1 Pita 1:23 - Ka Lamana'a Monoꞌi Lu Mu Tifiꞌehina Ka Yabe

²³ Hu'mamofihi ka'a minoba minoba hu su mehalina kagauba lenali lenele'mo kosaba'i huto nohibe. Tatatigi filise'namofihi biha'a ya suhi huto ni'igopa Hu'mamofihi minoba minoba nohina bomofihi naga'a lolo hite neminabe.

1 Pita 1:23 ပူးပေါင်းရင်းမြစ်များ

Matiu 24:35

Kokuluma'i hiti me'i hiti su halinaya nani ka'ni fenene mehilina'mu minomo buto minalina'mu yabe.

Luku 8:11

Bame kamofihi hapa ma huto ni'ibe. Nose'na biha'amoya Hu'mamofihi kaga'a yabe.

Yoni 1:13

Enali Hu'mamofihi yagapana'a lolo hi'ahana ito'anigihi afo'anigihi enugufa enemeto meni'ibe. Hu'mau ai'a yagapana'ni yabe luloto afo'anifu nohibe.

Yoni 1:3

Hu'mamofihi Kaga'auba asaga'na ailugutiko lolo huto ti'ehina to mone lolo hu'ehina'a be meligi'ehina yabe.

Yoni 3:3

Ya ligo Yesu lu'ehina: Nani ma'naka luto lu nokumube. Kene'i moneuba Hu'mamofihi Kapo'a bu megalina ai ito'afu aku'i keto kosaba hu tegi hilinaubago yabe.

Yoni 3:5

Ya luto ligo Yesu ka'alo nona'a lu'ehina: Nani ma'naka lusiga luto lu nokumube. Kene'i moneuba Hu'mamofihi Kapo'a bu galube linogomo ai nagami'uba hiti to Sikalafu'uba hiti yata'a keto kosaba hilinaubago yabe.

Yoni 6:63

Sikalafu'uba ai'a aku'i bona'i enele'mo kosaba hulata nohibe. Fa'mene lugufauba nesi'asi lehe'molata nohibe. Ya'ma nani noluna kagaya mino kosaba huse'na hiti Sikalafu'i hiti nina ninamofihi lu nolepube.

Romu 1:23

Enali ya'ma minoba minoba nohina bo, Hu'ma, ai'a gi'a liyafa mehite to fokehi melilata nehabe. To mone enali'ani lolo hi'ahananamofihi ya'ma liyafa hite kanipo nefibe. Ana'ina meha'a lolo hite yege nefibe. Bomofihi meha'a yagi namamofihi meha'a yagi kafa'namamofihi meha'a yagi osifa meha'a yagi efapotufi yafatufi lolo hilete lipite yege filata nehabe.

Hibulu 4:12

To Hu'mamofihi ka'a ya'ma amuya moloto mino kosaba'na huto minalina'mu yabe. To emita'i mone baga'a megesa'aga to okaba'aga heta pita huto ya'ma be ligito ni'ibe. Anatu laga humo limito lemehi komopati to felisati apilifati hiti i loko hulata nohibe. Ya huloto komopatitu kehelilatana to keheli laga hulatana yanamofihi hapa'a li huto hulata nohibe.

Yemesi 1:18

Lali Hu'mamofihi yagapana'amagita yata'a hapi fito lolo hilune luto Hu'mau ekesa keheli'ehinalo ai kaga'alo keheli amuya melenogo lemehati kosaba'i limi'ehibe.

1 Pita 1:25

Ya huto ni'inaya, to Sipi Bomofihi kaga yauba amuya moloto minoba minoba huto minalina'mu yabe. To ana kaga ya'ma lu yege hose ka lamana'auba lenalitoga nehetigo ana kaga'ya kehelilata nehabe.

1 Pita 1:3

Lali Sipi Boti Yesu Kilisitohi afo'afihi Hu'ma ai kumu foke ka lilune. To sipi ka'ya Yesu Kilisitohi fili'ehinaguti le'mo ho ti'ehibe. L'emo ho ti'ehibe luto komopa'a sipi huto li hokolo lu limigo kosaba komopati hiti huto hulata nohune. Huto huto minomo buto minolatanamofihi legeya'a kehelito geba huto minolata nohune.

1 Yoni 3:9

Luga'amagi enali Hu'mamofitogati huto hi'ahana bona'magi Hu'mamofihi meha'a lite mine'ahanamo ni'inaya, enali foipana lilete meminalana'mu yabe. Hena'mube? Enali Hu'mamofitogati lusi bona'a ahuto hi'ahanagihe.

1 Yoni 5:18

Lali ma luto kehelilata nohune. Hu'mamofitogati huto hi'ahanamagi ya'ma foipana lite meminalana'mu yabe. Hu'mamofihi pana'auba yagapana'amagihi li pili koto kaba hu epelelenogo foipa nasanamofihi afo'afu enugufalo mone'a li mekehelilina'mu yabe.