1 Pita 1:12 - Ka Lamana'a Monoꞌi Lu Mu Tifiꞌehina Ka Yabe

¹² Ana ka lu huto huse bona'magi enali ma lite keheli'ahana. Ya'ma sa sa hite keheli'ahana kaga enali'ani kanagu huto hilina meni'igo lenali kanagu huto hilina ni'ibe luto Hu'mau lu hokolo hu epolo'ehina. To enali lu yege he'ahana kaga lenali yatai kanagu nekehelibe. Ya'ma Hu'mau ho lifi'ehina Sikalafu'uba kokulumaluguti limito enele'mo amuya mololago enali ka lamana'a lenalitoga lite bi'ahana bona'magi Kilisito kumu lu lepi'ahana ka ni'ibe. To ana kaga agelomagi ana hite kehelilune lite sa sa hilune'mu nehabe. Ana kaga lenalitoga huto hu'ehina ni'inagihe.

1 Pita 1:12 ပူးပေါင်းရင်းမြစ်များ

Matiu 11:25

Ya'mana yupahi Yesu ma luto lu'ehina: Oho. Afo'niga, kokuluma'i hiti me'i hiti sipi kaba bo'a nohane. Kai ana'inaka kehelise bona'magihi enubulo li fala nokito to kai lagaso yagapana'magihi enubulo li huto hulata nohata'mu nani kofokehi lito bati huto yabe luto kegepohi nolube.

Matiu 11:27

Nani afo'nifu asaga'na nani nayanuguko molo'ehibe. Bo moneuba Hu'mamofihi pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehina, Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.

Matiu 16:17

Ya ligo Yesu lu emi'ehina: Simonio, kai Yonihi pana'a yale. Kai kegelo bibo. Ma melugu bo moneuba ya'ma lamana kaga mekelepi'ehinagi Afo'nifu kokulumalugu nohinauba ai'a kelepi'ehigo ya'ma kaga nolane.

Maki 16:15

To ai ma luto lu epi'ehina: Lenali asaga melugu hepatoga bite bona'magihi hetofa ka'ni ya'ma ka lamana'a lu epilo.

Luku 15:10

To nani ana huto, ma luto lu nolepube. Foipa bouba sibi hapa'a he'mito to komopa'a i gelehe hinogomo, Hu'mamofihi agelomagi ya'ma bomofi kumu yege filana'mu yabe.

Luku 2:26

Sikalafu'uba Simionitoga alu emi'ehina mefilise nohitogo Hu'mau le'mo ho ti'ehina bo, ya'ma Mesiau huto hilibe lu'ehina bu goloto fililata'mu yabe.

Luku 9:6

Ya luto Yesu pana'alobo'a lu epololago enali asaga hepato hepato bula ola hite ka lamana'a lu yege hete lu epimofa'na nehite epesina bona'i enele'mo ye komofa'na hite asaga kapoga bula ola hi'ahana yabe.

Yoni 15:26

Afo'nifu lolo huto fi hetofa hu lepalalina kamofihi lataha'a Sikalafu'uba ya'ma Afo'nifitoga nohibe. Ai'i ho lufugo Afo'nifitogati limito hapa'ni lu huto hilube'mu hibe.

Aposolo 10:44

Pitau kaga lu epito nohigo ai kaga'a kehelite minana bonatoga Sikalafu'i limi'ehina yabe.

Aposolo 16:10

Polu ya huto bamu'i abu golago lali mele'isi Masetonia biluta kapo'mu sa sa hu'ohuta. Hena'mugope Masetonia bonatoga ka lamana'a lu yege halo luto Hu'mau lali'i kehe noibe lutoti lu keheli'ohuta.

Aposolo 2:33

Yatai ai kokulumalugu tito Hu'mamofihi yahi lamaga'aga nohibe. Ai koyapa'i afo'afu emilube ka lu molo'ehina'a huto Sikalafu'i afo'afitogati ali'ehibe. To lenali yatai bu gela kehelila nehananaya Yesu ai yatai lalitoga molo baga i letabe.

Aposolo 4:31

Enali ya hite nunumu ahilago li nupa hite nehana nonugu imima'i li'ehina. Ya huloto enali to Sikalafu'uba tito bai tolago enali Hu'mamofihi kaga'a lu yege homofa'na hi'ahana yabe.

Aposolo 4:8

Ya lite etoloka hago Pitatoga Sikalafu'uba bai tolago ai ma luto lu epi'ehina: Lenali Isilaeli bona'magi kaba bo'anise. To olopa babafi bona'ise.

Aposolo 8:25

Alihi etali bu ge'aha'inanamofihi kaga'a hiti Hu'mamofihi kaga'a hiti lu epi su helete etali i behe hite Yelusale kapo melete bi'aha'ina. Etali kapo melete nebite Samalia fato fato hepato ka lamana'a lu epime lu epime bi'aha'ina yabe.

Romu 1:15

Ya'mu nani Hu'mamofihi ka lamana'a lenali Lomu hepatoga neminana bonatoga lu lepilube'mu nohugo sipi laga nebesigo ana foya lilube luto amuya molo'ohube.

Romu 1:17

To ya'ma hetofa ka lamana'auba foipa bona'i Hu'mamofihi bu'alo enele'mo bati hilina ya'ma lelepi'ehina yabe. Hapa'a henana ni'ibe? Yata'a hiti to aliha'a hiti bona'magi Yesutoga komopa'ani emite nehago enele'mo bati hilina. Ya'ma ka lamana'a hapa ni'ibe. To koyapa'i mono bukugu fayahi ge'ahana ma ni'ibe: Bona'i moneuba Hu'mamofitoga keheli ule'ale huto agoya hu emigo, ya'ma bomofihi Hu'mau bebe sose bo nohibe luto mino kosaba huse'na emilina'mu yabe.

Romu 10:15

To Hu'mau kaga'a lu yege hose bona'i ho melifinogo kaga tili tele mehinogo kiyi'afu ana kaga lu enelepilibe? Yana'mu mono bukugu fayahi ge'ahanamo ni'ibe: Enali kapo melete hekili hekili hite hetofa kaga'a lite neana bona'magihi enigigusalo soso hu epoloto gepohi lilune.

Romu 15:19

To huse mehuse suhi huto ule'ale nasana lito oto mololoto nohuto Sikalafu'amofitogati amuya liloto topa hose'na'a hiti lilenogo kehelilabe. To nani Yelusale hepatogati hapi fito Kilisitohi ka lamana'a asaga'i lu huto holito buba buba huto ya'ma me'i le'mo bego bego huto Ililikamu metoga buto lu yege ho'ohuna.

1 Koliti 2:10

Ya nasana'amu Hu'mau ai Sikalafu'a ho lifigo oto lu huto hu limilata nohibe. Ana Sikalafu'uba silaga bona'magihi komopa'anigu to Hu'mamofihi komopa'agu fala kito ni'ina'a hiti kehelilata nohinagi ya'ma lu hokolo hu leto'ehibe.

2 Koliti 1:22

To ai'a bona'a minalune luto komopatigu keya'a molo leto'ehinamo ni'ibe. Ai aliha'a lele'mo laga hina huto mino baga ilinamofihi babeyafa'a lolo huto ya'ma ai Sikalafu'a komopatigu molo letago mino'ehinamo ni'ibe.

2 Koliti 6:6

Ya huto nominotaya komopati besa lago nohuto kehelise'na minoto komopati fulu higo minoto lalalutigihi noenehe'motogo Sikalafu'i hiti minoto komopati bati huto epilata nohune.

Galesia 1:12

To melugu bona'magitogati meli'ohube. To bona'magi menelepi'ahana. Yesu Kilisitou ai'asigo lu hokolo huto huto lu nimi'ehinamo ni'ibe.

Galesia 1:16

Elesa molo nimi'ehina ya'ma keheligo tigo ka'a ya'ma fegutoga bona'i enalitoga ka lamana'a lu yege hoto ya'ma luto lu hofa talane luto pana'amofihi hapa'a lu huto huto nelepi'ehina. To ya hu'ehinaya ana kagamu'i ya'ma nani fato'i lu nimilo luto bona'magihi suhi lolo huto loka meho epolo'ohunamo ni'ibe.

Efeso 3:10

Hena'mube? Yatai Hu'mamofihi yagapana'a lali moneko'na huto nominenogo ya'ma kokulumagu agelo enigihiti bo to amuya'ani hiti bo nehanamagi lali bu legelete Hu'mamofihi keheli bati huse'na fato fato'mofihi yatai keheli bati hilabe luto ni'ibe.

1 Tesalonika 2:9

Lalalutigita, naga ito li hetofa huto nohutogo lenali kosele'i lenoho laligi luto utehi foya'a amuya moloto to babu luto lito nohuto Hu'mamofihi ka lamana'a lu lepi'ohuta'a akeheli'ahabe.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

Hibulu 11:13

Bona'i ya hana'amagi keheli ule'ale hite minete filite bi'ahana'a enali Hu'mau lu molo'ehinamofihi ana'ina enele'mo keta mehuse'namofihi legeya'a ya'ma mele'isi meli'ahana, fa'mene foto'i ni'igo be gelete ka'a lite kehelite li pili kete mine'ahana. Ya hite minete, hapa'ani ma lite keheli'ahana: Lali fa'mene metoga minoto bonoho bona to ka'i logo lili bona tegi huto nohune lite keheli'ahana.

Hibulu 2:4

Ya nohigo ana kanagu Hu'mau ya'ma lubuto bilatanamofihi kaga'a lusiga lu'ehinamoya ai'a fato fato suhi to amuya'amofihi nasana to topa hose'namofihi ana'ina kosaba'i to babeyafa'alo fato fato'i li huto huto molo'ehina yabe. To Hu'mau ai lu kehelito ya'ma Sikalafu'mofihi nasana amuya'a ai'a lu'ehinalo moloto guna ito limi'ehina yabe.

Hibulu 4:2

To ka lamana'a enali'i lu epi'ehina'ago huto lali'i lu limi'ehibe. To enali ya'ma ka'a kehelilete komopa'anigu li memalago limito keheli ule'ale hite memino'ehina to enalitoga futu'ago mino'ehina yabe.

1 Pita 1:25

Ya huto ni'inaya, to Sipi Bomofihi kaga yauba amuya moloto minoba minoba huto minalina'mu yabe. To ana kaga ya'ma lu yege hose ka lamana'auba lenalitoga nehetigo ana kaga'ya kehelilata nehabe.

1 Pita 4:6

Yana'mu Kilisitou buto fili'ahana'amagihi ka lamana'a lu huto huto lu epi'ehinamo ni'ibe. Henabe lutobe? Enali'ya filise bona'magi asaga'i koyapa melugu minete enubu hiti mine'ehite ya hi'ahanamofihi hapa'animu Hu'mau kehelito guna moloto kaga'animu loko hu epolo'ehina yanamagi to enemeha'ani Hu'mamofihi kapolo nebite minoba minoba minolatana nasana mone lilabe luto lu epi'ehinamo ni'ibe.

Huto Hilina Ka 5:11

Aku'i nubu bu go saga huto bu go'ohuna. Ya'ma agelo samahi tite silaga'magihi enabagaguti kaga silaga'i keheli'ohuna. Enali ya'ma 100 milioni to tauseni to tauseni mine'ahana. Enali ya'ma sekele mamu'a hiti kefa hisalo to kene'i amuya moloto minolata loebe loebe nehana to olopa bona'i luga'a neminana hepato fi bego hite minete,