1 Pita 1:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya'mu komopatini li hokolo hite lenegekesa kehelilo. Kaba hu bati hite minete Yesu Kilisitou alihi huto hinogo ya'ma lusa gi lepalalina'a yalo'i geba hilete asaga'i keheli ule'ale hite fifa ilete minalo.

1 Pita 1:13 ပူးပေါင်းရင်းမြစ်များ

Matiu 20:4

Ya huloto ai lu epi'ehina: Lenali bite foya'nigu lili'na lilenogo nani mina eto huto lepilube.

Luku 12:35

Lenali katatini li hupa mone hite hepite to gilimitini ilete to logo kokululu lite lele hite minalo.

Luku 17:30

Kokulumaguti limi'ehina Bo aku alina yupahi yana suhi luto hepa'i kugumato huto'i huto hilina'mu yabe.

Luku 17:8

O'e, ya lulata menohane. Nose'na'ni li loloba hu netoloto gilimika i hetofa nohuto nose'na'ni alifito ito oto nimitogo nani yata'a nolenogo'ni kaika alihi nose'naka nalane, luto lulata nohibe.

Romu 13:13

Lali yegemofihi besa besa'alo minototi agoya huse bona'magita minaluta nohune. Lali kegeiyo huse'na melilune. To bia nagami'i negi noto huse'nafi to moko lise'nafi to a'i gumina folose'nafi to luba huse'nafi to kenasabo bise'nafi asaga'i mehiluta'mu analo lemegesa hu emilune.

Romu 8:19

To Hu'mau asaga melugu lolo hu'ehina'a yanagu neminanamagi ai pana'amagihi enele'mo ho tilina yupahi geba hite amuya melelata nehabe.

1 Koliti 1:7

Ya'mu lenali fa'mene Sipi Boti Yesu Kilisito alihi metoga huto hilina'mu geba hite nehite Hu'mamofihi kamofihi legeya'a mone lenebe meligise lenalitoga ahuto hu baga i'ehina yabe.

1 Koliti 13:13

To minoba minoba hilana nasana ya'ma yabe. Hu'mamofitoga keheli amuya nomolota to huto hilina'a sa sa huto geba nohuta to liginaga fise nohuta yamofihi nasana loebe monebe nehanaya liginaga fise nohuta yamofihi le'mo kohe to'ehibe.

Efeso 6:14

Lenali ya hite ho ti kibi kibi hite minalo. To gimi bona'i nehepilata gu kata legi huto lenali Hu'mamofihi hetofa kaga'a gilimitini lolo hinogo gu katatini ho bite minete to ai'a bebe sose hapa'a kefe gutini lolo hinogo bite fonokotini kaba hinogo minalo.

Kolose 3:4

To alihi Kilisitou lali minose bihati nohina bouba fana meha'a hiti aku oto nehetilenogo lenali ana hite fana meha'agu nehetilabe.

2 Timoti 4:5

Enali ya hilanamoya kai ya'ma kana'amu kana'amu kekesa keheli bebe soto minobo. Keke luse nasana gupisalo notinogomo amuya moloto minobo. Ka lamana'a lu yege hose foya'a ya lito li gu ito ana ka lu epibo. Hu'mamofihi foya'a lilata bo kai ya'ma li su hoto libo.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.

Hibulu 10:35

To yatai ya'ma Hu'mamofitoga lenifita ilata nasana mehe'milo. Ya nasanauba minoto aliha'a mina'a sipi'a li huto hu lepalalina'mu yabe.

Hibulu 3:6

Ya huto mino'ehinaya Kilisitou ai ya'ma pana'auba Hu'mamofihi noha'alo lolo hi tegi hite mine'ahana bona'magihi kaba nohu epoloto Hu'mau lu'ehinalo foya amuya moloto lilata nohibe. Noha'aya lali ya'ma nohune. To yamofihi fa'mene'mu meni'ibe. Ana'ina le'mo babahi hu leto'ehina yana'mu luto ka'a li pili koto agoya hu emito minoto komopatigu bati nohinogo keheli emito mino lito nobinogo kanati su nehenogomo ya'ma Hu'mamofihi noha'a lolo huto nohune luto lilune.

Hibulu 6:19

Lele'mo babahi hu'ehina'mu luto fifa ito geba huto minalatauba komopatimofihi lukesati lolo hinogo nohinogoti kokulumalugu mono nohi komopa'aluga katatu'i hekini lo'ehina ya'ma nonugu ai kapo li hokolo higo Hu'mamofihi gobisalo lele'moto tilata nohibe.

Hibulu 9:28

Kilisitou ai ana huto kana moneko'i silaga bona'magihi foipana'ani ai gupisalo tigo he'mu kito Hu'mamofihi kuguhi koyo emiloto fili'ehina. Aku'i foipa nasana li su halibe luto ni'igopa aimofihi geba hite fifa ite minelata nehana bona'i Kilisitou enubuto bise foya aliha'a li su haluna'mu yabe luto aku'i kokulumaluguti limito huto hilube'mu hibe.

1 Pita 1:10

Ana lubuto bise'namofi kumu ya'ma koyapa mono ka lu huto hi'ahana bona'i enali kehelilune lite sa sa hi'ahana yabe. To ananamomu'i Hu'mau lenalitoga lenehe'mose'na lepilube lite ya'mu ka hapa'aguti lite kaga li huto huto hite melete mine'ahana.

1 Pita 3:15

Komopatini nokala hite le'mo bati hilenogo Kilisitou ai pa solata sipi bo lolo hu lepeleno. Ya hilenogo ai kaga'amu komopatinitu fifa ilata nehana yana'mu loka nehi lepelenogo keta mehuse hite hapa'a lu hokolo hu lepilune lite nelite le'mo bati hite minalo.

1 Pita 4:7

Ana'ina silaga'na su halina kana'a anasi tupa nohibe. Ya'mu lenali komopatini to lenugufa kaba hite keheli bati hite Hu'mamofitoga kaga luto loka halune lite babahi hite minalo.

1 Pita 5:12

Nani kaga ya'ma Silibanuhi'ya ka lu emi emi nohugo fayahi ya'ma koyoto nolepibe. Nani ai kumu ya'ma nokehelugo nalalu'nifu lamana'a lolo nohibe. Naniya Hu'mamofihi lehe'mose'na'a kehelugo legeya'a lolo nohina ya'mu lusi kaga amuya'a hiti lu huto huto lu nolepuna'mu luto lenogo'na bito lu nolepube. Ana lehe'mose'namofihi komopa'agu ule'ale hite minalo.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe

1 Yoni 3:3

To ya huto ni'igo lali asaga'i yamofihi fifa ito minaluta ya'ma Kilisitou ai komopa'agu bati huse'na'a ni'ina ya suhi huto minalune luto komopati li keheli keheli hiluta'mu yabe.