su hoto nominana bo minalina'a huto minolago bati huto ni'ibe.

Hibulu 9:28

Kilisitou ai ana huto kana moneko'i silaga bona'magihi foipana'ani ai gupisalo tigo he'mu kito Hu'mamofihi kuguhi koyo emiloto fili'ehina. Aku'i foipa nasana li su halibe luto ni'igopa aimofihi geba hite fifa ite minelata nehana bona'i Kilisitou enubuto bise foya aliha'a li su haluna'mu yabe luto aku'i kokulumaluguti limito huto hilube'mu hibe.

Yemesi 5:16

Hu'mau lele'mo ye kalibe lite nelitemo foipanatini ai he'mi etenogo ai he'mi etenogo lu hokolo hite Hu'mamofitoga lilo. Bati hite minalana bona'magi Hu'mamofitoga loka hete ya'ma ana'ina lamana'a lilana'mu yabe.

1 Yoni 2:29

Hu'mau bebe salata nohinalo nohibe lite lenali keheli'ehilanamo ya'ma to enali fotogo suhi hite minalata nehana bona'i enali Hu'mamofihi yagapana'a nehana yabe luto anokehelune.

1 Yoni 3:7

Palala'ni pana'nise, mone'amagi ete laga mehina ka ya hilo lite lu lepinogo ka'ani mekehelilo. Kilisitou ai mino fotogo huto minolata nohinagi to bona'i luga'amagi ana suhi hite bati hina suhi hilata nehinogomo enali kumu ya'ma fotogo hite neminana bona'i yabe luto lilune.

Huto Hilina Ka 22:2

hepa'mofihi kapo folaganugu nomobina. To nagami'i luga luga amuya moloto oto minolatanamofihi yafalo nohina yamofihi legeya'a bona'i nelenogo gufa'ani minoba minoba huse'na ya'ma suhi huto fato fato'mo legeya'a 12 ikahi go'i lu etana lu etana kanalo legeya'a hoto luya'i lolata nohibe. Noto noto bona'magi ana yafamofihi haya'a ya'ma gufa'anilo felete minete bati hilune'mu habe.