1 Pita 1:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Lenali koyapa'i tatatinigi lu lepi'ahana ya'ma futu'a hapa'alo mege'i melete mine'ahanogo fa'menena lolo hu'ehibe. Lenali ana hapa'amofihi nagalugu neminago Kilisitou lenali kumu mina'a sipina he'mito gulu ho lepolo'ehinamo keheli'ahabe. Ana mina'a he'mi lepolo'ehinana siliba efahi hiti goli efahi hiti ni'ifi, o'e yana nasana mele'isi su hoto fenene hilinamo ni'ibe.

1 Pita 1:18 ပူးပေါင်းရင်းမြစ်များ

Romu 1:21

Enali ai kumu keheli bati hite aku gi'a liyafa menehabe. Aitoga enofokehi menelibe. Enekesa keheli sibina nehite negi nagi nete neminago komopa'anigu metepu sipi'a gi'ehibe.

1 Koliti 3:20

To fayahi keye'ahana mone hiti ma huto ni'ibe: Sipi Bouba enali keheli fe lite nohuta bo nohune lite nelina bona'magi enegekesa kehelilata nehana ka ya'ma fa'menena lolo hulata nohibe luto Sipi Bouba keheli'ehibe.

1 Koliti 6:20

Hu'mau lenali mina'a fi lepolo'ehinamo ni'igo lenali lenugufamofihi ai'asigo ni'ibe. Ya hu'ehina'mu lenugufauba Hu'mamofihi gi'a fi hele hu eteno.

1 Koliti 7:23

Yesu ai'a lenali'i mina fi'ehinamo ni'ibe. Ya hu'ehina'mu metoga bona'i hapa'animofihi kele kele'i lolo mehise Kilisitohi kele kele'i hi etete minalo.

Galesia 1:4

Yesu ai afotifu Hu'ma ai kaga'alo ya'ma ho tilina kana'alo foipanauba lele'mo sibina nohinogo gulu ho letalina'mu yabe luto lali foipanati'mu yabe luto ya'ma ai'a gufa'a h'emi'ehina yabe.

Efeso 4:17

Yamofihi nani Sipi Bomofihi bulo lenegekesa lito lu nolepube. Hu'mamofihi ka'a mekehelilata boana'i enali enegekesa kehelilata nehana bati mehina fa'menena kehelilata nehabe. Enali tegi lolo hite meminalo.

Taitasi 2:14

Ai ya'ma lali kumu yabe luto keke'i lu letoto foipana lito mino'ohuta yanaguti li he'mi letalibe luto minoto lito gulu gulu nehana bona'i lolo hilune luto ai'a yagapana'ago lele'mo eto hulenogo minoto hetofa hatofa nasanaloga mege'i amuya moloto minalune, luto keke'i lu letoto gufa'a he'mito fili'ehina yabe.

Hibulu 9:12

Kilisitou ya'ma meme yaga bulumaka yagamagihi golapo li'ehina ni'igopa ai'a golaha'a hiti buto bebe sose go nonugu tito ya'ma nohi hasagu tilina kana moneko'i tito mina fi letoto lubuto bito mino kosaba huse'i limi'ehina yamofihi minomo buto minaluta'mu yabe.

1 Pita 1:7

To hena'mube? Fono ka lu lepilugi kehelilo. Bona'magi goli efahi meluguti yuhufasi nelina kanagu mone laga mehilina'a hiti ni'inogo enali sibi logogu melelago ana logouba ya'ma laga mehilina'a lo su halina'mu yabe. Ya hilenogo goli efahi eto huto bati huto minalina'mu yabe. Ana suhi huto lenali Kilisitohi keheli amuya molose'na tito mino'ehina ni'igo ya'ma keke'i luse'na guna molo lepolose'nauba lenele'mo bati hilube'mu nohinogo amuya melete nehinogo Yesu Kilisitou ai nehetilina kanagu lenigitini le'mo saga huto lenofokehi luto nohinogo to fana meha'auba le'mo ho tito le'mo ho tinogo lenalitoga minalina'mu yabe.

1 Pita 4:3

Afetoga ema kanagu Hu'mamofihi mekeheli'ahana bona'magi enali laga'a kehelite ana'ina lilata nehana suhi hite lenali mine'ahana yabe. Ya'mu mine'ahana yauba kosele'i melepoho'ehina. Lenali mokolo hise nasana hiti ana'mu lenegekesa yigi yigi hite minete ekesa nagami'i nelete negi ne'ahana yabe. Ya nehite nagami'i nose'namofihi lenegelo nebite ya'mu li nupa hite minete silaga'namu lenegelo nebite laga mehina suhi hite lenegelo bi'ahana yabe. Lugefa bu gete lipite ibe ligi abe ligi hite mine'ahanamo ni'ibe, yamofihi he'milune ya nasana li'ahana lite nehago kana'a yatama lite mine'ahanamo ni'ibe. Aku'i molo emite ya suhi mehilo.

1 Yoni 3:5

To lenali Kilisitohi hapa'a ya'ma kehelilata nehabe. Ai foipa nasana ligoli hulata hilube luto huto hu'ehina ni'ibe. Ya nohuto aitoga ya'ma foipana'a meni'ibe.