U-Ezra 4:7 - iBhayibhili Elingcwele 1978

⁷ Ensukwini zokubusa kukaAtakisekisi inkosi yasePerisiya oBishilamu loMithiredathi loTabeyeli labanye abakibo bagwalela uAtakisekisi incwadi eyayilotshwe ngesiAramu.

IBhayibhili Elingcwele LesiNdebele

⁷ Njalo kwathi ngezinsuku zika-Athazekisisi inkosi yasePhezhiya uBhishilamu, loMithiredathi loThabheli labo bonke abangane babo baloba incwadi isiya ku-Athazekisisi. Incwadi leyo yayibhalwe ngolimi lwesi-Aramayikhi ngendlela yokuloba kwawo ama-Aramu.

U-Ezra 4:7 ပူးပေါင်းရင်းမြစ်များ

2 AmaKhosi 18:26

UEliyakimi indodana kaHilikiya loShebina loJowa bathi encekwini enkulu: Akukhulume lezinceku zakho ngesiAramu, ngoba siyasizwa; ungakhulumi lathi ngolimi lwakoJuda abantu abasemdulini besizwa.

U-Ezra 4:1

Kwathi lapho izitha zakoJuda lezakoBenjamini sezizwile ukuthi abantu ababuyileyo ekuthunjweni babesakhela iNkosi uNkulunkulu kaIsrayeli ithempeli,

U-Ezra 4:17

Inkosi yasiphendula isithi: KuboRehuma induna loShimishayi umbhali lakwabanye benu abahlala eSamariya lakulo lonke ilizwe elingaphetsheya komfula iYufrathi ngiyabingelela.

U-Ezra 4:8

URehuma induna loShimishayi umbhali babhalela inkosi uAtakisekisi bemangalela iJerusalema bathi:

U-Ezra 4:9

Nansi incwadi yaboRehuma induna loShimishayi umbhali kanye labanye, abehluleli, lababusi, lezinduna zamaPerisiya, labantu baseEreki labaseBabiloni labaseSusa, abathiwa ngabaseElamu,

U-Ezra 5:6

Nansike incwadi abayithumela kuDariyu inkosi oTathenayi umbusi welizwe elingaphetsheya kweYufrathi loShethari‐Bozenayi lababelabo ababusi ababeselizweni elingaphetsheya kweYufrathi,

U-Ezra 7:1

Emva kwalokho, kusabusa uAtakisekisi inkosi yasePerisiya, kwasuka uEzra owayeyindodana kaSeraya kaAzariya kaHilikiya

U-Ezra 8:36

Banikeza lezimemezelo zenkosi kuzikhulu zenkosi lakubabusi belizwe elingaphetsheya komfula iYufrathi; bona basiza abantu lendlu kaNkulunkulu.

UNehemiya 2:1

Ngenyanga kaNisani, ngomnyaka wamatshumi amabili wokubusa kwenkosi uAtakisekisi, iwayini laliphambi kwenkosi, ngalithatha ngayinika. Ngema phambi kwayo ngangidanile kakhulu.

U-Isaya 36:11

UEliyakimi loShebina loJowa bathi encekwini enkulu: Ake ukhulume lezinceku zakho ngesiAramu, ngoba siyasizwa; ungakhulumi lathi ngolimi lwakoJuda abantu abasemdulini besizwa.

UDanyeli 11:2

Khathesi ngizakukutshela. Kusezakuvela amakhosi amathathu ePerisiya; eyesine izanotha ukwedlula wonke. Kuthi lapho isiqinile ngenxa yenotho yayo, izimisele ukulwa lombuso wamaGriki.

UDanyeli 2:4

AmaKaladiya athi enkosini ngesiAramu: Bayethe nkosi! Ake uzitshele inceku zakho iphupho, thina sizakutshela incazelo yalo.