U-Ezra 3:1 - iBhayibhili Elingcwele 1978

¹ Lapho isifikile inyanga yesikhombisa, labakoIsrayeli sebehlezi emizini yabo, abantu babuthana eJerusalema njengomuntu munye.

IBhayibhili Elingcwele LesiNdebele

¹ Kwathi sekufika inyanga yesikhombisa, lapho abako-Israyeli sebehlezi emizini yakibo, abantu babuthana njengomuntu munye eJerusalema.

U-Ezra 3:1 ပူးပေါင်းရင်းမြစ်များ

1 AbaseKhorinte 1:10

Ngiyalincenga, bazalwane, ngebizo leNkosi yethu uJesu Kristu, ukuthi lonke likhulume ilizwi libe linye, kungabi khona ukwahlukana phakathi kwenu, kodwa lipheleliswe emqondweni munye lasekuboneni kunye.

Imisebenzi 4:32

Ixuku labakholwayo lalinhliziyonye lomoya munye; kungekho loyedwa owathi impahla zakhe zingezakhe, kodwa bahlanganyela izinto zonke.

ULevi 23:24

Tshono ebantwini bakoIsrayeli uthi: Usuku lokuqala lwenyanga yesikhombisa luzakuba lusuku lokuphumula kini, usuku oluyisikhumbuzo olumenyezelwa ngokutshwaywa kwezimpondo, kube lenkonzo enkulu ngalo.

Imisebenzi 2:46

Insuku ngensuku bakhuthalela nganhliziyonye ukuhlangana ethempelini, behlephula isinkwa emakhaya abo, badla ukudla kwabo ngentokozo langenhliziyo emhlophe,

UZefaniya 3:9

Ngalesosikhathi ngizakunika abantu ukukhuluma okuhlambulukileyo, ukuba bonke bakhuleke ebizweni lami, bangikhonze nganhliziyonye.

UNehemiya 8:14

Bafumanisa kulotshiwe emlayweni ukuthi iNkosi yayilayile ngoMose ukuba abantu bakoIsrayeli bahlale emadumbeni ngesikhathi somkhosi ngenyanga yesikhombisa,

UNehemiya 7:73

Abapristi lamaLevi labalindi bamasango labahlabeleli labanye abantu lezinceku zasethempelini kanye labo bonke abanye abakoIsrayeli bahlala emizini yabo. Ekufikeni kwenyanga yesikhombisa abakoIsrayeli basebesemizini yabo.

Abahluleli 20:1

Bonke abakoIsrayeli baphuma kusukela eDani kusiya eBerisheba kanye lelizwe leGileyadi, ibandla lonke labuthana njengamuntu munye eNkosini eMizipa.

ULevi 16:29

Lokhu kuzakuba yisimiso esingelakuphela kini sokuthi ngosuku lwetshumi lwenyanga yesikhombisa lizakuzithoba, lingasebenzi, owokuzalwa elizweni lowemzini ohlala phakathi kwenu.

UNehemiya 8:1

Bonke abantu babuthana njengomuntu munye egcekeni eliphambi kweSango laManzi; bacela uEzra umbhali ukuletha ugwalo lomlayo kaMose iNkosi eyayiwunike uIsrayeli.

UDutheronomi 16:16

Kathathu ngomnyaka bonke abesilisa benu bazakuza ukuyikhonza iNkosi uNkulunkulu wenu endaweni ezakuyikhetha, ngomkhosi wesinkwa esingelamvubelo, ngomkhosi wamaviki, langomkhosi wamadumba. Kabangezi ukuyidumisa iNkosi bengaphathanga lutho;

UNehemiya 7:72

Abanye abantu banikela inhlamvu zegolide ezizinkulungwane ezingamatshumi amabili lamashekeli esiliva azinkulungwane ezilikhulu lezambatho zabapristi ezingamatshumi ayisithupha lesikhombisa.