1 Pita 1:22 - Ka Lamana'a Monoꞌi Lu Mu Tifiꞌehina Ka Yabe

²² Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

1 Pita 1:22 ပူးပေါင်းရင်းမြစ်များ

Yoni 15:17

Komopatini ai eminogo ai eminogo hilabe luto nolu lepolobe.

Yoni 15:3

To ya'ma mono ka kohe toto lu lepi'ohunauba lenali komopatini gulu gulu ligo mino bati hite nehabe.

Yoni 17:17

Ka lamana'a ya'ma komopa'anigu limilina'a yamofitu enele'mo eto hubo. Kai kaka ya'ma lamana'a ni'ibe.

Yoni 17:19

Enali ka lamana'auba komopa'anigu limiloto enele'mo eto hulenogo enali bonakamagi huto hilana yana'mu nani'ni komopa'ni nugufa'ni le'mo eto huto nomolobe.

Aposolo 15:9

Ai lali'i fato suhi nohu letoto enali'i mone fato suhi mehu epolo'ehibe. Enali komopa'ani aitoga emigo ya hanalo nona'a foipana'ani li he'mi epolo'ehibe.

Aposolo 6:7

To Hu'mamofihi kaga fato fato hepato leli'ali hago bu baga i'ehina. Ya higo babu boana'i luga'a hiti Yelusale hepatogati komopa'ani i gelehe hite Hu'ma kaga'a liyafa hi'ahana. To enali sipi mono noto kaba bona'i luga'a babu lite ana hite komopa'ani i gelehe hite ka lamana'a mege'i mele'ahana yabe.

Romu 1:5

To Hu'mau Yesu kumu ai koko pana'ni nohane luto lu nimito nele'mo ho ti'ehina. Hena'mube? Nani asaga melugu bona'i kaga'a lu epinogomo ka kehelite komopa'ani Hu'mamofitoga mele emite minalabe luto ya'ma noho lifito ana lili'na sipi'a nimi'ehina.

Romu 2:8

To bona'i luga'amagi enali ana'ina'animu kaba hite fato bona'i meenehe'mete'ani ka lamana'amofihi keheli he'mite foipa kapogu melelata nehago Hu'mau sipi ka epekito enipakafa enahalibe.

Romu 8:13

Lenali analoga komopatini mololenogo lenele'mo sibina hinogo fililana'mu yabe. To lenali Hu'mamofihi Sikalafu'uba lenele'mo amuya melenogo ana foipa hapatini keye linogo minoba minoba hilabe.

2 Koliti 6:6

Ya huto nominotaya komopati besa lago nohuto kehelise'na minoto komopati fulu higo minoto lalalutigihi noenehe'motogo Sikalafu'i hiti minoto komopati bati huto epilata nohune.

Galesia 3:1

Oho, Galesia bona'ise. Negi nagi'a lenali ya'ma ki'afu lenele'mo gopa napa hu'ehigo Kilisitohi ka lamana'alo ahe'mi'ahabe? Nani Yesu Kilisitohi malipu yafalo hago fili'ehinamofihi babeyafa'a lolo huto lu lepi'ohugo lenubutu bu go akutete bu ge'ahanamo ni'ina. Henabe luto aitogati he'mi'ahabe?

Galesia 5:5

To lali ya'ma Hu'mamofihi Sikalafu'mofihi keheli ule'ale hu'ohuta'mu yabe luto foipanati meminenogo Hu'mau lele'mo bati hu'ehina bona'i minalune luto yamofihi agoya hu etoto minolata nohune.

Galesia 5:7

Lenali mono'mofihi kapo'a bati hite lelite nebinogo moneuba hena huto kapo fi hekini lo lepalago ka lamana'amu henabe lite lenemegesa hi emi'ahanamo ni'ibe?

Efeso 4:3

To fulunamofihi naga'atu mu tifi lepolo'ehinamo ni'ibe. Ya'mu ya hite, naga'i laga hu lalagi ai kaba hu etenogo ai kaba hu etenogo hite nehinogo Hu'mamofihi Sikalafu'uba lenele'mo moneko'na hu'ehina suhi hite minalo.

Filipai 1:9

To komopatini emilatana hofa toto to kehelise'natinimu to kehelise'nauba napa huto tilibe luto Hu'mamofitoga luto moloto nohube.

1 Tesalonika 3:12

To Sipi Bouba lenele'mo higo ai komopa'a eminogo ai komopa'a eminogo hite mineno. To lali komopati lenalitoga molo'ohuta suhi hite komopatini silaga bonatoga malalana yauba napa huto hofa tenogo hite minalabe luto Hu'mamofihi loka nohone.

2 Tesalonika 1:3

Lalalutigita, lali asaga yupahi lenali kumu yabe luto Hu'mamofitoga fokehi lito minolata nohune. Lenali Hu'mamofitoga keheli amuya melelata nehanamofihi hofa tana'mu luto komopatini ai eminogo ai eminogo hilana hofa tana'mu luto bati huto fokehi nolune.

2 Tesalonika 2:13

Lalalutigita, Sipi Bouba mehi lepi'ehina bona'ise. Hu'mau lenele'mo eto hu'ehina'mu luto lenali kohe toto lenubuto bilube luto Sikalafu'uba amuya'a hiti komopatini le'mo bati huto bona'ni lolo hu epalalube luto ligo hetofa kaga'agu bite i ke'me'ahago yana'mu lenali kumu asaga yupahi Hu'mamofihi legelo bilata nohune.

1 Timoti 1:3

Nani ya'ma Masetonia metoga bilube'mu nohuto kegekesa lito lu kimi'ohuna ana suhi hubo. Ya nohuto ya'ma Efeso hepatoga ya'ma aku'i molo emito minobo. Nohuto bona'i hapi fite faga faga mono kaga lu nepina yamofihi he'milo luto lu epibo.

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

1 Timoti 4:12

Enali ya'ma pana'i kosaba bo nohane li lilagi. Yamofihi bona'magi enali ka'mu keheli sibina hi lalabe. Kai amuya moloto minetogo hapaka fu linogo Hu'mamofihi keheli ule'ale hilata to komopaka fana toto minenogo Kilisitohi kemehi emilata to mono ka lilatamofihi keheliya ilana bona'magi ya'ma kapogu bilune'mu hana enelepibo.

1 Timoti 5:2

Litana'i enali kumu ito'nigitabe luto ya'ma kaba hu epoloto ya suhi ma suhi hu epolo lito buto minalane. To yafana'i neta bona'nimagita yabe luto ya suhi holito nobuto yamofihi kaika kegekesa komopaka kaba hu bati hubo.

2 Timoti 1:14

To hetofa nasana Hu'mau kimi'ehina asaga'i kaba huto lito to ai'a hetofa Sikalafu'i komopatigu nominanauba kele'mo amuya hinogo ya'mana kaba hu bati huto minobo.

Hibulu 11:8

Abalahau keheli ule'ale huse bo mino'ehina Hu'mau kehe ito ai me'i mone enali felisa fe'nohi minalibe luto kele'mo bati hilugi kai mekagati he'miloto mone kegi'a buto minalane luto kaga lu moloto lu emigo keheli emito me'i magafi hiya'agafi lu'ehina ya'ma mekehelise fa'mene agoya hu emito bu'ehina yabe.

Hibulu 13:1

Mono kagu gona'a go'afihi komopatini ai eminogo ai eminogo hilata nehanamofihi ya'ma lenalitoga su meheno.

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.

Hibulu 6:10

Hu'mau ai'a mone li sibina huto ya huto menohibe. Lenali ai kumu yabe lite foya'a lite komopatini minalanamofihi lamana'a yamofihi Kilisitohi yagapana'a enele'mo bati hite lenemehi emite enehe'malata nehanamo yamofihi ai'a yana'mu ekesu mehalina'mu yabe.

Hibulu 9:14

Ya hu'ehinaya Kilisitou ai ya'ma minoba minoba Meha'auba fi hele hu etago ai komopa'a hiti gufa'a hiti bati huto mino'ehina yamofihi Hu'mamofitoga hetofa mamufa gi emi'ehina. Ya hu'ehina'mu Kilisitohi golaha'auba komopatilo i kolo'ehinamofihi okala huto foipa foya he'mi letoto lele'mo bebe solenogo mino kosaba huse bo, Hu'ma aitoga agoya hu emito foya'a lilata nohune.

Yemesi 1:21

Komopati filise'na to foipa nasana lilata'na yamofihi asaga'i he'mite Hu'mamofihi kaga'a komopatinigu molo'ehinamofihi li pili kete lilo. Hu'mamofihi kaga'auba lenubuto bilina nasana ni'ibe. Aimo agoya hi emilo.

Yemesi 4:8

To Hu'mamofihi gobisalo lenifita i'ehite bilana yamofihi ai'a ana huto lenogobisalo alina'mu yabe. Foipa nasanatini ya'ma li kele li he'milo. Kenetufatiniuba li gelehe hite loe lae nehana bona'ise, li hetele he'mite komopatini nokala hilo.

1 Pita 1:2

Lenaliya afotifu, Hu'ma ai'a Sikalafu'uba lenele'mo etalibe luto to Yesu Kilisitohi kaga'a kehelite agoya hu emilabe luto lenele'mo'ehina. Ai golaha'a folo lepolo'ehina yauba komopatini okala hu lepololenogo minalabe luto Hu'mau afotinifu lu molo'ehinalo mine'ahanaguti lenele'mo eto hu'ehina yabe. Hu'mamofihi lehe'mose'na'a to bati hu'ehinalo fuluna'a hiti lenalitoga minomo tito hofa talibe.

1 Pita 2:17

Lenali silaga bona kumu keheli bati hite keheli epilo. To Hu'mamofihi ka keheli nehanamagitoga komopatini epilo. To Hu'mamofi kumu koli hite aitoga agoya hi emilo. To ma metoga gihiti bo'mu keheli bati hite minalo.

1 Pita 3:1

To ya higo ana'magita lenali ana hite bahatinimagihi agoya hi epite minalo. To bahatini Hu'mamofihi kamu'i mekehelise minelata nehana ya nehinogo komopa'ani enele'mo keta mehuse hilabe lite agoya hi epite minalo. Lenali ya hite mineletetini ka lu meepise fa'mene komopatini bati hinogo minenogo enali bu lenegelete Hu'ma ma'naka luto lenalitoga nominabe lite kehelilabe. To bahatinimagi ya'ma lenali komopatini gulu gulu linogo bati hite minete nehago kehelite enali komopa'ani i gelehe hite Hu'mamofihi kaga kehelite ananalo mege'i malalabe.

1 Pita 3:20

Ya'ma kene'magi enali koyapa'i Noau ai nagamilugu boti lolo huto nohigo ana kanagu Hu'mau komopa'agu fulu hilibe luto komopa'ani i gelehe hilabe luto geba huto minomo tigo kaga'a keheli he'mite pelesa ite mineme ti'ahana. Ya nehago boana'i 8, loe'asi nagamilugu nagu tite sifite mine'ahana. To Hu'mau enubuto bi'ehina'amagi enaligo mine'ahana.

1 Pita 3:8

To kaga lu su hoto lu lepilube. Lenali silaga'i lenalalutinigi hiti mino moneko hite komopatini ketipa inogo ai mehi eminogo ai mehi eminogo ya nehite lenalalutinigihi leniginaga finogo minete lenugufatinimofihi lime limite minalabe.

1 Pita 4:17

Nekehelifiye? Hu'mau ai'a bona'magihi hapa hapa'animu loko huto guna molo epalalina kana'a tupa nohibe. To bona'a lalitoga hapi fito lilube'mu hibe. Ya hu'ehina lalitoga kohe toto napa huto lilina hena hilibe? Hena huto oto ka lamana'a keheli he'mi'ahanamagihi hena hena hu epalalina ni'ibe?

1 Pita 4:8

Ya nehite lenemehi ai eminogo ai eminogo hite minalo. Ya'ma hilana'auba silaga'na be ligi'ehina nasana ni'ibe. Komopa'ani epilatana yanauba foipana li'ahana asaga'i enebe ligilata nohibe.

2 Pita 1:7

Hu'mamofi kumu keta mehise agoya hu emilata hite neminana enali hepite koguna ite minolata nehana yamofito molo emilabe. Hepito koguna ite minolatanamofihi yalo'i komopatini hiti epite keke'i luse'na'alo molo emilabe.

1 Yoni 3:11

Ya'ma ka yata'a kanaguti lenali kehelite biba biba hi'ahana ya'ma huto ni'ibe. Komopati ai eminogo ai eminogo huto ya suhi huto minalune.

1 Yoni 3:23

Ka'a lu molo'ehina ka ma luto ni'ibe. Pana'a Yesu Kilisitohi ai gi'alo kehelito mino ule'ale huloto ai lu leto'ehinamofihi suhi huto komopati ai eminogo ai eminogo huto minaluta ni'ibe.

1 Yoni 4:12

Bona'magita Hu'mamofihi bu galuta'a ya'ma mone bu mego'ohune. To komopatitu lemehi emilata nohuta yanaguya huto moloto hiluta ya'ma Hu'mau komopatigu minoto lito nohilinamofihi hapa'a li huto hilibe. To komopati emiluta yanauba huto hu lamana hulata nohibe.

1 Yoni 4:20

Bona'i luga'amagi enali Hu'mamofihi lemehi emilata nohune lite lilete to enalalu'anigihi enita bise'na hite enele'mo bati mehilana enali kumu ya'ma fagalo bona'i yabe luto kehelilune. A'nekehelifihe? Enali enalalu'anigihi enubutuko bu galana'a enali komopa'ani meepise minalana ya'ma Hu'mamofihi bu megolata'namofihi ai ya'ma komopa'ani meemilune'mu nehabe.

1 Yoni 4:7

Nemehi nolepuna bona'ise. Enemehi epilata'na ya'ma Hu'mamofitogati ni'ibe, ya hu'ehina'mu lali komopati ai eminogo ai eminogo huto minalune. Enali komopa'anitu eniginaga fi epite minalana enali ya'ma Hu'mamofitogati huto hi'ahana yabe.

Huto Hilina Ka 2:4

Ya hu'ehinaya nani ya'ma ana'ina ya suhi huna'mu kehelugo lenali kumu bati mehulata nohibe. Lenali yata'a komopatini nimilata hi'ahanamo ana suhi huto kana ma'asi mone meni'ibe.