Amos 2:4 - An Bíobla Naoṁṫa 1817 (Bedell)

⁴ ¶ Marso a deir an TIĠEARNA; Ar son ṫrí sáruiġṫe Iúdah, agus ar son a ceaṫair, ní ċoigeola mé é; do ḃríġ gur ḋísbeagadar dliġeaḋ an TIĠEARNA, agus nár ċoiṁéadadar a aiṫeanta, agus ṫug a mbréuga orra seaċrán do ḋéanaṁ, a ndiaiġ ar ṡiuḃluiġeadar a naiṫre:

Amos 2:4 ပူးပေါင်းရင်းမြစ်များ

II Rioġ 17:19

Mar an gcéadna níor ċoṁuill Iúdah aiṫeanta a TTIĠEARNA Día, aċd do ṡiuḃluiġeadar a reaċduiḃ Israel noċ do rinneadar féin.

II Croinicliḃ 25:14

¶ Anois tárla, a nuáir dfill Amasiah ó ár na Nedomiteaċ, go ttug sé dee ċloinne Seír leis, agus gur ċuir sé súas mar ḋée ḋó féin iad, agus do ċrom sé é féin síos dóiḃ, agus do loisg sé túis dóiḃ.

II Croinicliḃ 30:7

Agus ná bíṫíse cosṁuil re ḃur naiṫreaċa, agus cosṁuil re ḃur ndéarḃráiṫriḃ, noċ do ṗeacaiḋ a naġaiḋ an TIĠEARNA Día a naiṫreaḋ, noċ do ṡeaċaid íad ar a naḋḃarsin dá scrios, mar do ċíṫíse.

Nehemia 1:7

Do rinneamar go ro ṫruáilliġṫe ad aġaiḋsi, agus níor ċoiṁéadamar na haiṫeanta, náid na reaċda, náid na breiṫeaṁnuis, do aiṫin tú dot ṡerḃíseaċ Máoise.

Nehemia 9:26

Ṫairis sin do ḃádar easúṁal, agus do ċaṫuiġeadar ad haġaiḋsi, agus do ṫeilgiodar do ḋliġeaḋ táoḃ ṡíar dá ndruim, agus do ṁarḃadar ṫfáiġe noċ do níoḋ fiaḋnuise na naġaiḋ dá bfilleaḋ ċugadsa, agus do oibriġeadar glúasaċta móra.

Isaiah 28:15

Do ḃríġ go ndúḃraḃair, Do rinneamar cconraḋ ris an mbás, agus atámaóid a réiġteaċ ré hifrionn; a nuáir raċus an scíursa díḃṫeirgeaċ ṫort, ní ṫiucfa sé orruine: óir do rinneamar ar ndídean don ḃréig, agus faói an mbréig dfolċamar sinn féin:

Isaiah 44:20

Bíaṫuiḋ sé ar lúaiṫ, dfill croiḋe meallta do leaṫtaoiḃ é, go naċ ḃféadann sé anam do ṡáoraḋ, nó a ráḋ, Naċ ḃfuil bréag am láiṁ ḋeis.

Ieremiah 16:11

Ann sin a déara tú ríu, Do ḃríġ gur ṫréigeadar ḃur naiṫre mé, a deir an TIĠEARNA, agus gur ṡlúḃluiġeadar a ndiáiġ dée oile, agus gur aḋradar ḋóiḃ, agus gur onóruiġeadar íad, agus gur ṫréigeadar misi, agus nar ċoiṁéadadar mo ḋliġeaḋ;

Ieremiah 16:12

Agus go ndearnaḃairsi ní as measa náid ḃur naiṫre; óir, féuċ, siúḃluiġ gaċ uile ḋuine aguiḃ do réir smuáiniġ a droċċroiḋe féin, ċor naċ féidir léo éisteaċd riomsa:

Ieremiah 17:27

Aċt ċeana muna néistiġse riomsa do náoṁaḋ laé na saóire, agus gan úalaċ diomċur, ag dul a steaċ a ngeataḋuiḃ Ierusalem a ló na saóire; annsin deargfa mé teine iona geataḋuiḃ, agus loisgfiḋsí pálás Ierúsalem, agus ní múċfuiġear í.

Ieremiah 6:19

Eíst, a ṫaluiṁ: féuċ, do ḃéara mé olc ar an muinntirsi, eaḋon toraḋ a smúaintiġe, do ḃríġ nár éisteadar rem ḃríaṫruiḃ, nó rem ḋliġeaḋ, aċt a tarcuisniuġaḋ.

Ieremiah 8:2

Agus leaṫnoċuid síad íad as coinne na gréine, agus na gealuiḋe, agus ṡlóiġ neiṁe uile, noċ dob ionṁuin léo agus dá ndeárnadar seirḃís, agus a ndiáiġ ar ṡiúḃluiġeadar, agus noċ díarradar, agus noċ do aḋradar: ní ċruinneoċṫar íad, ní haḋlocṫar íad, biáid ċum aóiliġ ar ġnúis na talṁan.

Ieremiah 8:9

Atá náire air na daoíniḃ críonna, atáid ar líoṫaḋ agus ar na ngaḃáil: féuċ, do ḋíultadar bríaṫra an TIĠEARNA; agus cred an gliocas atá ionnta?

Ieremiah 9:14

Aċt gur ṡiuḃluiġeadar do réir smuáintiġṫe a ccroiḋe féin, agus a ndiáiġ Ḃaalim, noċ do ṁúin a naiṫre ḋóiḃ:

Eseċiel 13:22

Do ḃríġ go ndéarnaḃair croiḋe na ḃfíréun duḃaċ lé bréagaiḃ, naċ déarna misi duḃaċ; agus gur neartniġeaḃair láṁa an ċiontuiġ, go naċ ḃfillfeaḋ sé ó na ḋroiċṡliġe, lé geallaṁuin a anma ḋó:

Eseċiel 20:13

¶ Aċt do ċaṫuiġ tiġ Israel am aġaiḋsi annsa ḃfásaċ: níor ṡiuḃluiġeadar ann mo reaċtuiḃ, agus do ṫarcuisniġeadar mo ḃreiṫeaṁnusa, noċ dá ndéarnaiḋ duine, mairfiḋ sé ionta; agus do ṫruáilliġeadar mo ṡabbóide go mór: annsin a duḃairt mé, Go ndóirtfinn amaċ mo ḋioġaltas orra annsa ḃfásaċ, da scrios.

Eseċiel 20:16

Do ḃríġ gur ḋísbeagadar mo ḃreiṫeaṁnuis, agus nar ṡiuḃluiġeadar ann mo reaċtaiḃ, aċt gur ṫruáilleadar mo ṡaóire: óir do ċuáiḋ a ccroiḋṫe a ndiáiġ a nioḋail.

Eseċiel 20:18

Aċd a duḃairt mé re na ccloinn annsa ḃfásaċ, Ná siuḃluiġiḋsi a reaċtaiḃ ḃur naiṫreaḋ, agus ná cuṁduiġṫi a mbreiṫeaṁnuis, agus ná salċuiḋ siḃ féin le na nioḋaluiḃ:

Eseċiel 20:24

Do ḃríġ naċ déarnadar mo ḃreiṫeaṁnuis, aċt gur ḋísbeagadar mo reaċta, agus gur ṫruáilliodar mo ṡaóire, agus go raḃadar a súile a ndiaiġ ioḋal a naiṫreaḋ.

Eseċiel 20:30

¶ Uimesin abair ré tiġ Israel, Is marso a deir an Tiġearna DIA; An ḃfuiltíse truáilliġṫe do réir ġnáṫa ḃur naiṫreaḋ? agus a ndéantaói striopaċus do réir a ngráineaṁlaċtasan?

Eseċiel 22:28

Agus do ḋóibliodar a fáiġe íad féin lé moirtéul gan súaṫaḋ, ag faicsin díoṁaóinis, agus ag fáistine bréug ḋóiḃ, ag ráḋ, Is marso a deir an Tiġearna DIA, an tan nar laḃair an TIĠEARNA.

Eseċiel 22:8

Do ṫarcuisniġ tú mo neiṫe naoṁṫasa, agus do ḃris tú mo ṡaóire.

Hosea 12:2

Atá imreasan ag an TTIĠEARNA ré Iúdah, agus smaiċteoċa sé Iacob do réir a ṡliġṫeaċ; do reir a ġníoṁ do ḃéara sé luáiġeaċd dó.

Hosea 12:3

¶ Do ġlac sé a ḋearḃraṫair ar ṡáil annsa mbroinn, agus le na neart do ḃí cuṁaċt aige ag Día:

Hosea 6:11

Mar an ccéadna, a Iúdah, do ṡuiġiḋ sé foġṁar ḋuitsi, a nuáir do iompoiġ misi daóirsine mo ṗobail.

Amos 1:3

¶ Is marso a deir an TIĠEARNA; Ar son ṫrí sáruiġṫe Ḋamascus, agus ar son a ceaṫair, ní ċoigeola mé íad; do ḃríġ gur ḃuáileadar Gileád lé súistiġiḃ íaruinn:

Amos 3:2

Siḃsi aṁáin daiṫin mé duile ṁuinntearuiḃ na talṁan: uimesin smaiċteoċa mé siḃ ar son ḃur nuile éigceart.

Micah 6:12

Oír atáid a ndaóine saiḋḃre sin lán dfoiréigion, agus do laḃradar a náitreaḃṫuiġ bréuga, agus is cealgaċ a tteanga iona mbéul.

Habaccuc 2:18

¶ Cred ṫarḃuiġios a níoṁáiġ ġreanta ar ġrean fear a hullṁuiġṫe í; a níoṁáiġ leaġṫa, agus teagasgóir bréug, as a ndóṫċusuiġionn fear déanta a oibre féin ann, do ḋéanaṁ ioḋal mbalḃ?

Roṁánaċ 1:25

Mar ḋruing do iompóiḋ fírinne Dé a mbréig, agus do rinne onóir agus seirḃís don ċreatúr ag treigean an Ċruṫaiġṫéora, noċ atá beannaiġe go síorraiḋe. Amén.

1 Chum na dTesaloníceach 4:8

Ar a naḋḃarsin an tí ċuireas a neaṁṡuin na neiṫesi, ní a nduine atá neaṁṡúim aige, aċd a Ndía, noċ fós tug ḋúinne a Sbiorad náoṁṫa féin.

1 Peadar 1:18

Ar mbeiṫ a ḟeasa aguiḃ naċ lé neiṫiḃ truáilliġe, ré hairgead ná hór do fúasglaḋ síḃ ó ḃur gcoinḃearsaid ḋíoṁaóin dár leanaḃair do réir luirg na sinnsear;

Breiṫeaṁuin 10:6

¶ Agus do rinneadar clann Israel olc á rís a raḋarc an TIĠEARNA, agus do aḋradar Báalim, agus dée Sídon, agus dée Ṁóab, agus dée ċloinne Ammon, agus dée na Ḃṗilistineaċ, agus do ṫréigiodar an TIĠEARNA, agus ní ḋéarnadair serḃís do.