1 Pita 2:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Koyapa'i lenali Hu'mamofihi bona'a memine'ahana. Yatai ya'ma Hu'mamofihi naga'i lolo hite neminabe. Koyapa'i lenali mino bati hite memine'ahana. Yatai ya'ma Hu'mau ginaga fi limise bomofihi komopa'agu nehabe.

1 Pita 2:10 ပူးပေါင်းရင်းမြစ်များ

Romu 10:19

To nani mone hiti koloka halube. Yuta bona'magi ka lamana'a mekeheli'ahana ni'ifihe? Ya huto meni'ibe. Keheli'ahana yabe. Hu'mau koyapa'i enali kaga'a mege'i memele'ahana kumu kohe toto Mosehi bukugu lu'ehina ka'a fayahi koyo'ehina: Nani fato melugu boana'magihi enigi'ani meni'ina enele'moto hulenogo lenali bu gelete siko hilabe. To noto noto bona'i ka keheli sibina hi'ahanamagihi nani enele'mo bati nohinogo'nimo, lenali kehelite lenipagu logo bilibe.

Romu 11:30

Lenali fegutoga bona'magita, koyapa'i Hu'mamofitoga agoya hu meemi'ahana yagi to yatai Yuta bona'magi kaga'a keheli he'mi'ahago Hu'mau lenali'i ginaga fi lepigo fulu hite neminabe.

1 Koliti 7:25

To bolo mebi'ahana ana'mu to liha'ani meli'ahana bo'mu ya'ma Sipi Bomofihi bagaguti kaga meli'ohutaya Sipi Bouba komopa'a nimito nele'mo lamana nohina yana'mu ka'ni nifita ilata nohuna bomofita ya'ma nolube.

1 Timoti 1:13

Kohe toto yamofihi le'mo sibi saba huto kalana'i molo etoto kaga'a le'mo mumusopa i'ohunamo ni'inaya nani ya'ma mono ka'a mekeheli'ohutaya to katiya'i mino'ohuna, ya huna'mu Hu'mau osahi nimilube'mu nohuto ginaga fi nimi'ehina.

Hibulu 4:16

Ya hu'ehina'mu lali Hu'mamofihi kefa hisalo tubuto yalo lelesa meligo lehe'mose'na'a ni'igo tito babahi hinogo nehetilune. Ya nohinogoti keta huse nasana moneubafi moneubafi oto logobisalo neminenogomo Hu'mau ai'a lali kumu ginaga fi limilina'mu to lehe'malina'mu komopa'atu molo leto'ehina ya'mu luto nohinogo ana'asi lele'mo bati hilibe.