1 Pita 2:23 - Ka Lamana'a Monoꞌi Lu Mu Tifiꞌehina Ka Yabe

²³ Enali huli ka lu emilago ai ka nona'a lu meepi'ehinamo ni'ibe. To osahi emilago ai enipakafa mehose fa'mene minoto kaga'ani loko hilina bo, Hu'ma ai bati hu epololata bo, aitoga mino moloto fifa ito mino'ehinamo ni'ibe.

1 Pita 2:23 ပူးပေါင်းရင်းမြစ်များ

Luku 23:41

Enali le'ali'i le'ahanaya bati hite nele'ahabe. Le'ali bati mehina suhi li huto hu'ohu'ina hapati'amu lite bati hite nele'ahabe. Ya hu'ehina ai ya'ma bouba kegeiyo huto foipana li huto mehu'ehina bo nohibe.

Luku 23:46

To Yesu sipi kehe mone'a hiti iloto ma luto lu'ehina: Afo'niga. Kai kayanugu nemeha'ni nomolobe. Ai ya luto luloto afili'ehina yabe.

Luku 23:9

Ya higo Helotiu Yesuhi kaga babu luto fato fato'i loka ho'ehina yabe. To Yesu Helotihi kaga'alo nona'a lu meemise mino'ehibe.

Aposolo 17:31

To ai asaga melugu bona'i ka foya liloto guna ilube luto limilina kana'a molo eto hu'ehibe. To ai ya'mana lili'na lilibe luto bo mone le'mo ho ti'ehinauba guna i epalalibe. Ai ana bo fili'ehinagati le'mo ho tilotomo ya'mana asaga bona'i enelepigo be gete keheli'ahabe.

Aposolo 4:29

Oho, Sipi Bo, amuya kaga asaga'i li'ahanamofito kai yatai kehelibo, ya huloto lali kai koko pananaka lehe'mobo. Ya hu'ehitogo lali amuya moloto koli mehuse kai kagaka lu yege ho ketalune.

Aposolo 7:59

Ya hilete efaha osahi Sitifenihi gufalo ite mine'ahana. To Sitifeniu ma luto nunumu hu'ehina: Sipi Bo Yesu, kai nemeha'ni libo.

Aposolo 9:1

To Soliu Hu'mamofihi boana'a aitoga komopa'ani emite mino hetofa hi'ahana enoho fililube luto lusiga lu'ehina. Ya huloto sipi mono nohi kaba bo'a nohinalo bu'ehina.

Romu 2:5

Kai komopaka ule'ale huto higo Hu'mamofihi kaga mekehelise nohatogo foipanaka munu munu suhi huto hilibe. Ya'mu'i Hu'mau ka foya malalina to kaga loko hilina yupahi noenogo ai bona'magihi sipi enipakafa enohoto to kai hiti osahi kimilina ya'ma huto hilinagi bu galune.

Efeso 6:9

To lenali hiti bona'i lenali koko yagapanatinimagihi ana hite keheli bati hi epelete ana suhi hite enehe'mete luba ka lu meepilo. Ya nehite ma lite kehelilo. Koko yagapanatini hiti to lenali hiti ya'ma kokulumagu Sipi Bo afotinigu moneko'i nohibe. Ai enigihiti bona'i to enigi menina bona'i moneko legege nehabe luto kehelito bona'i silaga'i kaba hulata nohibe.

2 Tesalonika 1:5

Lenalitoga lenugupisalo leniginaga fise'na huto nohinamofihi hapa'a yana'mu ma luto lilune. Hu'mau keheli fotogo huto ka foya lilina kana'agu lenali kumu keheli bati hinogo lenele'malina'mu yabe. Lenali ai'a kapo'agu bi falalana'mu kaso'a hiti nasanamofihi gupisalo lenali hiti nehabe.

2 Timoti 1:12

To nani keke'i luse'na kehelilatana yamofihi nugupisalo tilata nohina yana'mu nubuya'ni menohibe. Nani nokehelugo amuya molo'ohuna bo ya'ma keheli'ohube. To negekesa loegu mekehelise ya'ma luto keheli fe nolube. Hu'mau amuya afo'afu nohinaya komopa'ni emi'ohuna. Ya'mu kaba hu netoto nobibe. To nani emi'ohunana ya'ma kaba huto buto kana'a molo'ehina huto hilina'mu yabe.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.

Hibulu 12:3

Foipa nasana lilata bona'i kegeiyo hite ita bi'ahana enali ya suhi hi emigo ai keheli he'mito amuya molo'ehina. Lenali ai kumu keheli emite kosele'i meleneheno. Komopatini hekini lo laligi ai'i li pili kalo.

1 Pita 3:9

Ana'ina foipana lelite tinogomo lenalitinigo fililata nasana foipana lelite metilo. Lenali lube laga hibe nehinogo lenaliya nona'a meepise bebe sose ka lu epilo. To lenali ana hite lusa gise ka lilabe luto Hu'mamofihi elesa molo'ehinamo ni'ibe.

1 Pita 4:19

To ya hu'ehina Hu'mau lu kehelinogo bati hulenogomo keke'i luse'na'animofihi gupisalo tilana bona'i enali komopa'ani'ya le'mo huto hulata bo Hu'mau ai'a ligo amuya mololata bomofihi kaga'amu fifa ite kaba huse'nagu mine lite tite lamana hite minalabe.

Huto Hilina Ka 19:11

Ya noligo nani nubu bu golago buto kokuluma hokolo nohigo hosi yaga koholi mone bu go'ohuna. Ya nohugo megesa'alo mino'ehina ai gi'a keheli ule'ale huse lina'a huto minolata hu'ehina to lama'na ka lulata hu'ehina yabe. Ai kaga'ani loko hilata foya to luba'a hiti foya li sibi mehuse fotogo huto bo lilata nohibe.