U-Eksodasi 6:1 - iBhayibhili Elingcwele 1978

¹ Kodwa iNkosi yathi kuMose: Khathesi uzakubona lokho engizakukwenza kuFaro; ngenxa yesandla esilamandla uzakubayekela ukuba bahambe, abaxotshe elizweni lakhe ngesandla esiqinileyo.

IBhayibhili Elingcwele LesiNdebele

¹ UThixo wasesithi kuMosi, “Uzabona esengizakwenza kuFaro khathesi. Ngenxa yamandla esandla sami uzabavumela bahambe, ngenxa yamandla esandla sami uzabaxotsha elizweni lakhe.”

U-Eksodasi 6:1 ပူးပေါင်းရင်းမြစ်များ

2 AmaKhosi 7:19

induna yamphendula umuntu kaNkulunkulu yathi: Uba iNkosi uNkulunkulu uqobo ingavula amawindi phezulu, kungenzeka lokhu na? Kodwa yena wathi: Uzakukubona ngawakho amehlo, kodwa kawuyikudla lutho lwakho.

2 AmaKhosi 7:2

Induna inkosi eyayibambelele engalweni yayo yathi emuntwini kaNkulunkulu: Uba iNkosi uNkulunkulu uqobo ingavula amawindi phezulu, kungenzeka lokhu na? Kodwa yena wathi: Uzakukubona ngawakho amehlo, kodwa kawuyikudla lutho lwakho.

2 ImiLando 20:17

Kakusini lodwa elizakulwa kulimpi; manini liqine, lizakubona ukunqoba iNkosi ezakulenzela khona, lina abakoJuda labaseJerusalema. Lingesabi litshaywe luvalo; kusasa phumani liyekulwa labo, iNkosi izakuba lani.

AmaHubo 12:5

Ngenxa yokubandezelwa komyanga langokububula koswelayo, sengizakuvuka, kutsho iNkosi. Ngizakubabeka enqabeni abayifisayo.

AmaHubo 12:6

Amazwi eNkosi angamazwi ahlambulukileyo, anjengesiliva esihlanjululwe esithandweni somlilo, sihlanjululwe kasikhombisa.

AmaHubo 136:12

ngesandla esilamandla langengalo elamandla, ngoba uthando lwayo olungapheliyo lumi kuze kube nininini;

AmaHubo 89:13

Ingalo yakho ilamandla, isandla sakho siqinile, isandla sakho sokunene siphakeme.

U-Eksodasi 11:1

INkosi yathi kuMose: Ngisezakwehlisela uFaro lakulo iGibithe enye inhlupheko eyodwa; emva kwalokho uzakulivumela ukuba lihambe; lapho eselivumela ukuba lihambe uzakulixotsha impela.

U-Eksodasi 12:31

Ebusuku wababiza oMose loAroni, wathi: Vukani, lisuke ebantwini bami lina labakoIsrayeli, lihambe liyekhonza iNkosi njengokutsho kwenu.

U-Eksodasi 12:33

AmaGibithe ayebakhuthaza abantu ukuba baphume elizweni ngokuphangisa, ngoba athi: Thina sonke sifile.

U-Eksodasi 12:39

Bapheka izinkwa ezingelamvubelo ngenhlama ababephume layo eGibithe ingavutshelwanga, ngoba baxotshwa ngokuphangisa eGibithe, bengaselasikhathi sokuzilungisela umphako.

U-Eksodasi 13:14

Lapho amadodana enu elibuza ngesikhathi esizayo esithi: Kutshoni lokhu na? lizakuthi kuwo: Ngamandla esandla iNkosi yasikhupha eGibithe, endaweni yobugqili.

U-Eksodasi 13:16

Kuzakuba luphawu ezandleni zenu lesikhumbuzo emabunzini enu, ngoba ngamandla esandla sayo iNkosi yasikhupha eGibithe.

U-Eksodasi 13:3

UMose wasesithi ebantwini: Khumbulani lolusuku eliphume ngalo eGibithe, endaweni yobugqili; ngoba ngamandla esandla iNkosi elikhuphe kulindawo. Kakungadliwa isinkwa esilemvubelo.

U-Eksodasi 13:9

Lokhu kuzakuba luphawu ezandleni zenu lesikhumbuzo emabunzini enu, ukuze umlayo weNkosi ube semilonyeni yenu; ngoba ngesandla esilamandla iNkosi ilikhuphile eGibithe.

U-Eksodasi 14:13

UMose wathi ebantwini: Lingesabi; manini liqine, libone ukukhulula kweNkosi ezakulenzela khona lamuhla; ngoba amaGibithe eliwabonayo lamuhla, kalisayikuwabona futhi.

U-Eksodasi 15:6

Isandla sakho sokunene, Nkosi, sibe lodumo ngamandla aso, isandla sakho sokunene, Nkosi, siyaphahlaza isitha.

U-Eksodasi 7:4

Kodwa uFaro kayikukulalela; ngakho ngizakwelula isandla sami phezu kweGibithe, ngikhuphe eGibithe izimpi zami, abantu bami abakoIsrayeli, ngezenzo ezinkulu.

U-Eksodasi 7:5

AmaGibithe azakwazi ukuthi ngiyiNkosi, mhla ngelula isandla sami phezu kweGibithe, ngikhuphe abakoIsrayeli phakathi kwawo.

U-Isaya 63:12

owasebenzisa amandla akhe, wenza izinto ezimangalisayo ngoMose, owahlukanisa amanzi phambi kwabo ukuba azenzele ibizo elingakhohlakaliyo,

AmaNani 11:23

INkosi yathi kuMose: Isandla seNkosi siyehluleka ukusiza na? Khathesi usuzakubona ukuthi ilizwi lami lizagcwaliseka kuwe yini.

AmaNani 23:23

Kakulamilingo kuJakobe, kakulakuvumisa kuIsrayeli. Khathesi kuzakutshiwo ngoJakobe langoIsrayeli ukuthi: Khangela ukuthi uNkulunkulu wenzeni!

Imisebenzi 13:17

UNkulunkulu walesisizwe sakoIsrayeli wakhetha okhokho, wabaphakamisa abantu bengabafokazana nje elizweni laseGibithe; wabakhupha kulo ngamandla amakhulu.

UDutheronomi 32:39

Bonani ukuthi mina nginguye, kakho omunye unkulunkulu ngaphandle kwami; ngiyabulala, ngisilise; ngiyalimaza, ngelaphe; kakho ongakhulula esandleni sami.

UDutheronomi 4:34

Futhi omunye unkulunkulu wake wazama yini ukuzithathela isizwe phakathi kwesinye isizwe ngezinhlupheko, langezibonakaliso, langezimangaliso, langempi, langesandla esilamandla, langengalo elamandla, langezinto ezesabekayo, njengakho konke iNkosi uNkulunkulu wenu eyalenzela khona eGibithe phambi kwamehlo enu na?