U-Ezra 10:3 - iBhayibhili Elingcwele 1978

³ Ngakhoke asenze isivumelwano loNkulunkulu wethu ukuba silahle bonke lababafazi labantwana babo ngeseluleko senkosi yami langesalabo abawesabayo umlayo kaNkulunkulu wethu; kwenziwe njengokutsho komlayo.

IBhayibhili Elingcwele LesiNdebele

³ Manje kasenzeni isivumelwano phambi kukaNkulunkulu wethu ukubalahla bonke labobafazi labantwababo njengeseluleko senkosi yami lalabo abayesabayo imilayo kaNkulunkulu wethu. Kakwenziwe ngendlela yoMthetho.

U-Ezra 10:3 ပူးပေါင်းရင်းမြစ်များ

2 AmaKhosi 11:17

UJehoyada wenza isivumelwano phakathi kweNkosi uNkulunkulu lenkosi labantu ukuba babe ngabantu beNkosi uNkulunkulu; wenza isivumelwano laphakathi kwenkosi labantu bayo.

2 ImiLando 29:10

Kusenhliziyweni yami ukuba senze isivumelwano leNkosi, uNkulunkulu kaIsrayeli, ukuba ulaka lwayo oluvuthayo ludede kithi.

2 ImiLando 30:12

Isandla seNkosi sasilabakoJuda ukubanika inhliziyonye ukwenza lokho inkosi lezikhulu ezazikutshilo ngelizwi leNkosi uNkulunkulu.

2 ImiLando 34:21

Hambani liyesibuzela eNkosini uNkulunkulu mina lalabo abaseleyo koIsrayeli lakoJuda mayelana lamazwi alolugwalo olufunyenweyo; ngoba lukhulu ulaka lweNkosi olusehleleyo, ngoba obaba kabaligcinanga ilizwi layo ukuba benze njengokulotshiweyo kulolugwalo.

2 ImiLando 34:27

ngoba inhliziyo yakho izisolile, wazithoba phambi kwami lapho usizwa amazwi ami ngalindawo langabahlala kiyo, uzithoba phambi kwami, wadabula izigqoko zakho wakhala, lami ngikuzwile.

U-Ezra 10:11

Ngakhoke vumani isono senu eNkosini uNkulunkulu wabokhokho benu, lenze intando yayo; zahlukaniseni labantu balelilizwe, lilahle abafazi bezizweni.

U-Ezra 10:44

Bonke laba babethethe abafazi bezizweni, babalahla kanye labantwana babo.

U-Ezra 10:9

Bonke abantu bakoJuda labakoBenjamini babuthana eJerusalema ngensuku ezintathu; kwathi mhla wosuku lwamatshumi amabili lwenyanga yesificamunwemunye abantu bonke bahlala egumeni elingaphambi kwendlu kaNkulunkulu beqhaqhazela ngenxa yalindaba langenxa yezulu elikhulu elalisina.

U-Ezra 9:4

Bonke abawesabayo amazwi kaNkulunkulu kaIsrayeli babuthana kimi ngenxa yobubi babathunjiweyo ababuyileyo, mina ngihlezi ngithithibele kwaze kwaba yisikhathi somnikelo wakusihlwa.

UNehemiya 10:1

Labo abafaka uphawu lwabo kulesisivumelwano babengoNehemiya umbusi indodana kaHakaliya loZedekiya

UNehemiya 8:14

Bafumanisa kulotshiwe emlayweni ukuthi iNkosi yayilayile ngoMose ukuba abantu bakoIsrayeli bahlale emadumbeni ngesikhathi somkhosi ngenyanga yesikhombisa,

UNehemiya 9:38

Ngenxa yakho konke lokhu senza isivumelwano esiqinileyo, siyasigcwalisa, izikhulu zethu lamaLevi ethu labapristi bafake uphawu lwabo.

AmaHubo 119:120

Umzimba wami uyathuthumela ulovalo ngawe, ngiyesaba izahlulelo zakho.

AmaHubo 119:59

Lapho ngicabanga ngendlela zakho, ngiqondisa inyawo zami emilayweni yakho.

U-Isaya 66:2

Zonke lezizinto zenziwe yizandla zami, ngakho zonke lezizinto ngezami, kutsho iNkosi. Kodwa umuntu engimqaphelisayo yilowo othobekileyo, olomoya odabukileyo, olesabayo ilizwi lami.

U-Isaya 8:20

Yebo, abantu bazakutsho njalo; kodwa amazwi abo ayize.

UHezekhiyeli 9:4

yathi kuye: Dabula phakathi komuzi waseJerusalema, ufake uphawu emabunzini abantu ababubulayo bekhala ngawo wonke amanyala enziwa phakathi kwawo.

UDutheronomi 29:12

ukuba livume isivumelwano lesifungo seNkosi uNkulunkulu wenu esenzayo lani lamuhla,

UJoshuwa 9:6

Baya kuJoshuwa ezihonqweni eGiligali, bathi kuye labakoIsrayeli: Sivela elizweni elikhatshana, ngakhoke yenzani isivumelwano lathi.