1 Pita 2:11 - Ka Lamana'a Monoꞌi Lu Mu Tifiꞌehina Ka Yabe

¹¹ Nigibo nalalu'nigita, nani lenegekesa lito lu lepilugi kehelilo. Lenali Hu'mau kokulumagu nohina bomofihi naga'i nehanagi ya'mu ma metoga bonoho bo suhi hite to ka'i logo lili bo suhi hite minetetini lenugufatini laga lepesilatana nohina yauba komopatini luba li emilata nasanaya he'milo.

1 Pita 2:11 ပူးပေါင်းရင်းမြစ်များ

Luku 21:34

Ya hu'ehina lenali kaba hu bati hilo. Lenali asaga yupahi amuya nagami'i nelete negi nagi ne lalabe. Lenali lenugufalo'namu'i lenekesa yigiba yigiba mehilo. Ya'mana suhi lenalitoga huto nohinogomo yalo Sipi Bomofihi Kana'a hololu luto analo mele'isi lenalitoga nehetilina'mu yabe.

Aposolo 15:20

Lali enalitoga fayahi goloto ma luto lu epilune: Fato fato'na enemeha'amagihi kuguhi go nepilana nose'na ya'ma kolo tana nose'na ni'inagi menalata. To enali bo alobo gulu hete ai he'mi etenogo ai he'mi etenogo mehilabe. Enali yagakafa lubaha'ani nagatu gi polo hago golahubago hu'ehilina menalabe.

Aposolo 15:29

Fato fato'na enemeha'amagihi kuguhi go nepilana nose'na menalo. Yaga golahi mo silo. To yagakafa bona'i nagatu gipolo hu'ehilana menalo. Lenali bo alobole ai he'mi etenogo ai he'mi etenogo mehilo. Lenali silaga ya'mana kaga mege'i melete nesi'a mone pelesa meise minalana bati hilana'mu yabe. Lenali bati hite minalo.

Romu 12:1

Nalalu'nigitabe. Hu'mau sipi ginaga fi limi'ehina'mu nani lenoloka hoto buka tilube. Lenali lenugufatini Hu'mamofitoga molo emilo luto, hetofa kuguhi legi huto mino kosaba'natini emite li molo etalo. Lenugufatini ya emilenogo Hu'mau ai lenali kumu fokehi lilibe. Ya hu'ehina'mu lenali Hu'mamofitoga agoya hu emite to gi'amo liyafa hilata nehana yamofihi lusiga mono ka ni'ibe.

Romu 7:23

To komopa'nigu ya nohugo nugufa'niuba fato hapa'a lolo huba huba nohibe. Ana hapa'auba hetofa negekesa'ni keheli'ohunamofihi luba nohibe. Keya kamu'i hetofana ni'ibe luto negekesa akeheli'ohuna yamofihi fato hapa'auba laba hu eto'ehina. Ya nohugo nugufa'nilo foipanauba le'mo sibina huto nugufa'nimofihi naga'i emilata nohibe.

Romu 8:13

Lenali analoga komopatini mololenogo lenele'mo sibina hinogo fililana'mu yabe. To lenali Hu'mamofihi Sikalafu'uba lenele'mo amuya melenogo ana foipa hapatini keye linogo minoba minoba hilabe.

2 Koliti 5:20

Ya hu'ehina'mu lali Kilisitohi ka'a leli'ali bona'i Hu'mamofihi ka lamana'a lu lepilata nohuta keheliloto lenegekesa lito ya'ma Hu'mau lu lepilata nohina suhi huto nohune. Kilisito kumu Hu'mau lenele'mo fulu hinogo aitoga bite hepilo.

2 Koliti 6:1

Hu'mamofihi le'mo bati nehana bona'i lali lenegekesa lito ma luto lu lepilata nohune. Hu'mamofihi lehe'mose'na'a molo lepalalina buto fa'menena lolo mehino.

2 Koliti 7:1

Nemehi lepi'ohuna nalalu'nigitabe. Hu'mau ya'ma ka lali kumu lu molo'ehina yabe. Ya'mu lali komopati to lugufati le'mo sibina hulata nasana asaga'i li he'milototi komopati gulu gulu linogo Hu'mamofitoga koli'a hiti minalune.

Galesia 5:24

To Yesu Kilisitohi naga'i lali tafa komopatimofihi bita hulata nasana to foipana'mu enuluhaya ilatamofihi aho filigo fa'menena lolo hu'ehinamo ni'ibe.

Efeso 2:19

Ya higo yatai lenali fegutoga bona'i fa'mene fato bona'i meneminana yabe. Lenali hiti Hu'mamofihi naga'i enali hiti Hu'mamofihi hepa'i bona'a lolo nehabe. To Hu'mamofihi yagapana'a lolo huto nehabe.

Efeso 4:1

To ya higo nani Sipi Bomofi kumu luto naga nonugu nohunamofita lenegekesa lito lu lepilube. Hu'mau lamana hite minalabe luto lenele'mo'ehinamofihi hapa'a mege'i melete lamana hite minete lite hilo.

2 Timoti 2:22

To kaibe, neheya kola bo enali fato fato nasana'mu topa hilata nehana yamofihi kemegesa mele'isi hu emibo. Ya hulotoka ya'ma kaika to komopaka gulu gulu linogo Sipi Bomofihi buka tite hetofana lilune'mu lehe'mobo lilata nehana bona'i hiti lenali bebe sete fotogo lilatana, keheli amuya melelatana, lenemehi epilatana, fato bona'i enele'mo baba ite ya'ma koguna ilatana, ya'ma lolo huto minalune lite amuya malalo.

Hibulu 11:13

Bona'i ya hana'amagi keheli ule'ale hite minete filite bi'ahana'a enali Hu'mau lu molo'ehinamofihi ana'ina enele'mo keta mehuse'namofihi legeya'a ya'ma mele'isi meli'ahana, fa'mene foto'i ni'igo be gelete ka'a lite kehelite li pili kete mine'ahana. Ya hite minete, hapa'ani ma lite keheli'ahana: Lali fa'mene metoga minoto bonoho bona to ka'i logo lili bona tegi huto nohune lite keheli'ahana.

Hibulu 6:9

Nalalu'nigitabe, nani ka noluna ya'ma lenali le'mo tiligi salabe luto keheli'ohuto menolube. Lenubuto bise nasana yamofihi legeya'a lenalitoga huto holito buto minalibe luto keheli'ohuta nolube.

Yemesi 4:1

Lenali henabe lite kenasabo bite luba hilata nehabe? Komopatinigu foipana lenibita hina nasanauba lenugufagu huto lilago luba huto hulata nohibe.

1 Pita 1:1

Nani Pitaita, Yesu Kilisitohi aposolo nohuna bo, Hu'mau nele'mo eto hu'ehina. To Hu'mau lenele'mo ho ti'ehina bona'magita, lenali guna molo'ehinalo Ponitasi metoga hiti Galesia metoga hiti Kapatosia metoga hiti Esia metoga hiti Bitinia metoga hiti tili tele hite mine'ahana lenali'i fayahi ya'ma koyoto nolepube.

1 Pita 1:17

Lenali Hu'mamofi kumu afotifu yabe lite lu emite, nunumu hite lilata nehabe. Ai loe bomale'ititihi bu goloto moneko babeyafa ni'inogo mone bo le'malina to mone bo he'mi etalina meni'ibe. Hapa'a ya huto meni'ibe. Ai asaga bona'magihi komopa'ani bu goto hapa'ani lamana huto eto huto loko hulata nohina bo nohibe. To ya nohigo lenali panana'amagita ma metoga nehana kanagu ai kumu koli hite minete keheli emite mine lite bilo.

1 Pita 4:12

Nigibo nalalu'nigitabe. Lenali komopa'ni lepi'ohuna lenalitoga lubana li huto hite mele'ahana'a ni'ina baga'a hiti huto hu'ehinamofihi nasana yamofi kumu lenali kosaba'i huto hu nolimibe lite lenali topa hete meminalo.

1 Pita 4:2

To yatai kanagu lenugufamofihi enumu fililatana yamofihi melise Hu'mamofihi bagaguti kaga'a kehelite ma melugu mineme bite minalabe.

2 Pita 3:1

Komopa'ni lepi'ohuna bona'ise. Lenali fayahanatini ya'ma koyo nolepugo ya'ma loe nohibe. Nani le'mo kosaba huto lu lepiloto'ni komopatini le'mo mopo hulenogo'ni kehelise'natini ya'ma keheli lamana hite minalabe luto fayahi ya'ma loemo koyo nolepube.