U-Ezra 9:3 - iBhayibhili Elingcwele 1978

³ Kwathi ngisizwa lokho ngadabula ingubo zami lesigqoko sami, ngangcothula inwele ekhanda lami lendevu zami, ngahlala phansi ngathithibala.

IBhayibhili Elingcwele LesiNdebele

³ Ngathi ngikuzwa lokho ngadabula isigqoko sami lejazi lami, ngadonsa inwele ekhanda lami lezindevu zami ngahlala phansi ngididekile.

U-Ezra 9:3 ပူးပေါင်းရင်းမြစ်များ

2 USamuyeli 1:11

UDavida wasebamba izigqoko zakhe ezidabula; enza njalo lawo wonke amadoda ayelaye.

2 AmaKhosi 18:37

UEliyakimi indodana kaHilikiya owayengumgcini wesigodlo, loShebina umabhalane, loJowa indodana kaAsafi, owayengumbhali, beza kuHezekiya izigqoko zabo zidatshuliwe, bamtshela amazwi enceku enkulu.

UNehemiya 1:4

Kwathi ngisizwa lamazwi ngahlala phansi ngakhala, ngalila insuku ezinengi, ngizila ukudla, ngikhuleka kuNkulunkulu ophezulu.

UNehemiya 13:25

Ngaphikisana labo, ngabaqalekisa, ngatshaya abanye babo, ngangcothula inwele zabo; ngabafungisa ngebizo likaNkulunkulu ukuba bathi: Kasisayikwendisela amadodakazi ethu amadodana abo, loba sithathele amadodana ethu amadodakazi abo, ingabe sizithathele thina.

UJobe 1:20

UJobe wasesuka edabula ingubo yakhe, waphuca ikhanda lakhe, wawa phansi, wakhuleka;

AmaHubo 119:53

Ngiyathukuthela kakhulu ngenxa yababi abatshiya umlayo wakho.

AmaHubo 143:4

Ngakhoke umoya wami uphela amandla phakathi kwami, lenhliziyo yami ithithibele phakathi kwami.

AmaHubo 66:3

Tshonini kuNkulunkulu lithi: Yeka ukwesabeka kwezenzo zakho! Ngenxa yobukhulu bamandla akho izitha zakho ziyaququbala phambi kwakho.

U-Isaya 15:2

Abantu baseDiboni bakhwela endaweni eziphakemeyo zokukhonzela ukuyakhala; abantu baseMowabi bakhalela iNebo leMedeba; bonke baphucile amakhanda, bagela lezindevu;

UJeremiya 36:24

Kodwa inkosi lezinceku zayo ezawezwayo wonke lamazwi kabesabanga, kabadabulanga ingubo zabo.

UJeremiya 7:29

Gelani inwele zenu, lizilahle, lina bantu baseJerusalema; lilile emadundulwini angelalutho; ngoba iNkosi isalile yasilahla isizukulwana esivuse ulaka lwayo.

UHezekhiyeli 3:15

Ngafikake kwabathunjiweyo eTelabibi, ababehlala ngasemfuleni iKebari. Ngahlala phakathi kwabo insuku eziyisikhombisa ngithithibele.

UHezekhiyeli 7:18

Bonke bazagqoka izambatho zokulila, behlelwe yikwesaba, babanjwe zinhloni, baphuce amakhanda.

UDanyeli 4:19

Ng’khona uDaniyeli obizo lakhe lalinguBeliteshazari wamangala okwesikhatshana, lemicabango yakhe yamethusa. Inkosi yasisithi: Beliteshazari, ungethuswa liphupho lencazelo yalo. UBeliteshazari waphendula wathi: Nkosi yami, iphupho kalibe ngelalabo abakuzondayo, lencazelo yalo ibe ngeyezitha zakho.

UDanyeli 8:27

Mina Daniyeli, ngasengiphela amandla, ngagula insuku ezithile; ngavuka ngenza umsebenzi wenkosi, kodwa ngamangaliswa yilowombono, kangaze ngawuqedisisa.

ULevi 21:5

Kabayikuphuca amakhanda abo, bangageli indevu zabo, bangazisiki emizimbeni yabo.

UMikha 1:16

Phucani inwele zenu ukuba likhalele abantwana elibathandayo; phucani libe njengokhozi, ngoba bazathunjwa kini.

UJoshuwa 7:6

UJoshuwa labadala bakoIsrayeli basebedabula izigqoko zabo, bathi mbo ngobuso phansi phambi komtshokotsho weNkosi kwaze kwahlwa, bathela uthuli emakhanda abo.