1 Pita 1:7 - Ka Lamana'a Monoꞌi Lu Mu Tifiꞌehina Ka Yabe

⁷ To hena'mube? Fono ka lu lepilugi kehelilo. Bona'magi goli efahi meluguti yuhufasi nelina kanagu mone laga mehilina'a hiti ni'inogo enali sibi logogu melelago ana logouba ya'ma laga mehilina'a lo su halina'mu yabe. Ya hilenogo goli efahi eto huto bati huto minalina'mu yabe. Ana suhi huto lenali Kilisitohi keheli amuya molose'na tito mino'ehina ni'igo ya'ma keke'i luse'na guna molo lepolose'nauba lenele'mo bati hilube'mu nohinogo amuya melete nehinogo Yesu Kilisitou ai nehetilina kanagu lenigitini le'mo saga huto lenofokehi luto nohinogo to fana meha'auba le'mo ho tito le'mo ho tinogo lenalitoga minalina'mu yabe.

1 Pita 1:7 ပူးပေါင်းရင်းမြစ်များ

Matiu 19:28

To Yesu ma luto lu epi'ehina: Nani ma'naka luto lu nolepube. Alihi asaga'namagi yuhufanago lolo hilina yupahi Kokulumaguti limi'ehina Bo ai fana mehenagu minoto kibina bomofihi kefa hisalo minalina'mu yabe. To nani'i nemege'i melete mine'ahana bomagita ya'mana yupahi 12 kefa hisalo minalana'mu yabe. To lenali ya hilete Isilaeli naga'i 12 magihi kaba hi epalalabe.

Matiu 25:21

Sipi bouba ma luto lu emi'ehina: Kai hetofa lili'nalo bo amuya bo nohane. Kai hetofa suhi li huto hu'ahane. Kai lili'nalo kaba hu bati hulata nohane. Kai lagaso'nasimofihi kumunalo hetofana huto kaba hu bati hu'ahatalo yatai nani babu fe'noto kaba kimi gi ketalube. Kai sipi boka hiti kegelonaguti ete minaliyo.

Matiu 25:23

Ya ligo sipi bo'auba ma luto lu emi'ehina: Kai hetofana huto amuya lili'nalo bo yabe. Kai lili'nalo bati huto kaba hulata nohane. Kai lagaso'nasimofihi le'mo bati huto kaba kimi gitamofihi okane'a yatai babu fe'noto kimi gi ketalube. Sipi boka hiti kai kegelonaguti ete minaliyo.

Luku 12:33

Lenali asaga fe'nohatini bona'i luga'amagihi epinogo efahi ananalo lepilenogo aku'i ana efahi musufalo bona'i epilo. To lenali kosaba gu'i efahi li malalatamo analo'i sibina mehilina'mu yabe. To lenali ifo muya yogo fe'nohatini kokulumalo meminigilina'mu yabe. To kokulumalugu guminalo bona'i menehabe to efahatini sifolohi megilina'mu yabe.

Luku 17:30

Kokulumaguti limi'ehina Bo aku alina yupahi yana suhi luto hepa'i kugumato huto'i huto hilina'mu yabe.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

Yoni 5:44

Mone lenalalutinigitogati sipi lenigi lilata nehana lenigi Hu'mamofihi aitogatiko olata nohina lenali melilata nehabe. Ya hi'ahana hiya'a keheli ule'ale hite komopatini emilabe?

Aposolo 8:20

Ya noligo Pitau lu emi'ehina: Kai hiti efahaka hiti lito logo kapogu bubo. Henabe luto efahakatu Hu'mamofihi amuyana mina filane?

Romu 2:10

To Hu'mau asaga bebe sose bona'magihi ya'ma Yuta bonatoga kohe toto yalo fegutoga bonatoga hiti fana tose'na yagi enele'mo hofa tose'na yagi to fuluna'a ya'ma asaga'na epilube'mu nohibe.

Romu 2:29

Gufalo laga hu'ehina ni'ifi meni'ifi nohina bo komopa'a emagu Hu'mau le'mo bebe sose bo, ai lusi Yuta bo nohibe. Keya kauba ya'ma bomofihi komopa'agu le'mo bati mehu'ehinogo Hu'mamofihi Sikalafu'uba aisigo ana bomofihi le'mo bati hu'ehina. Ya hulata nohina bomofihi melugu bona'magi gi'a liyafa helata menehanaya, Hu'mau ai'asigo ana bomofihi fokehi hoto gi'a liyafa holata nohibe.

Romu 2:7

To bona'i luga'amagi Hu'mamofitoga agoya hu emite hetofana hiba hiba nehana to fana tose hepato bilune'mu nehite Hu'mau lele'mo ho tilibe lite nelana mino kosaba huse'namofihi kapogu bilune'mu nehana enali'i Hu'mau enele'mo kosaba hilibe.

Romu 8:19

To Hu'mau asaga melugu lolo hu'ehina'a yanagu neminanamagi ai pana'amagihi enele'mo ho tilina yupahi geba hite amuya melelata nehabe.

1 Koliti 3:13

Minoto Kilisitohi Sipi Yupahi alina kanagu hapa'a huto hilina'mu yabe. Ya nehinogo logo sipi i kulu tilube'mu hibe. To ana logouba nohi negite lili'na li'ahanamofihi hapa'a li huto hilina'mu yabe.

1 Koliti 4:5

Ya hu'ehina'mu lenali bona'magihi hapa'ani'mu lilata nehana amuya memalalo. Sipi Bouba ai'a i behe huto oto suguna'i fenene huto ni'ina nasana yamofihi le'mo hutotoga malalube'mu hibe. To bona'magita legekesa kehelilata nohutaga hiti ya'ma li huto hu su halube'mu hibe. Ya huloto Hu'mau ai'a bona'magihi hapa'ani moneko moneko'isi bu galina guna moloto enele'mo hetofa hu epololota liyafa hilube'mu hibe.

Yemesi 1:12

Kalana'i nemele lepelenogomo fili tegi hite meminalana'a yamagi enegelo bite minalana'mu yabe. Fi taga hi epelenogomo su nehenogo yamofihi Hu'mamofitoga komopa'ani emite minalana bona'i epilube luto lu molo'ehina nasana yamofihi babeyafa'a minoba minoba huse'na liluta'mu yabe.

1 Pita 1:13

Ya'mu komopatini li hokolo hite lenegekesa kehelilo. Kaba hu bati hite minete Yesu Kilisitou alihi huto hinogo ya'ma lusa gi lepalalina'a yalo'i geba hilete asaga'i keheli ule'ale hite fifa ilete minalo.

1 Pita 1:5

Ya huloto Hu'mau amuya'aloti haka fi lepele'ehinogo keheli amuya melete nehinogo kana'a su halina yana yupahi lenubuto bilina'mu yabe. Yamofihi li nupa huto huto lenele'mo bati hilinamofihi geba hite minalabe.

1 Pita 2:4

Lenali Sipi Boti mino lito buto minolata nohina efahi legi huto nohibe. Bona'magi bu ge he'migo Hu'mau keheligo mina'a hiti tigo yauba le'mo'ehibe. Ya higo lenali aitoga bite hepilo.

1 Pita 2:7

Ya ligo keye'ahana'mu ai kumu keheli amuya nemalana lenalitoga yamu'i ai ana'ina mina'a minomo tito nohibe. To ai kumu mekehelise mine'ahana'a enali kumu mone ya'ma luto lu'ehinamo ni'ibe: Nohi gilata bo enali efahi ya'mu bu gago he'mi'ahana ya'ma efapouba lapusa lolo hu'ehina ni'ibe.

1 Pita 4:12

Nigibo nalalu'nigitabe. Lenali komopa'ni lepi'ohuna lenalitoga lubana li huto hite mele'ahana'a ni'ina baga'a hiti huto hu'ehinamofihi nasana yamofi kumu lenali kosaba'i huto hu nolimibe lite lenali topa hete meminalo.

1 Pita 4:13

Koyapa'i Kilisito sipi keke'i luse'namofihi gupisalo ti'ehina ya'ma lenali ana hite Kilisito kumu leniginaga fi'ehina yamofihi komopa'agu mine melete minete komopatini bati hinogo minalo. Ya hite nehinogo lenegelo bise'na'a hiti fana tose'na'a li huto hu lepinogo ana suhi huto komopatinigu ana'ina kosaba nohinogo lenegelo bite minalabe.

1 Pita 5:1

Lenali mono'i kaba bo nehana lenali'i nani ana huto kaba bo lenalalutinifita ka nolepube. Nani Kilisito ai kumu keke'i luse'namofihi gupisalo tito mino'ehina yamofihi nubu'niloti bati huto bu go'ohuna yabe. To nani ana huto ai fana meha'a alihi huto huto nohinogo ana fana meha'agu minaluna'mu yabe. Nani ya huse bomofita lenekesa lu hokolo huto lu nolepugi kehelilo.

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

2 Pita 1:4

Ya huloto ai kaga lu molo leto'ehina'a hetofa hetofana'a to mina'a ti'ehina'a ya'ma limi'ehina yabe. Ya huto limigo legeya'a lalitoga huto hilenogo melugu bona'magihi enegekesa'ani enugufa'ani laga epesise kapolo mege'i nemalana anamofihi fililata kapolo lenali lenemegesa hu emite to Hu'mamofihi hetofa hapa'a, ya'ma babeyafa hite minalabe.

2 Pita 3:14

Komopa'ni lepi'ohuna bona'ise. Lenali ana'ina ya suhi hana'mu geba hite Hu'mamofihi bulo komopatini ketipa ito fi fana toto gulu gulu linogo foipanatini meminenogo minalune lite aitoga bati hite amuya malalo.

Yute 1:24

To Hu'mau lenele'mo hetofa hu'ehigo lele'mo laba hi lalabe lite sekele mamu'a hiti fana mehena'alo foipanatini meminenogo ya nehinogo gobisa'alo lenegelo bise'na hiti amuya'a hiti lenele'mo malalibe.

Huto Hilina Ka 1:7

Bu galo. Sopohi gupisalo alina'mu yabe. To bona'i asaga'magi enubutu bu galana'mu yabe. To Yesuhi magolohi fi'ahana bona'i hiti enali bu galana'mu to noto noto bona'i asaga'i enali ai'i bu gelete ai ka'a keheli meemi'ahana'mu yabe lite sipi yibi hafili hilana'mu yabe. Ya'ma ka'a ya huto huto hino. Lama'na ka.

Huto Hilina Ka 2:10

Lenalitoga keta'a huse'na aku'i huto hu lepilube'mu higo lenelesa melino. Keheli'ahafiye? Satau ai enimi'i mololata nasana huto hu lepilibe luto lenalitogati luga'a ya'ma naga nonugu lenele'mo malalina'mu yabe. Ya hulenogo keke'i luse'na keta huse'namofihi kana'a 10 yupapogu huto hu epilina'mu yabe. Lenali ya'ma mono ka li pili kete lite fililafi fa'mene minalafi lite minete kehelilenogo sekele mamu'a hiti kakili tegi huto ule'ale huto minolata nohinamofihi lito bi lepalalube'mu hube.

Huto Hilina Ka 3:10

Lenali kosele kasele'i mehese negeba hite minalabe luto lu lepolo'ohuna kaga'ni ya'ma li pili kete lite mine'ahanamo ni'inaya, yana'mu enimi'i mololata kana'a ya'ma noto noto bona'i enalitoga mino lito bilinamoya, lenalitoga minomo bu lalibe luto nani'ni ya'ma gegisa fi lepoloto kaba hu lepalalube'mu hube.

Huto Hilina Ka 3:18

Ya hu'ehina'mu lenegekesa lito lu lepilugi kehelilo. Lenali nanitogati goli efahi hetofana'a mina'a tito ni'ina ya'ma mina filenogo bati fe'nohatini hiti bona'i minalanagihe. To koholi guketemofihi hapa'a mina filete lite i kolo bite lenugufa yapako minago buya ligo fi etalabe. To lenubutinimofihi mesebe'amofihi mina filete lenubuluga ya'ma felenogo aku gili gili hilibe.