U-Eksodasi 7:16 - iBhayibhili Elingcwele 1978

¹⁶ Uzakuthi kuye: INkosi uNkulunkulu wamaHeberu ingithume kuwe ithi: Vumela abantu bami ukuba bahambe, baye enkangala ukungikhonza; kodwa kuze kube khathesi kawulalelanga.

IBhayibhili Elingcwele LesiNdebele

¹⁶ Ubokuthi kuye, ‘uThixo, uNkulunkulu wamaHebheru ungithumile njalo kuwe ukuba ngizekutshela ukuthi: Vumela abantu bami ukuthi bahambe, ukuze bayengikhonza enkangala. Kodwa kuze kube khathesi kawukalaleli.

U-Eksodasi 7:16 ပူးပေါင်းရင်းမြစ်များ

U-Eksodasi 10:3

UMose loAroni baya kuFaro bathi kuye: INkosi, uNkulunkulu wamaHeberu, ithi: Koze kube nini usala ukuzithoba phambi kwami na? Vumela abantu bami ukuba bahambe, bayengikhonza.

U-Eksodasi 13:15

Ngoba kwathi uFaro esenza inhliziyo yakhe ibe lukhuni ukuba asivumele sihambe, iNkosi yabulala wonke amazibulo elizweni laseGibithe, amazibulo abantu lamazibulo ezinkomo; ngenxa yalokhu ngiyayihlabela iNkosi konke okuvula isizalo okuduna; kodwa wonke amazibulo amadodana ami ngiyawahlenga.

U-Eksodasi 14:5

INkosi yaseGibithe yabikelwa ukuthi abantu sebebalekile; inhliziyo kaFaro lenhliziyo zezinceku zakhe zaphenduka mayelana labantu, bathi: Kuyini lokho esikwenzileyo, sabavumela abakoIsrayeli ukuba bahambe bangabe besasisebenzela na?

U-Eksodasi 3:12

Wathi: Impela ngizakuba lawe; lokhu kuzakuba yisibonakaliso kuwe sokuba ngikuthumile; lapho usubakhuphile abantu eGibithe, lizamkhonza uNkulunkulu kulintaba.

U-Eksodasi 3:13

UMose wathi kuNkulunkulu: Nxa ngifika kubo abakoIsrayeli ngithi: UNkulunkulu wabokhokho benu ungithumile kini; bona bazakuthi kimi: Ngubani ibizo lakhe? ngizakuthini kubo na?

U-Eksodasi 3:18

Bazalalela ilizwi lakho. Futhi uzakuya enkosini yaseGibithe, wena kanye labalisa bakoIsrayeli, lithi kuyo: INkosi uNkulunkulu wamaHeberu ihlangene lathi; ake usivumele sihambe khathesi ummango wezinsuku ezintathu siye enkangala ukuze sinikele iminikelo eNkosini uNkulunkulu wethu.

U-Eksodasi 4:22

Wena uzakuthi kuFaro: INkosi ithi: UIsrayeli uyindodana yami, ulizibulo lami;

U-Eksodasi 4:23

ngithi kuwe: Vumela indodana yami ukuba ihambe iyengikhonza; kodwa uba ungayivumeli, ngizabulala indodana yakho, izibulo lakho.

U-Eksodasi 7:4

Kodwa uFaro kayikukulalela; ngakho ngizakwelula isandla sami phezu kweGibithe, ngikhuphe eGibithe izimpi zami, abantu bami abakoIsrayeli, ngezenzo ezinkulu.

U-Eksodasi 8:1

INkosi yasisithi kuMose: Yana kuFaro uthi kuye: INkosi ithi: Vumela abantu bami ukuba bayengikhonza.

U-Eksodasi 8:20

INkosi yathi kuMose: Vuka ekuseni, umlindele uFaro; lapho ephuma esiya emanzini, uthi kuye: INkosi ithi: Vumela abantu bami ukuba bahambe ukuyangikhonza.

U-Eksodasi 9:1

INkosi yasisithi kuMose: Yana kuFaro uthi kuye: INkosi, uNkulunkulu wamaHeberu, ithi: Vumela abantu bami ukuba bahambe ukuyangikhonza.

U-Eksodasi 9:13

INkosi yasisithi kuMose: Vuka ekuseni, ume phambi kukaFaro uthi kuye: INkosi uNkulunkulu wamaHeberu ithi: Vumela abantu bami ukuba bahambe bayengikhonza.

U-Isaya 45:13

Ngimvusele ukulunga uKurosi, ngizahlelemba zonke izindlela zakhe; uzakwakha umuzi wami, akhulule abathunjiweyo bami, engabakhululeli inkokhelo lomvuzo, kutsho iNkosi yamabandla.

UJeremiya 50:33

INkosi yamabandla ithi: Abantu bakoIsrayeli bacindezelwe kanye labantu bakoJuda; bonke ababathumbileyo bababambile, bayala ukubayekela.