1 Pita 2:13 - Ka Lamana'a Monoꞌi Lu Mu Tifiꞌehina Ka Yabe

¹³ Lenaliya, ma metoga nehana kaba bo fato fato'mofihi nehabe. Ya'mu lenali Sipi Bomofi kumu yabe lite koko'i hi epite minalo. Mone sipi gihiti bouba ai asaga kaba bomagihi enebege ligito minomo tito nohibe. Aimo agoya hi emilo.

1 Pita 2:13 ပူးပေါင်းရင်းမြစ်များ

Matiu 22:21

Sipi Lomu kaba bomofihina'a ni'ibe, li'ahana. Ya nelago Yesu ma luto lu epi'ehina: Ya hinogomo Lomu kaba bomofihi nasana'a emilo, to Hu'mamofihi nana'aya Hu'mamofitogago emilo, luto Yesu lu epi'ehina yabe.

Maki 12:17

Ya ligo, enali: Sipi kaba bo Sisahi meha'a yabe, lite lago ai ma lu epi'ehina: Ya. Ana, Sisahi nasana'a Sisahi emilo. To ana huto Hu'mamofihi nasana'a Hu'mamofihi emilo. Ya ligo, enali hetofa ka nona'a epi'ehinamofi hiti to ai kumu topa hete ka melise fa'mene mine'ahana yabe.

Luku 20:25

Ya luto enoloka hago enali sipi bo Sisahi gi'a hiti okaba'a hiti ni'ibe li'ahana. Ya lago Yesu lu epi'ehina: Sisahi nana'a Sisahi emilo to Hu'mamofihi nana'a ya Hu'mamofitogago emilo.

Efeso 5:21

Lenali Kilisito kumu keheli emite minete ai agoya hu emigo ai agoya hu emigo hite minalo.

Taitasi 3:1

Kai kagagu mine'ahana bona'i ya'ma kaga'a ma luto aku'i li kosaba huto ma luto lu epibo. Enali sipi kaba bo'ani to gamanimagi hiti agoya hu epelete ka'ani kehelilabe. Ya hilete enali'ani'mu hetofa foya'a fato fato'mofihi asaga'i ni'ina babahi hite lilabe.

1 Pita 2:17

Lenali silaga bona kumu keheli bati hite keheli epilo. To Hu'mamofihi ka keheli nehanamagitoga komopatini epilo. To Hu'mamofi kumu koli hite aitoga agoya hi emilo. To ma metoga gihiti bo'mu keheli bati hite minalo.

2 Pita 2:10

Bona'i enali'ani komopa'aniguti moko foya sipi higo kolo tanana hite kaba bomofihi ka'a kehelite mege'i melelata nehana bona'i enali'i Hu'mau enele'mo motito amuya naga'i epilina'mu yabe. Ya'ma faga nelana babafi bona'i enaliya enelesa meligo amuya melete minete kokulumagu neminana kene'magi enali kumu koli mehise nehite enigi'ani le'mo sibina sabana hilata nehana yabe.