U-Eksodasi 7:5 - iBhayibhili Elingcwele 1978

⁵ AmaGibithe azakwazi ukuthi ngiyiNkosi, mhla ngelula isandla sami phezu kweGibithe, ngikhuphe abakoIsrayeli phakathi kwawo.

IBhayibhili Elingcwele LesiNdebele

⁵ Njalo abantu baseGibhithe bazakwazi ukuthi ngempela mina nginguThixo lapho sengiselula isandla sami phezu kweGibhithe, besengikhupha abako-Israyeli kulelolizwe.”

U-Eksodasi 7:5 ပူးပေါင်းရင်းမြစ်များ

AmaHubo 138:7

Loba ngihamba phakathi kwenhlupheko, wena uyalondoloza ukuphila kwami; umelana lezitha zami ezilolaka, lesandla sakho sokunene siyangikhulula.

AmaHubo 9:16

INkosi izibonakalisile, yahlulela; ababi bathiywe emsebenzini wezandla zabo.

U-Eksodasi 10:2

lokuba utshele indodana yakho lendodana yendodana yakho izinto ezihlekisayo engizenze phezu kwamaGibithe lezibonakaliso engizenze phakathi kwawo, ukuze lazi ukuthi ngiyiNkosi.

U-Eksodasi 10:7

Inceku zikaFaro zathi kuye: Lumuntu uzasihlupha kuze kube nini na? Bavumele abantu ukuba bahambe, bayekhonza iNkosi uNkulunkulu wabo; kawukazi yini ukuthi iGibithe liyachitheka na?

U-Eksodasi 14:18

AmaGibithe azakwazi ukuthi ngiyiNkosi lapho sengizuze udumo ngoFaro langezinqola zakhe langabagadi bamabhiza.

U-Eksodasi 14:4

Ngizayenza ibe lukhuni inhliziyo kaFaro, abalandele, ngizuze udumo ngoFaro langayo yonke impi yakhe, ukuba amaGibithe azi ukuthi ngiyiNkosi. Benza njalo.

U-Eksodasi 18:8

UMose wasemlandisela uyisezala ngakho konke iNkosi eyayikwenzile kuFaro lakuwo amaGibithe ngenxa yabakoIsrayeli, langezinhlupheko zonke ezazibehlele endleleni, lokuthi iNkosi yayibakhulule.

U-Eksodasi 3:20

Ngakhoke ngizakwelula isandla sami ngilitshaye iGibithe ngezimangaliso zami zonke engizakuzenza phakathi kwalo; emva kwalokho izakulivumela lihambe.

U-Eksodasi 6:1

Kodwa iNkosi yathi kuMose: Khathesi uzakubona lokho engizakukwenza kuFaro; ngenxa yesandla esilamandla uzakubayekela ukuba bahambe, abaxotshe elizweni lakhe ngesandla esiqinileyo.

U-Eksodasi 6:6

Ngakhoke tshono kwabakoIsrayeli ukuthi: NgiyiNkosi; ngizalikhupha ekucindezelweni kwenu ngamaGibithe; ngilikhulule ebugqilini benu, ngilihlenge ngengalo elamandla langezenzo ezinkulu zokwahlulela.

U-Eksodasi 7:17

INkosi ithi: Ngalokhu uzakwazi ukuthi ngiyiNkosi; ngizatshaya amanzi omfula ngentonga esesandleni sami, aphenduke abe ligazi.

U-Eksodasi 8:10

Wathi: Kusasa. UMose wathi: Kakube njengelizwi lakho ukuze wazi ukuthi kakho onjengeNkosi uNkulunkulu wethu.

U-Eksodasi 8:19

Izangoma zasezisithi kuFaro: Lokhu kungumunwe kaNkulunkulu. Kodwa inhliziyo kaFaro yajinga iba lukhuni, kazabalalela, njengokutsho kweNkosi.

U-Eksodasi 8:22

Kodwa ngalesosikhathi ngizakwahlukanisa ilizwe laseGosheni abahlala kulo abantu bami, ukuba kungabi khona lapho izibawu, ukuze wazi ukuthi ngiyiNkosi emhlabeni.

UHezekhiyeli 25:17

Ngizabaphindisela ngokwesabekayo, ngibatshaye ekuthukutheleni kwami; lapho sengiphindisela, bazakwazi ukuba ngiyiNkosi.

UHezekhiyeli 28:22

uthi: INkosi uNkulunkulu ithi: Ngimelene lawe, wena Sidoni, ngizabonakalisa udumo lwami phakathi kwakho. Bazakwazi ukuba ngiyiNkosi lapho sengilithonisisa, ngibonakalise ubungcwele bami kilo.

UHezekhiyeli 32:15

Lapho ngichitha ilizwe laseGibithe, lalapho ilizwe liphundlwa konke okukilo, lalapho ngitshaya bonke abahlala kilo, bazakwazike ukuba ngiyiNkosi.

UHezekhiyeli 36:23

Ngizabonakalisa ubungcwele bebizo lami elikhulu elingcoliswe phakathi kwezizwe, elilingcolisileyo lina phakathi kwazo; lezizwe zizakwazi ukuba ngiyiNkosi, kutsho iNkosi uNkulunkulu, nxa sengibonakalisa ubungcwele bebizo lami ngani phambi kwazo.

UHezekhiyeli 39:22

AbakoIsrayeli bazakwazi ukuba ngiyiNkosi uNkulunkulu wabo kusukela kulolosuku.

UHezekhiyeli 39:7

Ngizakwenza ukuba ibizo lami laziwe phakathi kwabantu bami uIsrayeli, kangisayikuyekela ibizo lami elingcwele lingcoliswe futhi; lezizwe zizakwazi ukuba ngiyiNkosi, oNgcwele kaIsrayeli.