U-Eksodasi 8:8 - iBhayibhili Elingcwele 1978

⁸ UFaro wasebabiza oMose loAroni wathi: Ncengani iNkosi ukuba isuse amaxoxo kimi lasebantwini bami; ngizabavumela abantu ukuba bayehlabela iNkosi.

IBhayibhili Elingcwele LesiNdebele

⁸ UFaro wabiza uMosi lo-Aroni wathi kubo, “Ncengani uThixo asuse amaxoxo kimi lebantwini bami, lami ngizavumela abantu bakhe ukuba bahambe bayenikela imihlatshelo kuThixo.”

U-Eksodasi 8:8 ပူးပေါင်းရင်းမြစ်များ

1 AmaKhosi 13:6

Inkosi uJerobowamu yathi emuntwini kaNkulunkulu: Ake ungincengele eNkosini uNkulunkulu wakho, ungikhulekele, ukuba isandla sami sisiliswe. Umuntu kaNkulunkulu wasemncengela eNkosini, lesandla sikaJerobowamu sasiliswa saba njengakuqela.

AmaHubo 66:3

Tshonini kuNkulunkulu lithi: Yeka ukwesabeka kwezenzo zakho! Ngenxa yobukhulu bamandla akho izitha zakho ziyaququbala phambi kwakho.

U-Eksodasi 10:16

UFaro wasephangisa ukubabiza oMose loAroni, wathi kubo: Ngonile eNkosini uNkulunkulu wenu lakini.

U-Eksodasi 10:17

Ngakhoke ake lingithethelele isono sami okwalesisikhathi esisodwa nje, liyincenge iNkosi uNkulunkulu wenu ukuze isuse kimi lokhukufa.

U-Eksodasi 10:18

UMose waphuma kuFaro, wayincenga iNkosi.

U-Eksodasi 14:5

INkosi yaseGibithe yabikelwa ukuthi abantu sebebalekile; inhliziyo kaFaro lenhliziyo zezinceku zakhe zaphenduka mayelana labantu, bathi: Kuyini lokho esikwenzileyo, sabavumela abakoIsrayeli ukuba bahambe bangabe besasisebenzela na?

U-Eksodasi 32:11

Kodwa uMose wayincenga iNkosi uNkulunkulu wakhe wathi; Nkosi, ulaka lwakho lubavuthelelani abantu bakho owabakhupha elizweni laseGibithe ngamandla amakhulu langesandla esiqinileyo na?

U-Eksodasi 5:2

Kodwa uFaro wathi: INkosi ingubani ukuba ngilalele ilizwi layo, ngivumele abakoIsrayeli bahambe na? Kangiyazi iNkosi, futhi kangiyikubavumela abakoIsrayeli ukuba bahambe.

U-Eksodasi 8:15

Kodwa uFaro esebonile ukuthi kukhona ukuthula, wayenza yaba lukhuni inhliziyo yakhe, kazabalalela, njengokutsho kweNkosi.

U-Eksodasi 8:29

UMose wathi: Ngiyasuka kuwe, ngizakuyincenga iNkosi ukuba izibawu zisuke kusasa kuFaro lasencekwini zakhe lasebantwini bakhe; kodwa uFaro angaphindi akhohlise ngokungavumeli abantu bahambe, bayihlabele iNkosi.

U-Eksodasi 8:32

Kodwa uFaro wabuya wayenza yaba lukhuni inhliziyo yakhe, kabavumelanga abantu ukuba bahambe.

U-Eksodasi 8:9

UMose wathi kuFaro: Ngitshela ukuba ngizakukukhulekela ngasiphi isikhathi wena lenceku zakho, labantu bakho, ukuba amaxoxo asuswe kuwe lasezindlini zakho, asale emfuleni kuphela.

U-Eksodasi 9:27

UFaro wasethumela ilizwi ebiza oMose loAroni, wathi kubo: Khathesi ngonile; iNkosi ilungile, mina labantu bami sibabi.

U-Eksodasi 9:28

Incengeni iNkosi, ngoba kwanele ukuduma lokhu lesiqhotho lesi; ngizakuliyekela lihambe, lingabe lisahlala.

U-Eksodasi 9:33

UMose waphuma emzini evela kuFaro, waphakamisela izandla zakhe eNkosini; kwaphela ukuduma lesiqhotho, futhi lezulu kalabe lisana emhlabeni.

AmaNani 21:7

Abantu beza kuMose bathi: Sonile, ngoba siyisolile iNkosi lawe; sincengele eNkosini ukuba izisuse izinyoka kithi. UMose wasebancengela abantu eNkosini.

Imisebenzi 8:24

USimoni wasemphendula esithi: Ngikhulekelani lina eNkosini, ukuze ngingehlelwa ngolunye lwalezizinto elizitshiloyo.

1 USamuyeli 12:19

Bonke abantu bathi kuSamuweli: Khulekela inceku zakho eNkosini uNkulunkulu wakho, ukuba singafi; ngoba sengezelele ezonweni zethu zonke lobububi bokuzicelela inkosi.