1 Pita 1:6 - Ka Lamana'a Monoꞌi Lu Mu Tifiꞌehina Ka Yabe

⁶ Lenali ya'mu lite lenegelo bite minelata hilo. To Hu'mau keheli'ehinogo kana'a tupa hilina yupahi keke'i luse'na'a fato fato'na guna malalina'mu yabe. Guna malalinamofihi gupisa'alo tite keke'i lite minete fa'mene lenegelo bite minalabe.

1 Pita 1:6 ပူးပေါင်းရင်းမြစ်များ

Matiu 11:28

Lenali ketana kofilete ketatini'mu kosele'ise bona'i nanitoga ete lenabasu bilo.

Matiu 26:37

Ya luloto Pitahi yagi to Sepetihi pana'a loe hiti enele'mo mege toto moneka bi'ahana. Ya hite nebago Yesuhi gufa'agu sipi keta besigo ligo pisigigo huloto ginaga gofa fi'ehina.

Matiu 5:12

Ya nehinogomo kugufaluga laga kebesinogo kegelo bibo. Sipi minaka kokuluma hepatoga Hu'mau kaba hu keto'ehina kimilina'mu yabe. Koyapa'i ana suhi hite lu yege hose bona'i kohe tete huto hanamagihi enegene mane ite enehe'ahana yabe, luto Yesu lu epi'ehina yabe.

Luku 1:47

To nemeha'niuba Sipi Bomofitoga fokehi nohoto nehe'mose'na'amofi kumu negelo nobube.

Luku 10:20

Ya hu'ehina lenali lenegelo bite foipa felemagi kagati keheli limibe lila o'e luto'ni ya nasanamofi kumu lenegelo mebibo. Lenagitini Hu'mamofihi kokulumalugu fayahi ge'ahana yanana'mu lenegelo bilo, luto Yesu lu epi'ehina.

Luku 2:10

Ya hite koli nehago agelouba ma luto lu epi'ehina: Koli mehite kehelilo. Nani hetofa kaga lenalitoga ito noo lepolona ya'mana kagauba asaga boana'i enele'mo sipi enofokehi halina'mu yabe.

Yoni 16:22

Lenali hiti ana suhi hite yatai keke'i lilana aku'i bu lenegenogo'ni komopatinigu haya ilube'mu hina'a bai talina'mu. Ya'ma huto hulenogo kene moneuba lenebesilito li mehe'milina'mu yabe.

Yoni 16:33

Nani fuluna'niuba lenalitoga minalibe luto kaga ya'ma lu nolepube. Lenali ya'ma metoga kalana'i nemele lepelenogo lenipagu sibina mehino. Nani'ni yamofihi ma metoga nasanamofihi abe ligi su holoto nohube.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Romu 12:12

Lenali Hu'mamofihi bu galana yupahi mineme bite geba hilananauba lenele'mo amuya melenogo lenofokehi lilo. To keta huse'nauba lenalitoga huto nohinogomo komopatinigu fulu huse'na'mu Hu'mau lenehe'malinamofihi geba hite minalo. To asaga yupahi kosele'i melenehenogo Hu'mamofihi loka hete nunumu hilo.

Romu 5:11

To ya'ma anasigo meni'ibe. Yesu lali hiti Hu'ma hiti lele'mo hepito lalu'agita lolo hu'ehigo ya'mu luto lali sipi legelo nobune.

Romu 5:2

Yatai ya'ma fulunagu minoto keheli ule'ale huse'namofihi ai'a kapo li hokolo hu letago Hu'mamofihi lehe'mose'nagu ti'ohune. Ya'mu luto Hu'mamofihi fana mehenagu bilune luto bu mego'ohutana geba hu'ohuta legelo bito nohuto lilune.

Romu 9:2

Ya'ma Yuta bona'magi nani'ni bona'i nehago enali kumu sipi laga'ni nebesigo nani keke'i lu epolobe.

2 Koliti 4:17

Metoga kalana'i mele letalana nesi'a yamofihi su halina yanauba sekele mamu'amofihi laga hina'a su mehose minoba minoba hilina'a li huto hu limilibe. Ana sekele mamu'a limilina'a yanauba lali kumu kalana'i nemalana li'ohutana be ligilina'mu yabe.

2 Koliti 6:10

To keke'i luse'namofihi gupisalo nohuto legelo biba biba huto nominone. Salafa'amofita sibigopa bona'i asagatoga mono'mofihi fe'noha'a hiti enele'mo lolo hulata nohune. Lumuhi menina'a nohutogo komopatimofihi fe'noha'a bai toto ni'igo nominone.

Galesia 5:22

To Sikalafu'mofihi legeya'a ma suhi huto hulata nohibe. Mehi lepito komopatini lepilata nohina, lenegelo bise'na hulata nehana, mino fulu huse'na, kosele'i melenohose bati huto minose'na, lenele'mo bati hulatana, komopatini lamana hite minolata, foyagu agoya emilata nohuto Hu'mamofihi kaga'a mone kegi'a mehe'milata,

Filipai 2:26

Ai besi'ehina yamofihi kaga'a akeheli'ahanamo ni'ibe. Ai lenali kumu keke'i lu lepoloto ai kumu kehelinogo lenuluhaya ti laligihe luto lenali kumu keheligo keta nohigo nolube.

Filipai 3:3

Ya'ma lugufati laga hilutauba Hu'mamofihi yagapana'i lele'mo lolo hilina meni'ibe. Lali Hu'mamofihi yagapana'i nohuta bona'i ya'ma lugufalo hu'ohutanamomu'i lamana huto minalune luto menolune. Lali Hu'mamofihi Sikalafu'uba nolehe'menogo Hu'mamofihi agoya emilata nohuta to Yesu Kilisitou lele'mo mino bati higo legelo bito nohuto nominone.

Filipai 4:4

Lenali asaga yupahi Sipi Bomofitoga i ke'mete yanamofihi komopa'agu minete lenegelo bite minalo. Nani aku'i lenegekesa lito lilube. Komopatinigu haya inogo minalo.

1 Tesalonika 1:6

Ya hulotogo moloto minoto hu'ohuta ya suhi mege'i melete minete hi'ahana. Sipi Bouba hu'ehina ya suhi kehelilata hi'ahanamo ni'ibe. Ya hite minete bona'magi ka lamana'a kumu lenele'mo sibina nehanogo lenali kosele'i mehose ka lamana'a keheliya ilune lite komopatinigu sabiyana lolo higo keheli'ahana ni'ibe. Hu'mamofihi Sikalafu'uba lenele'mo bati higo mine'ahana yabe.

Yemesi 1:2

Nigibo nagabose, kalana'i nemele lepelenogomo yamofihi enimi'i melenogo lenali ule'a'ale hite keheli'ahanamofihi hapa'a huto hilibe lite keheli'ehite keheli sibina mehise lenegelo bite minalo. Lenali mono kagu amuya malalabe lite kalana'i mele lepalalana nasana yamagi lenele'mo bati hilune'mu nehabe.

Yemesi 1:9

Muhi meni'ina bona'i lenali'i Hu'mau lenele'mo bati hulata nohina'mu yamofihi legegelo bite minalo.

Yemesi 4:9

Lenali hapatinimofihi leniginaga nefinogo sipi yibi helite nebite leniginaga fino. Kiya yokolo'i hite lenegelo mebise hilanaloti leniginaga fino.

1 Pita 3:17

Lenali bati suhi hite neminenogo kalana'i mele lepelenogo Hu'mau kehelinogo bati hinogo yauba tilina'mu yabe. To lenali foipana nelinogo kalana'i mele lepelenogomo yauba limilina'mu yabe.

1 Pita 4:7

Ana'ina silaga'na su halina kana'a anasi tupa nohibe. Ya'mu lenali komopatini to lenugufa kaba hite keheli bati hite Hu'mamofitoga kaga luto loka halune lite babahi hite minalo.

1 Pita 5:10

To asaga lehe'malina afo'afihi, Hu'ma ai'i sekele mamu'a hiti Sikalafu'uba amuya moloto minolata nohinamofihi aitoga Kilisito kumu yabe luto aitoga bu henetilabe luto elesa molo lepi'ehina bo ai leniginaga fise kana'a hupamone'isi nokehelito lenele'mo bebe soto tito amuya'auba limito lenele'mo hetofa huto amuya lapusa fi lepalalina'mu yabe.