1 Pita 2:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To kaba botini lenele'mo sibina hilenogo lenali Hu'mamofi kumu lite kehelite komopatini emilete fa'mene neminenogo Hu'mau ai keke'i luse'namofihi lenugupisalo ni'igo bu goto keheliloto lusa gi lepoloto lenele'mo bati hilina'mu yabe.

1 Pita 2:19 ပူးပေါင်းရင်းမြစ်များ

Luku 6:32

To bo moneuba kaitoga ipa'a nokiminogo to kai ana bomofihi kipa'a ana huto emilata aliha'a hetofa bo nohube luto kofokehi lilifiye? To bo foipa'amagi hiti enipa epina bona'magi ana hite enipa epilata nehabe.

Yoni 15:21

Noho lifi'ehina bomu'i keheli fe meli'ahana ya'mu nani nigi'ni lenalitoga ni'ina'mu yabe lite ya hi lepalalune'mu habe.

Aposolo 11:23

Banabasiu ana hepato buto henetiloto Hu'mamofihi boana'a bati hite nehago bu enogoloto gelo sipi biloto bati hite nehanagi ana suhi lite fulunaguti koguna ite asaga komopatini Sipi Bomofitoga emite mino mana hilo luto enogo'na bi'ehina yabe.

Romu 13:5

Yana'mu lenali gamani bona'magihi kaga kehelite mege'i malalanamoya hena'mube? Hu'mamofihi ita bise'na lenalitoga huto hu laligi gamanimofihi kaga'a mege'i melenogomo komopatinigu fulu huto bati hilibe.

1 Koliti 15:10

Nani aposolo lolo huto nani hapa'ni fato fato huto ni'ina yamofihi Hu'ma komopa'a hokolo hina bouba lu netago lolo hu'ohube. To ai komopa'a bati hina bouba aposolo lili'nalo nele'mo malago fa'mene lolo mehube. Nani foya li'ohuna yamofihi aposolo luga'a enebe ligito li'ohuna yabe. To nani hena'niloti lutine? Hu'ma komopa'a bati hinauba nanitoga minago li'ohube.

2 Koliti 1:12

Laliti'mu kehelutogo nesi'a tilata nohina. Ya'ma ya hu'ohuto'mu komopati lusiga noluto to lama'nakagu ya'ma metoga nohutogo komopatiuba nasana mone kumu li fitu falina'a meni'ibe. Lali Hu'mamofihi ka mekeheli'ahana bona'i enali enubulo ya suhi huto minoto mono ka kehelilata nehana bona'i lenali lenubulo bati huto minolata nohune. To lali metoga bona'magi kehelilata nehanalo amuya moloto bati huto mino'ohuta meni'ibe. Hu'mau lele'mago ai amuya'alo bati huto minolata nohune.

2 Koliti 8:1

Nalalu'nigita, Masetonia hepatoga agoya hi emise bonatoga Hu'mamofihi he'mose'nauba lamana'a lu huto hu'ehina yamofihi lu lepilube.

2 Timoti 1:12

To nani keke'i luse'na kehelilatana yamofihi nugupisalo tilata nohina yana'mu nubuya'ni menohibe. Nani nokehelugo amuya molo'ohuna bo ya'ma keheli'ohube. To negekesa loegu mekehelise ya'ma luto keheli fe nolube. Hu'mau amuya afo'afu nohinaya komopa'ni emi'ohuna. Ya'mu kaba hu netoto nobibe. To nani emi'ohunana ya'ma kaba huto buto kana'a molo'ehina huto hilina'mu yabe.

Hibulu 10:2

Hu'mamofihi lipi emilata nehana bona'i ya'ma mone'na komopa'ani li gulu ligo lu epolo'ehinalo ni'itita komopa'anigu foipana'ani meni'igo minatita'mu yabe to asaga kuguhi lokiya fi emilata'na ya'ma he'mitita'mu yabe.

1 Pita 2:20

To lenali kegeiyo hite minenogo osahi lepinogomo lenagabu gise'namofihi lite enipakafa mehese minenogo moneuba kiyi'afu keke'i lu lepalalibe? Ya mehilina'mu yabe. To lenali bati hite minenogo lenebe ligilina lenagabu gise nasana li lepinogo enipakafa mehese to kosele'i melenehenogo minalo. Ya hinogo Hu'mau kehelito hetofana hu lepalalina'mu yabe.

1 Pita 4:15

Lenalitogati bo moneubafi moneuba ho filise'nafi to gumina huse'nafi to kegeiyo huse'nafi to hipa hipa huse'nafi to bona'magihi nasana'mu lubu gilipe ape nohutana'mufi ka foya li epelenogo naga nonugu keke'i lu laligihe.